ទំនាក់ទំនង

- បទពាក្យ៧ -

១-	ឡេះឡោះលេងសើចមិនបានការ	គេជេរផ្តាសាកើតប្តឹងផ្តល់
	និយាយប៉ប៉ោចគ្មានហេតុផល	ស្តីមិនដឹងខ្យល់គ្មានមូលដ្ឋាន ។

២-	និយាយសរសេរមានសំអាង	ហេតុផលភស្តុតាងថ្លៃថ្កើងថ្កាន
	និយាយខ្លីច្បាស់ងាយស្តាប់បាន	ស្តីមិនល្អៀងល្អានញាតិពេញចិត្ត ។

៣-	ទំនាក់ទំនងមានខ្លឹមសារ	ខ្លីខ្លឹមវាចាងាយស្នេហ៍ស្និទ្ធ
	មិនច្បាស់សាកសួរកុំបាំងបិទ	ឆ្លើយតបល្អល្អិតគិតគាប់គួរ ។

៤-	ត្រងត្រាប់ស្តាប់ច្បាស់យល់បំណង	ស្តាប់ផងលេងផងមិនចាំជួរ
	បើចង់យល់ច្បាស់ថែមសំណួរ	មិនបានចាំជួរសួរមិនត្រូវ ។

៥-	មាត់អានប៉ប៉ោចមិនចំណាំ	មិនគិតមិនចាំមិនយល់ផ្លូវ
	ចេះតែពីអានស្រែកមិនត្រូវ	អានដល់សក់ស្កូវមិនយល់ន័យ ។