បញ្ញាកើតឡើងពីការស្តាប់

- បទពាក្យ៧ -

១-	ថ្លង់ស្តាប់មិនឮរឿងធម្មតា	ពិតថ្លង់ក្រៃណាគឺមិនស្តាប់
	ពាក្យពេចន៍អប់រំមិនត្រងត្រាប់	ចិត្តមិនចង់ចាប់ស្តាប់មិនបាន ។

២-	ជេរស្តីបន្ទោសពាក្យផ្តាសា	ពោលគ្មានខ្លឹមសារមិនក្សេមក្សាន្ត
	ចិត្តមិនចង់ស្តាប់អាចថ្លង់បាន	ស្ងប់សុខសព្វឋានបានប្រសើរ ។

៣-	រីធម្មទាន^(១)មានខ្លឹមសារ	ត្រូវស្តាប់ពិចារណ៍គ្រប់ដំណើរ
	ស្តាប់ច្រើនចេះច្រើនអាចយកប្រើ	ស្តាប់ដោយស្មោះស្មើកើតបញ្ញា ។

^(១) ធម្មទាន (អានថា) : ធ័ម-មៈ-ទាន