navigate_nextMedianavigate_nextEducational Poems
ជំហានឆ្ពោះទៅរកការសម្រេចគោលដៅ
- បទពាក្យ៧ -
១- | ឧស្សាហ៍ប្រឹងប្រែងនាទីការ | រកបានរក្សាឱ្យគង់គាប់ |
| រៀបចំទុកដាក់ឱ្យល្អជាប់ | ខូចខាតទម្លាប់កែលម្អ ។ |
|
២- | លះបង់គំនិតគិតខ្ជីខ្ជា | ប្រយ័ត្នគ្រប់គ្រាទើបបវរ |
| ផលថ្មីផលចាស់កើតបន្ត | មានជាតំណមិនក្រឡើយ ។ |
|
៣- | រស់គាប់មានជាប់នូវមិត្តល្អ | រួបរួមបន្តការដល់ត្រើយ |
| សត្រូវតូចធំគ្មានសោះឡើយ | ចិត្តស្ងប់ល្ហែហើយសុខមង្គល ។ |
|
៤- | គោរពប្រតិបត្តិនូវក្រមច្បាប់ | ប្រឹងប្រែងត្រងត្រាប់សួរឱ្យយល់ |
| រិះគិតពិចារណ៍ឱ្យនិមល | អស់ក្តីវិលវល់កត់ត្រាទុក ។ |
|
៥- | ស្រលាញ់ស្មោះស្ម័គ្រតួនាទី | ព្យាយាមសម្ភីឆ្ពោះទៅមុខ |
| ចិត្តបានរម្ងាប់ស្ងប់ផុតទុក្ខ | ចាំជាទំនុកសុខមង្គល ។ |
|
ដួងចិត្តស្មោះត្រង់ ជាកល្យាណមិត្តរបស់ខ្ញុំ ។