navigate_nextក្រុមហ៊ុនចុះបញ្ជីnavigate_nextលក់មូលបត្រកម្មសិទ្ធិnavigate_nextលើទីផ្សារគោល
របាយការណ៍ប្រចាំត្រីមាសទី៤ ឆ្នាំ២០១៥ របស់ក្រុមហ៊ុន ហ្រ្គេន ធ្វីន
ថ្ងៃទី២២ ខែមីនា ឆ្នាំ២០១៦
ក្នុងត្រីមាសទី៤ ឆ្នាំ២០១៥ ក្រុមហ៊ុន ហ្រ្គេន ធ្វីន មានចំណូលសរុបចំនួន ៧៤.៨៤០.៥៧០.០០០ រៀល កើនជាងត្រីមាសទី៤ ឆ្នាំ២០១៤ ចំនួន ២០.៧៥០.២០២.០០០ រៀល ស្មើនឹង ៣៨,៣៦% និង(ខាត)/ចំណេញសុទ្ធក្រោយបង់ពន្ធក្នុងការិយបរិច្ឆេទមានចំនួន (១៤.៧៣៣.៦៧៧.០០០ រៀល) ថយចុះចំនួន (១៨.៩៥៨.២៣៧.០០០ រៀល) ស្មើនឹង (៤៤៨,៧៦%) បើធៀបនឹងត្រីមាសទី៤ ឆ្នាំ២០១៤ មូលហេតុដោយសារការកើនឡើងតម្លៃវត្ថុធាតុដើមផ្ទាល់ ចំណាយផ្សេងៗក្នុងសង្វាក់ផលិតកម្ម ដូចជា ការជួសជុលតាមអគារនីមួយៗ និងរៀបចំសង្វាក់ផលិតកម្មតាមប្រពន័្ធស្តង់ដាររបស់ Addidas។
សម្រាប់រយៈពេល ១២ខែ គិតត្រឹមថ្ងៃទី៣១ ខែធ្នូ ឆ្នំា២០១៥ ក្រុមហ៊ុន ហ្រ្គេន ធ្វីន មានចំណូលសរុបចំនួន ២២៩.៩៣៩.០៦៦.០០០ រៀល ថយចុះចំនួន ៧៥២.២៥៥.០០០ រៀល ស្មើនឹង ០,៣៣% បើធៀបនឹងរយៈពេល ១២ខែ គិតត្រឹមថ្ងៃទី៣១ ខែធ្នូ ឆ្នំា២០១៤ និងចំណេញសុទ្ធក្រោយបង់ពន្ធមានចំនួន ៤.៣២០.៩៩៥.0០០ រៀល ថយចុះចំនួន ៩.៨២៦.៥១៣.០០០ រៀល ស្មើនឹង ៦៩,៤៦% បើធៀបនឹងរយៈពេល ១២ខែ គិតត្រឹមថ្ងៃទី៣១ ខែធ្នូ ឆ្នំា២០១៤។
នាថ្ងៃទី៣១ ខែធ្នូ ឆ្នំា២០១៥ នេះដែរ ទ្រព្យសកម្មសរុបរបស់ក្រុមហ៊ុន ហ្រ្គេន ធ្វីន មានចំនួន ៣០៤.៨៥០.៩៥២.០០០ រៀល កើនចំនួន ១៤.៨៧៤.១៣១.០០០ រៀល ស្មើនឹង ៥,១៣% និងមូលធនសរុបមានចំនួន ២៥៦.០៣៤.៧៥១.០០០ រៀល ថយចុះចំនួន ៤.២៩៨.៣៨៤.០០០ រៀល ស្មើនឹង ១,៦៥% ធៀបនឹងឆ្នំា២០១៤។
សូចនករសំខាន់ៗសម្រាប់ត្រីមាសទី៤ ឆ្នាំ២០១៥
- ចំណេញក្នុងមួយឯកតាមូលបត្រកម្មសិទ្ធិ: -៣៦៨,៣៤ រៀល
- អនុបាតចំណេញធៀបនឹងមូលធន: -៥,៧៥%
- អនុបាតចំណេញធៀបនឹងទ្រព្យសកម្ម: -៤,៨៣%
- អនុបាតចរន្ត: ៥,២៨ ដង
- អនុបាតចរន្តលឿន: ៤.៥៤ ដង
- អនុបាតជុំបង្វិលទ្រព្យសកម្ម: ០.២៥ ដង
- អនុបាតបំណុលធៀបនឹងមូលធន: ១៩,០៧%
- អនុបាតគំលាតចំណេញដុល: -១៨,២០%
- អនុបាតគំលាតចំណេញភាព: -១៩,៦៩%
សូមអានរបាយការណ៍ប្រចាំត្រីមាសទី៤ ឆ្នាំ២០១៥ ដូចមានក្នុងឯកសារយោង។