ENGLISH
navigate_nextក្រុមហ៊ុនចុះបញ្ជីnavigate_nextលក់មូលបត្រកម្មសិទ្ធិnavigate_nextលើទីផ្សារគោល
របាយការណ៍ប្រចាំត្រីមាសទី៣ ឆ្នំា២០១៥ របស់រដ្ឋាករទឹកស្វយ័តក្រុងភ្នំពេញ (រ.ទ.ស.ភ.)
ថ្ងៃទី២៣ ខែធ្នូ ឆ្នាំ២០១៥
ក្នុងត្រីមាសទី៣ ឆ្នំា២០១៥ រ.ទ.ស.ភ មានចំណូលសរុបចំនួន ៤៨.៨៧៤.០៨៨.០០០ រៀល កើនជាងត្រីមាសទី៣ ឆ្នំា២០១៤ ចំនួន ៧.៩០៦.៣៤៨.០០០ រៀល ស្មើនឹង ១៩,៣០% និងចំណេញសុទ្ធក្នុងការិយបរិច្ឆេទសរុបចំនួន ១០.៦២៩.៥៩៨.០០០ រៀល ថយចុះចំនួន ៧.៦៤៧.៨៩៥.០០០ រៀល ស្មើនឹង ៤១,៨៤% បើធៀបនឹងត្រីមាសទី៣ ឆ្នំា២០១៤ ដោយសារចំណូល និងចំណាយការប្រាក់(សុទ្ធ) ថយចុះប្រមាណជា ៦.៥៣៦ លានរៀល ជាមួយគ្នានេះ ចំណាយជួសជុល និងថែទាំក៍មានការកើនឡើងប្រមាណជា ៨០០លានរៀល លើការងាររើ និងរៀបបំពង់ឡើងវិញ ដោយសារការពង្រីកផ្លូវ សាងសង់ស្ពាន និងលូទឹករបស់សាលារាជធានីភ្នំពេញ។
សម្រាប់រយៈពេល ០៩ខែ គិតត្រឹមថ្ងៃទី៣០ ខែកញ្ញា ឆ្នាំ២០១៥ រ.ទ.ស.ភ មានចំណូលសរុបចំនួន ១៤១.៣១០.៧៩៤.០០០ រៀល កើនចំនួន ២៦.០៤៧.៧៨៥.០០០ រៀល ស្មើនឹង ២២,៦០% បើធៀបនឹងរយៈពេល ០៩ខែ គិតត្រឹមថ្ងៃទី៣០ ខែកញ្ញា ឆ្នាំ២០១៤ និងចំណេញសុទ្ធក្រោយបង់ពន្ធ មានចំនួន ៣៩.៣៥៧.៤៤៤.០០០ រៀល កើនចំនួន ៤.៩១៣.១២៦.០០០ រៀល ស្មើនឹង ១៤,២៦% បើធៀបនឹងរយៈពេល ០៩ខែ គិតត្រឹមថ្ងៃទី៣០ ខែកញ្ញា ឆ្នាំ២០១៤។
នាថ្ងៃទី៣០ ខែកញ្ញា ឆ្នាំ២០១៥ នេះដែរ ទ្រព្យសកម្មសរុបរបស់ រ.ទ.ស.ភ មានចំនួន ១.២១៨.៣៧៦.៦២០.០០០ រៀល កើនចំនួន ៥២.៣២៥.៥៤៧.០០០ រៀល ស្មើនឹង ៤,៤៩% និងមូលធនសរុបមានចំនួន ៧៦៦.៣៧៦.៤៩៥.០០០ រៀល កើនលើសចំនួន ៣០.២០៧.៨៦៧.០០០ រៀល ស្មើនឹង ៤,១០% ធៀបនឹងឆ្នាំ២០១៤។
សូចនករសំខាន់ៗប្រចំាត្រីមាសទី៣ ឆ្នាំ២០១៥ មានដូចខាងក្រោម៖
- ចំណេញក្នុងមួយឯកតាមូលបត្រកម្មសិទ្ធិ: ១២២,២៧ រៀល
- ផលចំណេញក្នុងមួយឯកតាមូលធន: ១,៤០%
- ផលចំណេញក្នុងមួយឯកតាទ្រព្យសកម្ម: ០,៨៨%
- អនុបាតចរន្ត: ៤,៧៦ ដង
- អនុបាតចរន្តលឿន: ៣,៩៩ ដង
ក្នុងត្រីមាសបន្ទាប់ រ.ទ.ស.ភ រំពឹងថានឹងទទួលបានប្រាក់ចំណេញពិត មិនតិចជាង ១០.៩៣០ លានរៀល ដូចដែលក្រុមប្រឹក្សាភិបាល និងក្រសួងអាណាព្យាបាលបានអនុម័ត។
សូមអានរបាយការណ៍ប្រចាំត្រីមាសទី៣ ឆ្នាំ២០១៥ ដូចមានក្នុងឯកសារយោង។