navigate_nextព័ត៌មានnavigate_nextព័ត៌មានសេដ្ឋកិច្ចកម្ពុជា និងសកលnavigate_nextចិន បើកទីផ្សារមូលបត្របំណុលដល់បរទេស
ចិន បើកទីផ្សារមូលបត្របំណុលដល់បរទេស
ថ្ងៃទី០៣ ខែកក្កដា ឆ្នាំ២០១៧ | ប្រភព ៖ ឌឹភ្នំពេញប៉ុស្ត៍
ក្រុងប៉េកាំងៈ ធនាគារកណ្តាលចិនបានឲ្យដឹងថាប្រទេសចិននឹងអនុញ្ញាតឲ្យវិនិយោគិន បរទេសចូលទៅកាន់ទីផ្សារមូលបត្របំណុលដ៏ធំរបស់ខ្លួនដោយផ្ទាល់ ចាប់ពីថ្ងៃចន្ទនេះតទៅ។
ធនាគារកណ្តាលចិន និងអាជ្ញាធររូបិយវត្ថុហុងកុងបានឲ្យដឹងក្នុងសេចក្តីថ្លែងការណ៍រួម គ្នាមួយកាលពីថ្ងៃអាទិត្យដែលបានធ្វើឡើងនៅពេលដែលទីក្រុងហុងកុង បានរៀបចំប្រារព្ធខួបលើកទី ២០ នៃការប្រគល់ទីក្រុងមួយនេះឲ្យប្រទេសចិនវិញពីសំណាក់ចក្រភពអង់គ្លេសថាទីតាំងជួញដូរមួយដែលអនុញ្ញាតឲ្យមានការវិនិយោគ «ឆ្ពោះទៅទិសខាងជើង» ពីទីក្រុងហុងកុងចូលមកទីផ្សារមូលបត្របំណុលរបស់ចិននេះនឹងឈានចូលដំណាក់កាល «ប្រតិបត្តិការសាកល្បង» នៅថ្ងៃទី ៣ ខែកក្កដានេះ។
យោងតាមធនាគារកណ្តាលចិនបានឲ្យដឹងថាលទ្ធភាពចូលទៅកាន់ទីផ្សារ នេះនឹងត្រូវផ្តល់ឲ្យតែ «វិនិយោគិនដែលមានលក្ខណសម្បត្តិគ្រប់គ្រាន់» ដូចជាធនាគារកណ្តាល និងមូលនិធិវិនិយោគរបស់រដ្ឋ តែក៏ចំពោះធនាគារពាណិជ្ជ ក្រុមហ៊ុនធានារ៉ាប់រងក្រុមហ៊ុនឈ្មួញជើងសា និងមូលនិធិវិនិយោគផងដែរ។
ទីផ្សារមូលបត្ររបស់ចិនគឺជាទីផ្សារធំជាងគេទីបីក្នុងពិភពលោក ដោយមានតម្លៃប្រមាណ ១០ ពាន់ពាន់លានដុល្លារ។ នេះបើយោងតាមទីភ្នាក់ងារព័ត៌មាន Bloomberg។
យ៉ាងនេះក្តី វិនិយោគិនបរទេសដែលបច្ចុប្បន្នកាន់កាប់ផ្នែកដ៏តូចបំផុតនៃមូលបត្រ បំណុលដែលបោះផ្សាយនៅប្រទេសចិនពោលគឺតិចជាង ១,៥ ភាគរយបើយោងតាមការព្យាកររបស់ទីភ្នាក់ងារព័ត៌មាន Bloomberg ស្ទើរតែមិនអាចចូលទៅកាន់ទីផ្សារដែលកំពុងរីកចម្រើនខ្លាំងនេះបាន។
នៅឆ្នាំ ២០១៤ ការតភ្ជាប់ការជួញដូរមួយរវាងផ្សារហ៊ុនក្រុងហុងកុង និងផ្សារហ៊ុនក្រុងស៊ាងហៃត្រូវបានដាក់ដំណើរការ ហើយការតភ្ជាប់ផ្សារហ៊ុនផ្សេងទៀតបានចាប់ផ្តើមនៅខែធ្នូ ឆ្នាំ ២០១៦ រវាងផ្សារហ៊ុនក្រុងហុងកុង និងផ្សារហ៊ុនក្រុង Shenzhen។
ការតភ្ជាប់ផ្សារហ៊ុននេះនឹងផ្តល់លទ្ធភាពខ្លះឲ្យជនបរទេសទិញភាគហ៊ុនចុះបញ្ជីនៅប្រទេសចិន៕