ហ្គ្រេន ធ្វីន អ៊ិនធើណេសិនណល (ខេមបូឌា) ភីអិលស៊ី 

ឆ្នំាបង្កើត	២០០៧
ចំណាត់ថ្នាក់វិស័យ	វាយនភណ្ឌសំលៀកបំពាក់
ប្រភេទភាគហ៊ុនចុះបញ្ជី	ភាគហ៊ុនធម្មតា
ចំនួនភាគហ៊ុនចុះបញ្ជី	៤០.០០០.០០០
លេខកូដស្តង់ដារ	KH1000020003
និមិត្តសញ្ញា	ហធអ
កាលបរិច្ឆទចុះបញ្ជី	១៦ មិថុនា ២០១៤
ចំនួនបុគ្គលិក	៥.៧៧៣ នាក់
គេហទំព័រ	www.grandtwins.com.kh

ក្រុម​ហ៊ុន ហ្រ្គេន​ធ្វីន អ៊ីន​ធើ​ណេ​សិន​ណល (ខេមបូឌា) ភី​អិល​ស៊ី គឺ​ជា​ក្រុម​ហ៊ុន​ផលិត សម្លៀក​បំ​ពាក់​ដែលបាន​បង្កើត​ឡើង​ក្នុង​ឆ្នាំ​២០០៧ ។ នៅ​ឆ្នាំ២០០៨ ក្រុម​ហ៊ុន ហ្រ្គេន​ធ្វីន​ បាន​ទិញ​យក​ក្រុម​ហ៊ុន QMI Industrial​Co., Ltd ដែល​ជា​រោង​ចក្រ​កាត់​ដេរ​ដ៏​ធំ​មួយ​ក្នុង​ចំ​ណោម​រោង​ចក្រ​កាត់​ដេរ​ធំ​ៗ​ដំ​បូង​បង្អស់​ដែល​បាន​ធ្វើ​អា​​ជីវ​​កម្ម​នៅ​ក្នុង​ប្រ​ទេ​ស​កម្ពុជា ក្នុង​កំ​ឡុង​ទស​វត្សរ៍​ឆ្នាំ​១៩៩០ ។

ក្រុម​ហ៊ុន​ហ្រ្គេន​ធ្វីន គឺ​ជា​រោង​ចក្រ​ម៉ៅ​កា​​បន្ត និង​ជា​រោង​ចក្រ​ផលិត​សម្លៀក​បំ​ពាក់​ផ្ទាល់​សម្រាប់​នាំ​ចេញ ។ សព្វ​ថ្ងៃ​ផលិត​ផល​របស់​ក្រុម​ហ៊ុន​ហ្រ្គេន​​ធ្វីន​ រួម​មាន​​ម៉ាក​សម្លៀក​បំ​ពាក់​កីឡា​ល្បីៗ​ដូច​ជា​ម៉ាក​ Adidas, Reebok, Taylor Made, Salomon, New Balance (NB), Kohl's, Nautica, North Face, Russell Athletic ។ល។

គោលដៅនាំចេញរបស់ក្រុមហ៊ុន ហ្រ្គេនធ្វីន មានដូចជា បណ្តាប្រទេសក្នុងតំបន់អឺរ៉ុប (៤៩% នៃប្រាក់ចំណូលសរុបក្នុងឆ្នាំ២០១៦), សហរដ្ឋអាមេរិក (២៣% នៃប្រាក់ចំណូលសរុបក្នុងឆ្នាំ២០១៦), តំបន់អាស៊ី និងបណ្តាប្រទេសដទៃទៀត (២៨% នៃប្រាក់ចំណូលសរុបក្នុងឆ្នាំ២០១៦) ។

ក្រុមប្រឹក្សាភិបាល	មុខតំណែង
លោក​ យ៉ាង សាវស៊ីន	ប្រធានក្រុមប្រឹក្សាភិបាល
លោក ឡោវ ឈុងតេ	អភិបាលប្រតិបត្តិនិងនាយកប្រតិបត្តិ
ឧកញ៉ា លី យុនថៃ	អភិបាលឯករាជ្យ
លោក ជិន ស៊ុងជី	អភិបាលមិនប្រតិបត្តិ
លោកស្រី វ៉ាង អ៊ីទីង	អភិបាលមិនប្រតិបត្តិ

ភាគហ៊ុនិកកាន់កាប់ភាគហ៊ុនចំនួនច្រើន

ភាគហ៊ុនិកកាន់កាប់ភាគហ៊ុនចំនួនច្រើន	% ភាគហ៊ុន
ក្រុមហ៊ុនហ្រ្គេន ធ្វីនអ៊ិនធើណេសិនណល	41.00%
HOPE RIDGE LIMITED	9.60%

ចំណាំ ៖ ភាគហ៊ុនិកកាន់កាប់ភាគហ៊ុនចំនួនច្រើន ៖ ភាគហ៊ុនិកកាន់កាប់ភាគហ៊ុន ≥៥% នៃភាគហ៊ុនចុះបញ្ជី ។

គោលនយោបាយភាគលាភ

ប្រាក់ចំណេញដែលនៅសល់ពីការបែងចែកខាងក្រោមនេះនឹងត្រូវបានផ្តល់ឲ្យទាំងស្រុងឬមួយផ្នែកដល់ភាគហ៊ុនិកធម្មតា ៖

1. ១០% នៃប្រាក់ចំណេញដែលនៅសល់ បន្ទាប់ពីទូទាត់ការខាតបង់កាលពីឆ្នាំកន្លងទៅ នឹងត្រូវទុកជាប្រាក់បម្រុងសម្រាប់ការខាតបង់នាពេលអនាគត។
2. បន្ទាប់ពីទូទាត់ការខាតបង់កាលពីឆ្នាំមុន និងការដកប្រាក់សំរាប់ទុកបម្រុង ប្រាក់ចំណេញដែលនៅសល់នឹងត្រូវបានបែងចែកដូចខាងក្រោម ៖
• មិនលើសពី ៣% នៃប្រាក់ចំណេញសរុបក្រោយពេលបង់ពន្ធនឹងត្រូវបែងចែកជាប្រាក់បំណាច់សម្រាប់ក្រុមប្រឹក្សាភិបាល
• មិនតិចជាង ៥%នៃប្រាក់ចំណេញសរុបក្រោយពេលបង់ពន្ធនឹងត្រូវបានបែងចែកជូនទៅដល់និយោជិតជាប្រាក់រង្វាន់

ការលក់ភាគហ៊ុនលើកដំបូង IPO

ព័ត៌មានអំពីការលក់ភាគហ៊ុនលើកដំបូង IPO
ថ្លៃ IPO (រៀល)	9,640
តម្លៃចារឹក (រៀល)	1,000
ចំនួនភាគហ៊ុនចុះបញ្ជី	40,000,000
ចំនួនភាគហ៊ុនបោះផ្សាយ	8,000,000
កាលបរិច្ឆេទជួញដូរដំបូង	16 មិថុនា 2014
ថ្លៃបិទដំបូង (រៀល)	9,220
ក្រុមហ៊ុនធានាទិញមូលបត្រ	ភ្នំពេញ ស៊ីឃ្យួរឹធី ភីអ៊ិលស៊ី