កំពង់ផែ​ស្វយ័ត​ភ្នំពេញ 

កំ​ពង់​ផែ​ស្វយ័ត​ភ្នំ​ពេញ​ (ក.ស.ភ.) គឺ​ប្រតិ​បត្តិករ​មួយ​ក្នុង​ចំ​ណោម​ប្រតិ​បត្តិករ​កំ​ពង់​ផែ​កុង​តឺ​ន័រ​អន្តរ​ជាតិ​២ នៅកម្ពុជា ហើយ​ក៏​ជា​ប្រតិ​បត្តិ​ករ​កំ​ពង់​ផែ​ទន្លេ​ធំ​ជាង​គេ​បំ​ផុត និង​ជា​អាជ្ញា​ធរ​គ្រប់​គ្រង​ផែ​នៅ​ក្នុង​មណ្ឌល​អា​ជីវ​កម្មផែ ។ មណ្ឌល​អា​ជី​វ​កម្ម​ផែ​មាន​ប្រ​វែង ១៦០ គី​ឡូ​ម៉ែត្រ លាត​សន្ធឹ​ង​ពី​ខេត្ត​ត្បូង​ឃ្មុំ​ទៅ​ដល់​ព្រំ​ប្រទល់ កម្ពុជា-វៀ​តណាម នៅ​ឯ​ក្អម​សំ​ណ ។

នៅឆ្នាំ២០១៥ ក.ស.ភ. ទទួលបានសិទ្ធផ្តាច់មុខជាប្រតិបត្តិករកំពង់ផែនៅក្នុងមណ្ឌលអាជីវកម្មផែ ។ ក.ស.ភ. មានចំណតផែចម្បងៗចំនួន៤ គឺ ៖ ទី១: ចំណតផែកុងតឺន័រ LM១៧, ទី២: ចំណតផែពហុបំណង TS៣, ទី៣: ចំណតផែអ្នកដំណើរ និងទេសចរណ៍ TS១, ទី៤: ចំណតផែទន្លេបិទ UM២ ។

ភាគហ៊ុនិកកាន់កាប់ភាគហ៊ុនចំនួនច្រើន

ចំណាំ ៖ ភាគហ៊ុនិកកាន់កាប់ភាគហ៊ុនចំនួនច្រើន ៖ ភាគហ៊ុនិកកាន់កាប់ភាគហ៊ុន ≥៥% នៃភាគហ៊ុនចុះបញ្ជី ។

គោលនយោបាយភាគលាភ

ការធានាទិន្នផលភាគលាភអប្បបរមាប្រចាំឆ្នាំដែលស្មើនឹង ៥% នៃថ្លៃ IPO (៥.១២០រៀល) សម្រាប់រយៈពេល ៥ឆ្នាំ បន្ទាប់ពីការចុះបញ្ជី មានចំពោះតែមូលបត្រកម្មសិទ្ធិដែលមានសិទ្ធិបោះឆ្នោតប្រភេទ "ក" ប៉ុណ្ណោះ។

ក្រោយពីការអនុម័តលើរបាយការណ៍ហិរញ្ញវត្ថុប្រចាំឆ្នាំ ដោយក្រុមប្រឹក្សាភិបាលបើពិនិត្យឃើញថាមានប្រាក់ចំណេញ នោះក្រុមបឹ្រក្សាភិបាលនៃ ក.ស.ភ. អាចសម្រេចបែងចែកប្រាក់ចំណេញនោះដើម្បី ៖

1. ទូទាត់នូវការខាតបង់កាលពីឆ្នាំសារពើពន្ធមុន
2. ក្រោយពីបានទូទាត់នូវការខាតបង់ឆ្នាំសារពើពន្ធមុន ហើយប្រសិនបើនៅមានប្រាក់ចំណេញនោះក្រុមបឹ្រក្សាភិបាល អាចប្រើប្រាស់ប្រាក់ចំណេញនេះសម្រាប់ ៖
• ការថ្លែងសរសើរដល់ថ្នាក់ដឹកនាំ និងនិយោជិតតាមលក្ខខណ្ឌខាងក្រោម ៖
• ករណីប្រាក់ចំណេញសុទ្ធនៅសល់មានចំនួនចាប់ពី ៥% ដល់ ១០% នៃចំណាយដំណើរការរបស់ ក. ស. ភ. សរុបក្នុងឆ្នាំនោះ ប្រាក់ថ្លែងសរសើរត្រូវស្មើនឹង ១ ខែ នៃប្រាក់បៀវត្សរបស់ថ្នាក់ដឹកនាំ និងនិយោជិកម្នាក់ៗ សរុបជាមធ្យមប្រចាំឆ្នាំ
• ករណីប្រាក់ចំណេញសុទ្ធនៅសល់មានចំនួនលើសពី ១០% ដល់ ២០% នៃចំណាយដំណើរការរបស់ ក. ស. ភ. សរុបក្នុងឆ្នាំនោះ ប្រាក់ថ្លែងសរសើរត្រូវស្មើនឹង ២ ខែ នៃប្រាក់បៀវត្ស របស់ថ្នាក់ដឹកនាំ និងនិយោជិកម្នាក់ៗសរុបជាមធ្យមប្រចាំឆ្នាំ្
• ករណីប្រាក់ចំណេញសុទ្ធមានចំនួនលើសពី ២០% នៃចំណាយដំណើរការរបស់ ក. ស. ភ. សរុបក្នុងឆ្នាំនោះ ប្រាក់ថ្លែងសរសើរត្រូវស្មើនឹង ៣ ខែ នៃប្រាក់បៀវត្សរបស់ថ្នាក់ដឹកនាំ និងនិយោជិកម្នាក់ៗ សរុបជាមធ្យមប្រចាំឆ្នាំ។
• បង្កើតមូលនិធិបម្រុងតាមច្បាប់ចំនួន ៥% និងមូលនិធិបម្រុងសេរីចំនួន ៥% នៃប្រាក់ចំណេញសុទ្ធ
• មូលនិធិ ៥% លើប្រាក់ចំណេញសម្រាប់បម្រើផលប្រយោជន៍សង្គម ដែលត្រូវកត់ត្រាចូលក្នុងបន្ទុក ក្នុងឆ្នាំដែលធ្វើប្រតិបត្តិការចំណាយនោះ
• ប្រាក់ចំណេញដែលសល់ក្រោយការបែងចែកខាងលើ ត្រូវបែងចែកជា ភាគលាភឱ្យភាគហ៊ុនិក ទៅតាម សេចក្តីសម្រេចរបស់ក្រុមបឹ្រក្សាភិបាល។
• ប្រាក់ចំណេញសល់ចុងក្រោយ ត្រូវបង្វិលចូលមូលនិធិអភិវឌ្ឍន៍ ក. ស. ភ.។

ការលក់ភាគហ៊ុនលើកដំបូង IPO