តួលេខ​ក្នុង​វេបសាយ​របស់​យើង​ខ្ញុំ គឺ​សម្រាប់​បង្ហាញ​ជូន​ជា​ព័ត៌មាន​ប៉ុណ្ណោះ និង​អាច​មាន​ការ​កែ​ប្រែ ។ សម្រាប់​ព័ត៌មាន​បន្ថែម សូម​ទាក់ទង​សាខា​របស់​យើង​ខ្ញុំ​ដែល​​នៅ​ជិត​លោក​អ្នក ឬ​ក៏​ទាក់ទង​មក​ការិយាល័យ​ទំនាក់ទំនង​អតិថិជន ។
យល់ព្រម
English     ភាសាខ្មែរ
ធនាគារ អេស៊ីលីដា ភីអិលស៊ី
expand_less

homenavigate_nextផលិតផល និង​សេវាnavigate_nextសេវា​ភតិសន្យា​ហិរញ្ញវត្ថុ

សេវា​ភតិសន្យា​ហិរញ្ញវត្ថុ

សេវា​ភតិសន្យា​ហិរញ្ញវត្ថុ ផ្តល់​ជូន​អតិថិជន​ជា​អាជីវករ ពាណិជ្ជករ និង​ក្រុមហ៊ុន​នានា នូវ​ចលនវត្ថុ​ដូចជា យានយន្ត គ្រឿងចក្រ ឬ​ឧបករណ៍​សម្ភារ​បរិក្ខា​ទាំង​ឡាយ (លើក​លែង​ដី/អគារ) ក្នុង​រយៈពេល​វែង ដើម្បី​យក​មក​ប្រើប្រាស់​ក្នុង​អាជីវកម្ម ឬ​ផ្ទាល់​ខ្លួន ដោយ​មិន​ចាំបាច់​វិនិយោគ​បន្ថែម​នូវ​សាច់ប្រាក់​ផ្ទាល់​ខ្លួន ឬ​ដក​យក​ទុន​បង្វិល​ពី​ក្នុង​អាជីវកម្ម​មក​ប្រើ​ប្រាស់ ។

ធនាគារ​អេស៊ីលីដា ផ្តល់​សិទ្ធិ​កាន់​កាប់ និង​សិទ្ធិ​ប្រើប្រាស់​ពេញ​លេញ​ជូន​អតិថិជន​ពេញ​មួយ​រយៈពេល​នៃ​កិច្ចព្រមព្រៀង​ភតិសន្យា​ហិរញ្ញវត្ថុ និង​ត្រូវ​បង់​ត្រឡប់​មក​ធនាគារ​អេស៊ីលីដា​វិញ​នូវ​ថ្លៃ​ឈ្នួល​ប្រចាំ​ខែ ឬ​ថ្លៃ​ឈ្នួល​ដែល​បាន​ព្រមព្រៀង​គ្នា​ក្នុង​រយៈពេល​ចរចា​ណា​មួយ រួម​ទាំង​កម្រៃ​សេវា​ផ្សេងៗ ។

អត្ថប្រយោជន៍

  • ទទួល​បាន​ចលនវត្ថុ​ទៅ​តាម​តម្រូវការ​សម្រាប់​យក​ទៅ​ធ្វើ​ប្រតិបត្តិការ​ដោយ​មិន​ចាំ​បាច់​ប្រើប្រាស់​ធនធាន​ផ្ទាល់​ខ្លួន ឬ​ទុន​ពី​មុខរបរ
  • ផ្ទេរ​ការ​ចំណាយ​ដុល​លើ​ការ​ទិញ​ចលនវត្ថុ ទៅ​ជា​ការ​ចំណាយ​ប្រតិបត្តិការ​ប្រចាំ​ខែ​វិញ
  • អាច​បង្កើន​ប្រាក់​ចំណូល និង​ពង្រីក​ប្រតិបត្តិការ​ច្រើន​ថែម​ទៀត

ទំហំ​ឥណទាន រយៈពេល​ជួល និង​អត្រាការ​ប្រាក់

  • ទំហំ​ឥណទាន រហូត​ដល់ ២.០០០.០០០.០០០ រៀល ឬ ៥០០.០០០ ដុល្លារ​អាមេរិក
  • រយៈពេល​ជួល អប្បបរមា ១២ខែ
  • រយៈពេល​ជួល អតិបរមា
    • ៧២ខែ សម្រាប់​ចលនវត្ថុ​ថ្មី
    • ៦០ខែ សម្រាប់​ចលនវត្ថុ​ដែល​ប្រើ​ហើយ
  • អត្រាការ​ប្រាក់ ចាប់ពី ១២% ដល់ ១៨% ក្នុង​មួយ​ឆ្នាំ

ឯកសារ​តម្រូវ

  • អតិថិជន​ដែល​មាន​ប្រភព​ចំណូល​ក្រៅ​ពី​ប្រាក់​បៀវត្សរ៍ ៖
    • ផ្តល់នូវ​របាយការណ៍​ហិរញ្ញវត្ថុ​មួយ​ឆ្នាំ​ចុង​ក្រោយ (ប្រសិន​បើ​មាន)
    • ផ្តល់​រូបថត​ទីតាំង​អាជីវកម្ម​ដែល​កំពុង​ធ្វើ​ប្រតិបត្តិការ
    • មាន​សៀវភៅ​គ្រួសារ សៀវភៅ​ស្នាក់​នៅ អត្តសញ្ញាណប័ណ្ណ​សញ្ជាតិ​ខ្មែរ ឬ​លិខិត​ផ្សេង​ទៀត​ដែល​អាច​ប្រើ​ជំនួស​បាន
    • ផ្តល់​ឯកសារ​ផ្លូវ​ច្បាប់​ថតចម្លង​ទាក់ទង​នឹង​ក្រុមហ៊ុន ដូចជា ប័ណ្ណប៉ាតង់ វិញ្ញាបនបត្រ​ចុះ​បញ្ជី​ពាណិជ្ជកម្ម លក្ខន្តិកៈ​ក្រុមហ៊ុន ស្លាកសញ្ញា វិញ្ញាបនបត្រ​ចុះ​បញ្ជី​ផលិតផល ។ល។
  • អតិថិជន​ដែល​មាន​ប្រភព​ចំណូល​ជា​ប្រាក់​បៀវត្សរ៍ ៖
    • ការងារ​មាន​និរន្តរភាព, ប្រាក់​បៀវត្សរ៍​អាច​សង​ប្រាក់​កម្ចី​បាន​យ៉ាង​ទៀត​ទាត់
    • ច្បាប់​ថត​ចម្លង​សក្ខីប័ត្រ​បៀវត្សរ៍​រយៈពេល ៣ខែ​ចុង​ក្រោយ ឬ​លិខិត​បញ្ជាក់​ពី​និយោជក​អំពី​ឋានៈ​តួនាទី​រយៈពេល​កំពុង​បម្រើ​ការងារ ដោយ​មាន​ការ​បញ្ជាក់​ពី​អ្នក​គ្រប់គ្រង​ផ្ទាល់
    • ច្បាប់​ថត​ចម្លង​កិច្ច​សន្យា​ការងារ
    • ច្បាប់​ថត​ចម្លង​សៀវភៅ​គ្រួសារ អត្តសញ្ញាណប័ណ្ណ ឬ​លិខិត​ផ្សេង​ទៀត​ដែល​អាច​ជំនួស​បាន
    • សៀវភៅ​គណនី ឬ​ថត​ចម្លង​របាយការណ៍​ធនាគារ​រយៈពេល ៣ខែ​ចុង​ក្រោយ "បើ​មាន"
    • ច្បាប់​ថត​ចម្លង​វិក្កយបត្រ​ទឹក ភ្លើង និង​ឯកសារ​ចាយ​វាយ​ក្នុង​គ្រួសារ​រយៈពេល ៣ខែ​ចុង​ក្រោយ
    • ករណី​មាន​ជួល​ទ្រព្យ​សម្បត្តិ​ឱ្យ​អ្នក​ដទៃ ត្រូវ​ថត​ចម្លង​កិច្ចសន្យា​ជួល​បច្ចុប្បន្ន និង​កិច្ច​សន្យា​ជួល​ផ្សេងៗ ក្នុង​រយៈពេល​យ៉ាង​ហោច​ណាច់ ១ឆ្នាំ​មុន "បើ​មាន" ។

លក្ខខណ្ឌ​តម្រូវ

អតិថិជន​ត្រូវ​គោរព​តាម​លក្ខខណ្ឌ​តម្រូវ​ដូច​ខាង​ក្រោម ៖

  • យល់ព្រម​ផ្តល់​ឯកសារ​តាម​តម្រូវការ​របស់​ធនាគារ​អេស៊ីលីដា
  • យល់ព្រម​ថែរក្សា​ចលនវត្ថុ​ដែល​ជួល ឱ្យ​មាន​លក្ខណៈ​ល្អ​ប្រសើរ​តាម​អាយុកាល​ប្រើប្រាស់
  • អតិថិជន​មិន​អាច​កែច្នៃ​រូបរាង​ដើម​របស់​ចលនវត្ថុ​ឡើយ​លើកលែង​តែ​មាន​ការព្រមព្រៀង​ជា​មុន​ពី​ធនាគារ​អេស៊ីលីដា
  • ទទួល​ខុស​ត្រូវ​ជួសជុល​រាល់​ការ​ខូតខាត​ឬ​ការបាត់បង់​ចលនវត្ថុ​ដែល​បាន​ជួល
  • មិន​ត្រូវ​ផ្ទេរ លក់ បញ្ចាំ ឬ​ជួល​បន្ត​ដោយ​គ្មាន​ការ​យល់ព្រម​ជា​មុន​ពី​ធនាគារ​អេស៊ីលីដា​ឡើយ
  • អនុញ្ញាត​ឱ្យ​ធនាគារ​អេស៊ីលីដា​ចុះ​ត្រួត​ពិនិត្យ​ចលនវត្ថុ និង​ស្ថានភាព​អាជីវកម្ម
  • អតិថិជន​ត្រូវ​ចំណាយ​លើ​ថ្លៃ​សេវា​ផ្សេងៗ ដូចជា ថ្លៃ​ដឹក​ជញ្ជូន ថ្លៃ​ធ្វើ​ស្លាកលេខ​សម្គាល់​យានយន្ត ឬ​លិខិត​អនុញ្ញាត​ឱ្យ​ប្រើប្រាស់​គ្រឿង​ម៉ាស៊ីន​ឧបករណ៍ សម្ភារ​និង​ថ្លៃ​ធានា​រ៉ាប់រង ។ល។
  • យល់ព្រម​ទទួល​យក​ចលនវត្ថុ​នោះ​នៅ​ពេល​ដល់​កាលកំណត់​នៃ​កិច្ច​ព្រមព្រៀង​ភតិសន្យា​ហិរញ្ញវត្ថុ និង​រ៉ាប់រង​ចំណាយ​សម្រាប់​ដំណើរការ​កាត់​ឈ្មោះ

សំគាល់ ៖ សម្រាប់​តម្រូវការ​ប្រើប្រាស់​សេវា​ធនាគារ និង​​ព័ត៌មាន​ផ្សេងៗ​ទៀត សូម​ទាក់ទង​ជាមួយ​នឹង​សាខា​របស់​យើង​ខ្ញុំ ដែល​មាន​ទីតាំង​នៅ​ជិត​លោក​អ្នក​បំផុត ឬ​ទាក់ទង​នាយកដ្ឋាន​សេវា​ឥណទាន ឬ​ក៏​ទាក់ទង​មក​ការិយាល័យ​ទំនាក់ទំនង​អតិថិជន ។

  សំណួរ-ចម្លើយclose
search

1. ដូចម្តេចដែលហៅថាសេវាភតិសន្យាហិរញ្ញវត្ថុ?

សេវាភតិសន្យាហិរញ្ញវត្ថុ គឺជាការជួលចលនវត្ថុដូចជា យានយន្ត គ្រឿងចក្រ និងឧបករណ៍ សម្ភារបរិក្ខារទាំងឡាយ (លើកលែងដី/អគារ) ក្នុងរយៈពេលវែង សម្រាប់គោលបំណងយកទៅប្រើប្រាស់ក្នុងអាជីវកម្ម ដោយធនាគារ អេស៊ីលីដា ភីអិលស៊ី ផ្តល់សិទ្ធិកាន់កាប់ និងសិទ្ធិប្រើប្រាស់ពេញលេញជូនអតិថិជនពេញមួយរយៈពេលនៃកិច្ចព្រមព្រៀងភតិសន្យាហិរញ្ញវត្ថុ និងត្រូវបង់ត្រឡប់មកវិញនូវថ្លៃឈ្នួលប្រចាំខែ ឬថ្លៃឈ្នួលដែលបានព្រមព្រៀងគ្នាក្នុងរយៈពេលចរចាណាមួយ រួមទាំងកម្រៃសេវាផ្សេងៗ។

2. តើសេវាភតិសន្យាហិរញ្ញវត្ថុមានប្រភេទរូបិយប័ណ្ណអ្វីខ្លះ?

សេវាភតិសន្យាហិរញ្ញវត្ថុត្រូវបានផ្តល់ជូនអតិថិជនជារូបិយប័ណ្ណ ប្រាក់រៀល និងប្រាក់ដុល្លារអាមេរិក។

3. តើទំហំទឹកប្រាក់ភតិសន្យាហិរញ្ញវត្ថុ និងរយៈពេលជួលអាចបានប៉ុន្មានដែរ?

  • ទំហឥណទាន
    • ថ្លៃដើមចលនវត្ថុសម្រាប់ជួល ផ្អែកទៅតាមតម្រូវការជាក់ស្តែងរបស់អតិថិជន ទំហំអតិបរមារហូតដល់ ២៥០,០០០ ដុល្លារអាមេរិក ក្នុងមួយឯកតាចលនវត្ថុ និង
    • ទំហំទឹកប្រាក់ភតិសន្យាហិរញ្ញវត្ថុអតិបរមាសម្រាប់អតិថិជន-ក្រុមហ៊ុននីមួយៗ (One Exposure Per Customer) ៥០០,០០០ ដុល្លារអាមេរិក។
  • រយៈពេលជួល
    • រយៈពេលជួលអប្បបរមា ១២ខែ និងអតិបរមាមិនលើសពីអាយុកាលនៃចលនវត្ថុដែលត្រូវជួល។
    • ការកំណត់អាយុកាលនៃចលនវត្ថុ (Useful Life)៖
      • រយៈពេលអតិបរមា ៧២ខែ (ចិតសិបពីរខែ) ចំពោះចលនវត្ថុថ្មី (Brand-New)។
      • រយៈពេលអតិបរមា ៦០ខែ (ហុកសិបខែ) ចំពោះចលនវត្ថុប្រើប្រាស់រួច (Second-Hand Brand)។

4. តើរបៀបបង់ថ្លៃឈ្នួលត្រឡប់របស់សេវាសេវាភតិសន្យាហិរញ្ញវត្ថុយ៉ាងដូចម្តេចដែរ?

អតិថិជនអាចធ្វើការជ្រើសរើសរបៀបបង់ថ្លៃឈ្នួលមួយក្នុងចំណោមរបៀបបង់ខាងក្រោមនេះ ទៅតាមស្ថានភាពនៃប្រភព ចំណូលរបស់ខ្លួន៖

  • បង់ការប្រាក់ និងបង់ប្រាក់ដើមរំលស់ (Linear) ជារៀងរាល់ខែ។
  • បង់រំលស់ប្រាក់ដើមបូកការប្រាក់ថេរ (Annuity) ជារៀងរាល់ខែ។
  • បង់ការប្រាក់ និងបង់ប្រាក់ដើមមួយចំនួនតាមការព្រមព្រៀងរៀងរាល់ខែ ហើយប្រាក់ដើមនៅសល់បង់ចុងវដ្ត។

សម្គាល់៖ ការបង់ប្រាក់ដូចចំណុចទីបីខាងលើ ប្រាក់ដើមដែលនៅសល់បង់ចុងវដ្ត ត្រូវតិចជាង ៣០% (សាមសិបភាគរយ) នៃទំហំភតិសន្យាហិរញ្ញវត្ថុ។

5. តើប្រភេទចលនវត្ថុបែបណា ដែលអាចជួលបាន?

  • ចលនវត្ថុជួល (Leased Asset)
    ចលនវត្ថុដែលទិញសម្រាប់ជួលជាចលនវត្ថុថ្មី (Brand New) មានលក្ខខណ្ឌធានា (Warranty) និងជួសជុល (Maintenance Service) ច្បាស់លាស់ ឬអាចជាចលនវត្ថុប្រើប្រាស់រួច (Second-hand) ដែលបានបង់ពន្ធគយនាំចូល និងមានបទដ្ឋានគុណភាពអាចទទួលយកបាន។ ចលនវត្ថុដែលទិញសម្រាប់ជួលនោះ ជាចលនវត្ថុដែលបានបង់ពន្ធ ត្រឹមត្រូវស្របតាមផ្លូវច្បាប់ និងត្រូវបានកំណត់ថ្លៃដើម និងថ្លៃទីផ្សារ ដូចខាងក្រោម៖
    • ថ្លៃដើមចលនវត្ថុ (Cost): រួមមាន ថ្លៃក្នុងវិក្កយបត្រ បូកចំណាយបង់ពន្ធ (VAT)។
    • ថ្លៃទីផ្សារ (Fair Value): ក្នុងករណីអតិថិជនខកខានបង់ថ្លៃឈ្នួល ហើយចលនវត្ថុជួលត្រូវបានទាមទារយកមកវិញ មុនកាលាវសាននៃភតិសន្យាហិរញ្ញវត្ថុ ឬចលនវត្ថុលក់ហើយជួលវិញ (Leaseback Asset) ចលនវត្ថុនោះ នឹងត្រូវធ្វើការវាយតម្លៃឡើងវិញ ដើម្បីកំណត់តម្លៃទីផ្សារដោយគណៈកម្មាធិការលទ្ធកម្មការពិគ្រោះថ្លៃ (ចំពោះ ចលនវត្ថុដែលមានតម្លៃនៅសល់ប៉ាន់ស្មានច្រើនជាង ១០០,០០០ ដុល្លារអាមេរិក ឬសមមូល រហូតដល់ ៣០០,០០០ ដុល្លារអាមេរិក ឬសមមូល) ឬគណៈកម្មាធិការលទ្ធកម្មការស្ទង់តម្លៃ (ចំពោះចលនវត្ថុដែលមានតម្លៃនៅសល់ ប៉ាន់ស្មានរហូតដល់ ១០០,០០០ ដុល្លារអាមេរិក ឬសមមូល) មុនពេលធនាគារសម្រេចចិត្តលក់ឡាយឡុង ឬដាក់ជួលទៅឲ្យអ្នកផ្សេង ឬដាក់ជួល (Leaseback)។
    • សម្គាល់៖ ចលនវត្ថុជារថយន្ដប្រើប្រាស់រួច (Used /Second-Hand Car) ដែលមានស្លាកលេខក្នុងស្រុក (Number Plate) ស្របច្បាប់ និងផលិតក្នុងអំឡុង ១០ឆ្នាំមុននៃឆ្នាំបច្ចុប្បន្ន អាចពិចារណាទទួលទិញសម្រាប់ជួល ក្នុងករណី អតិថិជនមានប្រាក់ប្រាតិភោគ (Security or Margin Deposit) ជាសាច់ប្រាក់អប្បបរមា ៥០% (ហាសិបភាគរយ) នៃថ្លៃដើមចលនវត្ថុសរុបឬត្រូវបានកាត់បន្ថយស្របទៅតាមសមាមាត្រនៃចំនួនទឹកប្រាក់ដែលអតិថិជនបានបង់ថ្លៃឈ្នួលជាមុន (Advance lease payments)។
  • ចលនវត្ថុលក់ហើយជួលវិញ (Leaseback Asset)
    • ចលនវត្ថុលក់ហើយជួលវិញ គឺជាការធ្វើប្រតិបត្តិការលក់ និងផ្ទេរកម្មសិទ្ធិមកឲ្យធនាគារ អេស៊ីលីដា ភីអិលស៊ី នូវចលនវត្ថុដែលកំពុងដំណើរការក្នុងចង្វាក់ផលិតកម្មរបស់អតិថិជនក្នុងនាមជាអ្នកផ្គត់ផ្គង់ ជូនមកធនាគារតាមរយៈ កិច្ចព្រមព្រៀងផ្គត់ផ្គង់ និងទទួលជួលវិញក្នុងនាមជាអតិថិជនដែលមានរយៈពេលជួលដោយផ្អែកតាមកិច្ចព្រមព្រៀង ភតិសន្យាហិរញ្ញវត្ថុ។ ក្នុងប្រតិបត្តិការលក់ហើយជួលវិញ (Leaseback Arrangement) អតិថិជនដែលជា អ្នកផ្គត់ផ្គង់ ជានីតិបុគ្គលតែមួយដែលបានបំពេញនូវលក្ខខណ្ឌច្បាប់, មានរបាយការណ៍ហិរញ្ញវត្ថុត្រឹមត្រូវ និង មានប្រព័ន្ធបញ្ជិកាគណនេយ្យអាចផ្ទៀងផ្ទាត់បាន ហើយការកំណត់ថ្លៃចលនវត្ថុត្រូវអនុវត្តតាមថ្លៃទីផ្សារ (Fair Value) ដូចខាងលើ។
    • ចលនវត្ថុដែលនឹងត្រូវធ្វើប្រតិបត្តិការលក់ត្រូវតែជាកម្មសិទ្ធិស្របច្បាប់របស់អ្នកផ្គត់ផ្គង់ និងមានឯកសារគាំទ្រត្រឹមត្រូវ ច្បាស់លាស់, មិនមានជាប់កាតព្វកិច្ចផ្លូវច្បាប់ និងមិនមានជាប់បន្ទុកផ្សេងៗ ទៀតជាមួយនឹងតតិយជន។
    • ធនាគារ និងអ្នកផ្គត់ផ្គង់អាចធ្វើប្រតិបត្តិការលក់ហើយជួលវិញ (Leaseback Arrangement) ចំពោះចលនវត្ថុ ដែលជាទ្រព្យសកម្មរបស់ក្រុមហ៊ុនដូចជា យានយន្ដគ្រប់ប្រភេទ និងគ្រឿងចក្រធុនធ្ងន់ដែលមានឯកសារអត្តសញ្ញាណ និងចុះបញ្ជិកាគណនេយ្យត្រឹមត្រូវ និងច្បាស់លាស់ក្នុងលក្ខខណ្ឌអ្នកផ្គត់ផ្គង់មានតម្រូវការសាច់ប្រាក់ ដើម្បីពង្រីក ប្រតិបត្តិការវិនិយោគបន្ថែម ឬបង្កើនដើមទុនក្នុងអាជីវកម្មតែប៉ុណ្ណោះ ខណៈដែលចលនវត្ថុដែលត្រូវលក់ហើយ ជួលវិញនោះនៅមានតម្រូវការប្រើប្រាស់ចាំបាច់នៅក្នុងក្រុមហ៊ុននៅឡើយ ដោយផ្អែកតាមតម្រូវការផែនការ អាជីវកម្មរបស់ក្រុមហ៊ុន។

6. តើលក្ខណសម្បត្តិអតិថិជនបែបណា ដើម្បីទទួលបានសេវាភតិសន្យាហរិញ្ញវត្ថុ?

អតិថិជនត្រូវមានលក្ខណសម្បត្តិដូចខាងក្រោម៖

  • ជាពលរដ្ឋសកម្ម ឬជានីតិជន។
  • មានមុខរបរ និងប្រភពចំណូលដែលមាននិរន្តរភាព មានលទ្ធភាពបង់ថ្លៃឈ្នួលទាន់ពេលវេលា និងយល់ព្រមបង់ថ្លៃឈ្នួលដល់ការិយាល័យធនាគារ អេស៊ីលីដា ភីអិលស៊ី។
  • មានប្រវត្តិ កេរ្តិ៍ឈ្មោះ អត្តចរិតល្អ និងមានចេតនាបង់ថ្លៃឈ្នួលរហូតដល់ចប់កិច្ចព្រមព្រៀង។
  • មានទីលំនៅអចិន្រ្តៃយ៏ដែលបញ្ជាក់ពីអាជ្ញាធរក្នុងតំបន់ ដូចជាមានសៀវភៅគ្រួសារ សៀវភៅស្នាក់នៅ អត្តសញ្ញាណប័ណ្ណសញ្ជាតិខ្មែរ ឬលិខិតផ្សេងទៀតដែលអាចប្រើជំនួសបាន។
  • ធានាផ្តល់ព័ត៍មានត្រឹមត្រូវ ច្បាស់លាស់ គ្រប់គ្រាន់ និងទាន់ពេលវេលាជូនធនាគារ។
  • មិនជាប់ពិរុទ្ធដែលពាក់ព័ន្ធនឹងបទល្មើសផ្សេងៗ។
  • យល់ច្បាស់រាល់ប្រការ លក្ខខណ្ឌនៃគោលការណ៍ និងនីតិវិធីភតិសន្យាហរិញ្ញវត្ថុរបស់ធនាគារ អេស៊ីលីដា ភីអិលស៊ី។
  • មានអាជីវកម្មស្របច្បាប់ មិនស្ថិតក្នុងបញ្ជីដែលត្រូវហាមឃាត់ (Exclusion List) របស់ធនាគារ អេស៊ីលីដា ភីអិលស៊ី។

7. តើឯកសារតម្រូវសម្រាប់សេវាភតិសន្យាហរិញ្ញវត្ថុត្រូវមានអ្វីខ្លះ?

ឯកសារតម្រូវសម្រាប់សេវាភតិសន្យាហិរញ្ញវត្ថុរួមមាន៖

  • អតិថិជនដែលមានប្រភពចំណូលក្រៅពីប្រាក់បៀវត្សរ៍៖
    • ផ្តល់របាយការណ៍ហិរញ្ញវត្ថុមួយឆ្នាំចុងក្រោយ (ប្រសិនបើមាន)។
    • ផ្តល់រូបថតទីតាំងអាជីវកម្មដែលកំពុងធ្វើប្រតិបត្តិការ។
    • មានសៀវភៅគ្រួសារ សៀវភៅស្នាក់នៅ អត្តសញ្ញាណប័ណ្ណសញ្ជាតិខ្មែរ ឬលិខិតផ្សេងទៀតដែលអាចប្រើជំនួសបាន។
    • ផ្តល់ឯកសារផ្លូវច្បាប់ថតចម្លងទាក់ទងនឹងក្រុមហ៊ុនដូចជា ប័ណ្ណប៉ាតង់ វិញ្ញាបនបត្រចុះបញ្ជីពាណិជ្ជកម្ម លក្ខន្តិកៈក្រុមហ៊ុន ស្លាកសញ្ញា វិញ្ញាបនបត្រចុះបញ្ជីផលិតផល។ល។
  • អតិថិជនដែលមានប្រភពចំណូលជាប្រាក់បៀវត្សរ៍៖
    • ការងារមាននិរន្តរភាព ប្រាក់បៀវត្សរ៍អាចសងប្រាក់កម្ចីបានយ៉ាងទៀងទាត់ បន្ទាប់ពីបានកាត់កងចំណាយប្រចាំគ្រួសារ និងប្រាក់បម្រុងគ្រាអាសន្នរួចហើយ។
    • ច្បាប់ថតចម្លងសក្ខីប័ត្របៀវត្សរ៍រយៈពេល ០៣ខែចុងក្រោយ ឬលិខិតបញ្ជាក់ពីនិយោជកអំពីឋានៈតួនាទី រយៈពេលកំពុងបម្រើការងារ ដោយមានការបញ្ជាក់ពីអ្នកគ្រប់គ្រងផ្ទាល់។
    • ច្បាប់ថតចម្លងកិច្ចសន្យាការងារ។
    • ច្បាប់ថតចម្លងសៀវភៅគ្រួសារ អត្តសញ្ញាណប័ណ្ណ ឬលិខិតផ្សេងទៀតដែលអាចជំនួសបាន។
    • សៀវភៅគណនី ឬថតចម្លងរបាយការណ៍ធនាគាររយៈពេល ០៣ខែចុងក្រោយ "បើមាន"។
    • ច្បាបថតម្លងវិក្កយបត្រទឹក ភ្លើង និងឯកសារចាយវាយក្នុងគ្រួសាររយៈពេល ០៣ខែចុងក្រោយ។
    • ករណីមានជួលទ្រព្យសម្បត្តិអ្នកដទៃ ត្រូវថតចម្លងកិច្ចសន្យាជួលបច្ចុប្បន្ន និងកិច្ចសន្យាជួលផ្សេងៗក្នុងរយៈពេលយ៉ាងហោចណាស់ ០១ឆ្នាំមុន "បើមាន"។

សូម​លោក​អ្នក​មេត្តា​ចំណាយ​ពេល​ប្រហែល ១០នាទី ដើម្បី​ផ្តល់​នូវ​ចម្លើយ និង​សំណូម​ពរ​ផ្សេងៗ ។ ចម្លើយ​របស់​លោក​អ្នក​នឹង​រក្សា​ការ​សម្ងាត់ ។

យល់ព្រម

ជា​សេវា​ហិរញ្ញវត្ថុ​មួយ​ប្រភេទ ដែល​អនុញ្ញាត​ឲ្យ​លោក​អ្នក​ធ្វើ​ប្រតិបត្តិការ​សេវា​ធនាគារ តាម​រយៈ​ទូរស័ព្ទ​ចល័ត​ដែល​ដំណើរការ​ដោយ Android និង iOS ។

មាន​អតិថិជន​កំពុង​ប្រើ​ចំនួន ១.៤៧៥.០៦១ នាក់
  

ប្រសិន​បើ​លោក​អ្នក​មាន​ចម្ងល់ ឬ​សំណូម​ពរ​ផ្សេងៗ (បម្រើ​២៤​ម៉ោង)
phone០២៣ ៩៩៤ ៤៤៤, ០១៥ ៩៩៩ ២៣៣
emailinquiry@acledabank.com.kh

សម្រាប់​បណ្តឹង​ត្អូញ​ត្អែរ (បម្រើ​ជូន​ពី​ម៉ោង ៧:៣០ ដល់​ម៉ោង ១៦:៣០ រៀង​រាល់​ថ្ងៃ​ធ្វើការ)
phone០១៥ ៨៨៨ ៦៥៤
emailcmc@acledabank.com.kh

យើង​ខ្ញុំ​សូម​ថ្លែង​អរគុណ​សម្រាប់​ការ​ចំណាយ​ពេល​ដ៏​មាន​តម្លៃ​របស់​លោក​អ្នក ដើម្បី​ផ្តល់​ចំណាត់​ថ្នាក់ និង​យោបល់ ដល់​ធនាគារ អេស៊ីលីដា ។

ព័ត៌មាន​បន្ថែម
អេស៊ីលីដា​យូនីធី​ទាន់​ចិត្ត
អតិថិជន​កំពុង​ប្រើ ១.៤៧៥.០៦១ នាក់
ទាញយក​ពី App StoreGoogle Play
ផែនទីទំព័រ   ទម្រង់ប្រើជាមួយសេវា   របៀបប្រើសេវាកម្ម   កម្មវិធីគណនា   ព័ត៌មានតាមអ៉ីម៉ែល   លក្ខខណ្ឌសុវត្ថិភាព   កំណត់ចំណាំផ្នែកច្បាប់
ចំនួនអ្នកកំពុងទស្សនា : ៦៥    ចំនួនអ្នកទស្សនាថ្ងៃនេះ : ១៤.៣៩៤    ចំនួនអ្នកទស្សនាពីម្សិល : ១៩.៧០៥