ENGLISH
navigate_nextព័ត៌មានnavigate_nextព័ត៌មានសេដ្ឋកិច្ចកម្ពុជា និងសកលnavigate_nextក្រសួងដាក់ចេញតម្លៃប្រេងដែលបានកំណត់តាមរូបមន្ត
ក្រសួងដាក់ចេញតម្លៃប្រេងដែលបានកំណត់តាមរូបមន្ត
ថ្ងៃទី១៥ ខែមីនា ឆ្នាំ២០១៦ | ប្រភព ៖ ឌឹភ្នំពេញប៉ុស្ត៍
ភ្នំពេញៈ ក្រសួងពាណិជ្ជកម្មបានប្រកាសអនុវត្តរូបមន្តកំណត់តម្លៃប្រេងលក់រាយ នៅកម្ពុជាដើម្បីឲ្យស្របនឹងការឡើងចុះតាមតម្លៃទីផ្សារអន្តរជាតិ។ នេះបើតាមសេចក្តីប្រកាសរបស់ក្រសួងពាណិជ្ជកម្មកាលពីថ្ងៃម្សិលមិញ។ យោងតាមសេចក្តីជូនដំណឹងបានឲ្យដឹងថាតាមរូបមន្តនេះបានធ្វើឲ្យតម្លៃប្រេងឥន្ធនៈនៅកម្ពុជាបច្ចុប្បន្ននឹងធ្លាក់ចុះពី ៣៦៥០ រៀលសម្រាប់សាំងស៊ុពែរមកនៅ ៣១៥០ រៀលក្នុងមួយលីត្រសាំងធម្មតាពី ៣៣៥០ មកនៅ ៣០៥០ រៀលក្នុងមួយលីត្រខណៈតម្លៃប្រេងម៉ាស៊ូតដែលបច្ចុប្បន្ន ៣១០០ នឹងធ្លាក់មកនៅ ២៧០០ រៀលក្នុងមួយលីត្រ។ ដោយឡែកសម្រាប់ក្រុមហ៊ុនស្ថានីយប្រេងដែលលក់ក្រោមតម្លៃកំណត់ដោយ រូបមន្តកំណត់ថ្លៃនេះសូមបន្តលក់ក្នុងតម្លៃទាបនេះបន្តទៀត។ នេះបើតាមសេចក្តីប្រកាសព័ត៌មាន។ សេចក្តីប្រកាសដដែលបន្តថាប្រេងឥន្ធនៈដែលលក់ក្នុងទីផ្សារ កម្ពុជាស្ទើរតែទាំងអស់មានប្រភពពីប្រទេសសិង្ហបុរីដូចគ្នា។ ទោះបីជាយ៉ាងនេះក្តីនៅក្នុងសេចក្តីប្រកាសនេះក្រសួងមិនបានបញ្ជាក់ ពីការដាក់ពិន័យក្នុងករណីដែលក្រុមហ៊ុនលក់រាយនៅកម្ពុជាមិន អនុវត្តតាមនោះទេ៕