ភ្លើងស្នេហ៍

- បទពាក្យ៧ -

១-	ស្នេហ៍ពិតត្រូវគិតពិចារណា	ទំនៀមដូនតាច្បាប់ទម្លាប់
	ក្រឹត្យក្រមសីលធម៌ប្រកាន់ខ្ជាប់	ស្នេហ៍កម្មមិនគាប់មិនគួរធ្វើ ។

២-	ឥទ្ធិពលស្នេហ៍ភ្លើងចំបើង	ភ្លើងផ្សែងឆួលឡើងរោលក្រោមលើ
	ឆេះឆាបជ្រុលជ្រួសហួសផុតធ្នើរ	ស្នេហ៍ល្ងង់ល្ងីល្ងើទុក្ខព្រួយភ័យ ។

៣-	ល្មើសច្បាប់ទម្លាប់ក្បត់មេបា	ធ្វើតាមតណ្ហាមិនមានន័យ
	គាប់កូនធ្វើខុសឪអភ័យ	មិនគាប់ហឫទ័យម៉ែប្តឹងផ្តល់ ។

៤-	ស្នេហ៍លឿនដូចព្រួញស្នេហ៍ព្រាត់ប្រាស់	បង់ប្រាណក្រឡាស់មិនខ្វាយខ្វល់
	ស្នេហ៍បង្កើតរឿងទុក្ខកង្វល់	ស្នេហ៍កម្មបន្សល់ការឈឺចាប់ ។

៥-	ស្នេហ៍មង្គលពិតគិតមេបា	សុខសាន្តស្នេហាស្របតាមច្បាប់
	ឃើញភ្លាមស្នេហ៍ភ្លែតមិនចំណាប់	ខូចចិត្តចុកចាប់រងទុក្ខា ។

ជំនួយស្មារតី : អប់រំចិត្តឱ្យស្ងប់ ទប់ស្កាត់ភ្លើងស្នេហ៍ កុំឱ្យរោលរាល ឆួលឆេះតាមឥទ្ធិពល ។ ធ្វើឱ្យធម្មជាតិស្នេហ៍ប្រព្រឹត្តទៅស្របតាមច្បាប់ និងទំនៀមទម្លាប់ ដើម្បីមង្គលស្នេហ៍ ។