navigate_nextព័ត៌មានnavigate_nextព័ត៌មាន​មូលបត្រ​ថ្មីៗnavigate_nextផមក ណែនាំការជួញដូរ ដោយទូទាត់ជាប្រាក់ដុល្លារ

ផមក ណែនាំការជួញដូរ ដោយទូទាត់ជាប្រាក់ដុល្លារ

ថ្ងៃទី១៥ ខែមករា ឆ្នាំ២០២៤

ការផ្តល់ជូនចុងក្រោយបំផុតរបស់ ផ្សារមូលបត្រកម្ពុជា (CSX) បានដាក់ដំណើការយន្តការថ្មី ដែលអនុញ្ញាតអោយវិនិយោគិន និងអ្នកជួញដូរអាចធ្វើការជួញដូរជាប្រាក់រៀល ហើយទូទាត់ជាប្រាក់ដុល្លារ បន្ថែមលើយន្តការបច្ចុប្បន្ន ចាប់ពីថ្ងៃទី១៥ ខែមករា ឆ្នាំ២០២៤។

យោងតាម CSX នេះគឺជាការចាប់ផ្តើមមួយដែលអ្នកជួញដូរភាគហ៊ុនអាចទិញ ឬលក់ភាគហ៊ុនដែលបានដកស្រង់តម្លៃជាប្រាក់រៀល ខណៈពេលដែលអាចទូទាត់ការជួញដូរជាដុល្លារអាមេរិកដោយផ្អែកលើអត្រាប្តូរប្រាក់ដែលបានប្រកាសទុកជាមុនដែលកំណត់ដោយផ្សារហ៊ុន។

តាមរយៈប្រព័ន្ធថ្មី វិនិយោគិនទាំងអស់ដែលជាអ្នកទិញត្រូវមានសមតុល្យសាច់ប្រាក់ជាដុល្លារអាមេរិកនៅក្នុងគណនីជួញដូររបស់ខ្លួន។ "វិនិយោគិនអាចបញ្ជាទិញតាមរយៈឈ្មួញជើងសាមូលបត្រ ឬប្រព័ន្ធជួញដូរចល័ត CSX Trade ដើម្បីធ្វើការបញ្ជាទិញតាមរយៈ CSX Trade អ្នកវិនិយោគត្រូវជ្រើសរើសផ្ទាំង 'USD Settlement' ហើយអនុវត្តប្រតិបត្តិការ" សូមអានមគ្គុទ្ទេសក៍ជួញដូរសម្រាប់ការទូទាត់ជាប្រាក់ដុល្លារលម្អិតខាងក្រោម។