ក្រុមហ៊ុនចុះបញ្ជីលក់មូលបត្រកម្មសិទ្ធិលើទីផ្សារគោល

ផេសថិក (ខេមបូឌា) ម.ក

ឆ្នំាបង្កើត	២០១០
ចំណាត់ថ្នាក់វិស័យ	ថាមពល
ប្រភេទភាគហ៊ុនចុះបញ្ជី	ភាគហ៊ុនមានសិទិ្ធបោះឆ្នោត
ចំនួនភាគហ៊ុនចុះបញ្ជី	៧៤.៩៤៥.០០០
លេខកូដស្តង់ដារ	KH1000140009
និមិត្តសញ្ញា	ផថខ
កាលបរិច្ឆទចុះបញ្ជី	១២ សីហា ២០២០
ចំនួនបុគ្គលិក	១០៩ នាក់
គេហទំព័រ	www.pestech.com.kh

សេចក្តីសង្ខេបអំពីក្រុមហ៊ុន

ផេសថិក (ខេមបូឌា) បានចុះបញ្ជីក្នុងឆ្នាំ ២០១០ ជាក្រុមហ៊ុនបច្ចេកទេសថាមពលអគ្គីសនី ដែលផ្តល់សេវាសំខាន់លើការ ផ្តល់ជូនវិស្វកម្មប្រព័ន្ធថាមពល និងដំណោះស្រាយបច្ចេកទេសសម្រាប់៖

ការគូសប្លង់ លទ្ធកម្ម ការសាងសង់ ការដំឡើង និងការដាក់ប្រើប្រាស់នូវអនុស្ថានីយ៍មានតង់ស្យុងខ្ពស់ និងតង់ស្យុងខ្ពស់ខ្លាំង និងបណ្តាញបញ្ជូនអគ្គីសនីដែលមាន តង់ស្យុងខ្ពស់ និងតង់ស្យុងខ្ពស់ខ្លាំង ក៏ដូចជាប្រព័ន្ធថាមពលខ្សែកាបក្រោមដីសម្រាប់ការបញ្ជូន និងការចែកចាយថាមពលអគ្គីសនី និង
ការជួញដូរបង្គុំ និងបរិក្ខារប្រព័ន្ធថាមពលដែលជាកម្មសិទ្ធិ និងមិនមែនកម្មសិទ្ធិ ។

ផេសថិក (ខេមបូឌា) ជាក្រុមហ៊ុនបុត្រសម្ព័ន្ធ ដែលត្រូវបានកាន់កាប់ទាំងស្រុងដោយក្រុមហ៊ុន PIB ដែលបានចុះបញ្ជី និងមានអាសយដ្ឋាននៅប្រទេសម៉ាឡេស៊ី ហើយបានចុះបញ្ជីលក់មូលបត្រនៅទីផ្សារគោលនៃផ្សារភាគហ៊ុនប្រទេសម៉ាឡេស៊ី។ ផេសថិក (ខេមបូឌា) ក៏មានក្រុមហ៊ុនបុត្រសម្ព័ន្ធ PESTECH (Myanmar) Limited បង្កើតឡើងនៅឆ្នាំ២០១៧ និងផ្គត់ផ្គង់វិស្វកម្មប្រព័ន្ធថាមពលចម្រុះ និងដំណោះស្រាយបច្ចេកទេសចម្រុះសម្រាប់ ការរចនា លទ្ធកម្ម ការសាងសង់ និងសេវាពាក់ព័ន្ធនឹងឧស្សាហកម្មអគ្គីសនី ។

ព័ត៌មានអំពីអាជីវកម្ម

ផេសថិក (ខេមបូឌា) មានប្រភពចំណូលចំនួន ២ គឺការអនុវត្តគម្រោង និងការចែកចាយផលិតផល។ សម្រាប់ប៉ុន្មានឆ្នាំចុងក្រោយនេះ ក្រុមហ៊ុនបានធ្វើការលើគម្រោងមួយចំនួននៅទូទាំងប្រទេសកម្ពុជា ដែលរួមមានការគូសប្លង់ វិស្វកម្ម ផ្គត់ផ្គង់ តម្លើង សាកល្បង និងដាក់ឱ្យប្រើប្រាស់នូវបណ្តាញបញ្ជូនអគ្គីសនី ប្រព័ន្ធបញ្ជូនអគ្គីសនី និងអនុស្ថានីយ៍។ គម្រោងទាំងនោះមានដូចជា គម្រោងរាជធានីភ្នំពេញខាងលិច - ខេត្តព្រះសីហនុ, គម្រោងខេត្តកំពង់ចាម - ក្រចេះ, គម្រោងបញ្តាញបញ្ជូនថាមពលស្ថានីយ៏វារីអគ្គីសនីស្ទឹងតាតៃ - ភ្នំពេញ, និងគម្រោងខេត្តសៀមរាប - ឧត្តរមាជ័យ ។

ក្រុមប្រឹក្សាភិបាល	មុខតំណែង
លោក Lim Pay Chuan	ប្រធានក្រុមប្រឹក្សាភិបាលប្រតិបត្តិ
លោក Lim Ah Hock	អភិបាលប្រតិបត្តិ
លោក Han Fatt Juan	អភិបាលប្រតិបត្តិ / នាយកប្រតិបត្តិ
លោក Tan Pu Hooi	អភិបាលប្រតិបត្តិ
ឯកឧត្តម ដាវ អានសាន	អភិបាលឯករាជ្យ

ភាគហ៊ុនិកកាន់កាប់ភាគហ៊ុនចំនួនច្រើន

ភាគហ៊ុនិកកាន់កាប់ភាគហ៊ុនចំនួនច្រើន	% ភាគហ៊ុន
Pestech International Berhad	៩៤.៧៤%

ចំណាំ ៖ ភាគហ៊ុនិកកាន់កាប់ភាគហ៊ុនចំនួនច្រើន ៖ ភាគហ៊ុនិកកាន់កាប់ភាគហ៊ុន ≥៥% នៃភាគហ៊ុនចុះបញ្ជី ។

គោលនយោបាយភាគលាភ

ការបែងចែកភាគលាភនាពេលអនាគតអាស្រ័យទៅតាមកត្តាផ្សេងៗរួមមានជាអាទិ៍ ប្រតិបត្តិការហិរញ្ញវត្ថុ តម្រូវការចលនាសាច់ប្រាក់ ប្រាក់ចំណេញរក្សាទុក តម្រូវការចំណាយដើមទុន និងកត្តាផ្សេងទៀតដែលក្រុមប្រឹក្សាភិបាលគិតថាពាក់ព័ន្ធ ។

បន្ទាប់ពីចុះបញ្ជីលក់មូលបត្រកម្មសិទ្ធិ ក្រុមប្រឹក្សាភិបាលរបស់ក្រុមហ៊ុនមានបំណងធ្វើឱ្យមានស្ថិរភាព និងចិរភាពនៃគោលនយោបាយបែងចែកភាគលាភ ដែលក្នុងនោះមានបំណងបែងចែកភាគលាភអប្បបរមាចំនួន ៣០% នៃប្រាក់ចំណេញបន្ទាប់ពីបង់ពន្ធ ក្រោមលក្ខខណ្ឌដែលមានចែងខាងលើ។ ភាគលាភអាចជាសាច់ប្រាក់សុទ្ធ ជាភាគហ៊ុន ឬរួម បញ្ជូលជម្រើសទាំងពីរ ដែលភាគហ៊ុនិកមានសិទ្ធិជ្រើសរើសនៅពេលមានជម្រើស ។

ការលក់ភាគហ៊ុនលើកដំបូង IPO

ព័ត៌មានអំពីការលក់ភាគហ៊ុនលើកដំបូង IPO
ថ្លៃ IPO (រៀល)	៣,១២០
តម្លៃចារឹក (រៀល)	៤០០
ចំនួនភាគហ៊ុនចុះបញ្ជី	៧៤.៩៤៥.០០០
ចំនួនភាគហ៊ុនបោះផ្សាយ	៣.៩៤៥.០០០
កាលបរិច្ឆេទជួញដូរដំបូង	១២ សីហា ២០២០
ថ្លៃបិទដំបូង (រៀល)	៣.៧១០
ក្រុមហ៊ុនធានាទិញមូលបត្រ	អ អេច ប៊ី ស៊ីឃ្យួរឹធី (ខេមបូឌា) ម.ក