navigate_nextក្រុមហ៊ុនចុះបញ្ជីnavigate_nextលក់មូលបត្រកម្មសិទ្ធិnavigate_nextលើទីផ្សារគោល
ដីកាសម្រេចរក្សាការពាររបស់សាលាដំបូងរាជធានីភ្នំពេញ
ថ្ងៃទី០៤ ខែវិច្ឆិកា ឆ្នាំ២០១៤
ក្រុមហ៊ុន ហ្រ្គេន ធ្វីន អ៊ិនធើណេសិនណល (ខេមបូឌា) ភីអិលស៊ី
- លេខកូដស្តង់ដារ ៖ KH1000020003
- និមិត្តសញ្ញា ៖ ហធអ
សេចក្តីលម្អិត
សាលាដំបូងរាជធានីភ្នំពេញបានចេញដីកាបង្គាប់ឲ្យកម្មករ-និយោជិតទាំងអស់នៃក្រុមហ៊ុន ហ្គ្រេន ធ្វីន អ៊ិនធើណេសិនណល (ខេមបូឌា) ភីអិលស៊ី មានអាសយដ្ឋានស្ថិតនៅភូមិត្រពាំងពោធិ៍ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ចូលធើ្វការក្នុងក្រុមហ៊ុនឲ្យទៀតទាត់តាមវេន (រៀងរាល់ថ្ងៃធ្វើការ) តាមក្រុម តាមតួនាទី និងភារៈកិច្ចរៀងៗខ្លួន ក្នុងរយៈពេល ៤៨ (សែសិបប្រាំបី) ម៉ោង ហើយមិនត្រូវធ្វើសកម្មភាពរារាំង និងប្រើឧគ្ឈោសនស័ព្ទ ឬធុងបាសបំពងសំលេងនាំឲ្យរំខានដល់កម្មករ-និយោជិតឯទៀត ឬហាមឃាត់ការដឹកទំនិញសម្ភារៈចេញ-ចូលរបស់ក្រុមហ៊ុនឡើយ ក្នុងរយៈពេល ៤៨ (សែសិបប្រាំបី) ម៉ោង គិតចាប់ពីពេលទទួលដំណឹងដីការសម្រេចនេះ។
កម្មករ-និយោជិតដែលមិនបានចូលទៅធ្វើការវិញនៅពេលផុតកំណត់រយៈពេល ៤៨ (សែសិបប្រាំបី) ម៉ោង ហើយគ្មានហេតុផលត្រឹមត្រូវចាត់ទុកថាមានកំហុសធ្ងន់។ សូមអាន ឯកសារយោងដូចដែលបានភ្ជាប់។