របៀបចុះឈ្មោះសម្រាប់អ្នកសេដ្ឋកិច្ចក្រៅប្រព័ន្ធ តាមអេប Cam-IE នៅលើអេស៊ីទាន់ចិត្ត

កាន់តែងាយស្រួល សម្រាប់អ្នកសេដ្ឋកិច្ចក្រៅប្រព័ន្ធ មានដូចជា៖ កម្មករ-និយោជិតរបស់សហគ្រាសធុនមីក្រូ កម្មករ-និយោជិតម្តងម្កាល បុគ្គលស្វ័យនិយោជន៍ និងសហគ្រាសធុនមីក្រូ-សិប្បកម្ម អាចចុះឈ្មោះថ្នាលឌីជីថលសម្រាប់ការអភិវឌ្ឍសេដ្ឋកិច្ចក្រៅប្រព័ន្ធ (Cam-IE) ដោយខ្លួនឯង នៅលើអេស៊ីទាន់ចិត្ត។

បើកកម្មវិធី "អេស៊ីទាន់ចិត្ត"
ជ្រើសរើស "Cam-IE"
សូមស្កែនស្នាមម្រាមដៃ ឬផ្ទៃមុខ ឬបញ្ចូលលេខសម្ងាត់
សូមអានលក្ខខណ្ឌ រួច "អូសដើម្បីទទួល"
ការបំពេញព័ត៌មានសម្រាប់ចុះឈ្មោះអ្នកសេដ្ឋកិច្ចក្រៅប្រព័ន្ធ ប្រព័ន្ធនឹងបង្ហាញដោយស្វ័យប្រវត្តិ តាមអត្តសញ្ញាណប័ណ្ណសញ្ជាតិខ្មែរ ដែលអតិថិជនបានបំពេញពេលចុះឈ្មោះប្រើប្រាស់អេស៊ីទាន់ចិត្ត។
ចំពោះអតិថិជនដែលចុះឈ្មោះប្រើអេស៊ីទាន់ចិត្ត ដោយប្រើឯកសារគាំទ្រក្រៅពីអត្តសញ្ញាណប័ណ្ណសញ្ជាតិខ្មែរ មិនអាចចុះឈ្មោះអ្នកសេដ្ឋកិច្ចក្រៅប្រព័ន្ធ តាមអេស៊ីទាន់ចិត្ត បានទេ។ សូមអញ្ជើញមកចុះឈ្មោះអ្នកសេដ្ឋកិច្ចក្រៅប្រព័ន្ធ នៅសាខាធនាគារ អេស៊ីលីដា ដែលនៅជិតលោកអ្នក។
សូមផ្ទៀងផ្ទាត់ និងកែតម្រូវព័ត៌មានឱ្យបានត្រឹមត្រូវ រួចចុច "បន្ទាប់"
សូមបំពេញព័ត៌មានតាមការបង្ហាញរបស់ប្រព័ន្ធ៖

ព័ត៌មានការអប់រំ សុខភាព និងគ្រួសារ
ព័ត៌មានអាជីវកម្ម មុខរបរ ឬការងារ
តម្រូវការនៃការយកចិត្តទុកដាក់ពីរាជរដ្ឋាភិបាល
រូបថត និងឯកសារភ្ជាប់

រូបថតអត្តសញ្ញាណប័ណ្ណសញ្ជាតិខ្មែរ (ថតចេញពីច្បាប់ដើម ផ្នែកខាងមុខ)
រូបថតផ្ទៃមុខរបស់សាមីជន (ជាលក្ខណៈ Selfie)
រូបថតផ្ទៃមុខរបស់សាមីជន ជាមួយអាជីវកម្ម (ជាលក្ខណៈ Selfie)
រូបថតសកម្មភាពអាជីវកម្ម

ក្រោយពេលចុះឈ្មោះរួច នឹងមានការត្រួតពិនិត្យ និងឆ្លើយតប យ៉ាងយូរ ១ថ្ងៃនៃថ្ងៃធ្វើការ ដើម្បីទទួលស្គាល់អ្នកសេដ្ឋកិច្ចក្រៅប្រព័ន្ធ និងផ្តល់វិញ្ញាបនបត្រទទួលស្គាល់។