ចរាចរណ៍

- បទពាក្យ៧ -

១-	ប្រហែសព្រហើនមិនប្រយ័ត្ន	សំអាងផ្លូវស្ងាត់បង្កើនល្បឿន
	មួលឡើងជាន់ខ្លាំងកាន់តែលឿន	ជ្រុលជ្រួសបុកខឿនកើតគ្រោះថ្នាក់ ។

២-	បុកកង់ម៉ូតូស៊ីក្លូឡាន	បើកមិនប្រមាណគ្រោះបែកបាក់
	បើកមិនគិតផ្លូវមានគ្រោះថ្នាក់	ផ្លូវថ្មីទើបចាក់ទាក់ខ្សែគោ ។

៣-	ផ្លូវតូចឬធំមិនប្រយ័ត្ន	ភ្លេចគ្រោះយល់ស្ងាត់តាមជំនោរ
	បុកឆ្កែមាន់ទាក្របីគោ	ប៉ះភ្នែកហើមពោរទុក្ខចំបែង ។

៤-	បាក់បែករលាត់សព្វជើងដៃ	បាក់ឆ្អឹងសរសៃថ្ងូរក្តែងៗ
	ជួនមានសំណាងគេជួយសែង	ជួននៅម្នាក់ឯងកណ្តាលផ្លូវ ។

៥-	ត្រូវគោរពច្បាប់ចរាចរណ៍	បញ្ញត្តិបើកបរឱ្យត្រឹមត្រូវ
	ល្បឿនតាមកំណត់ស្ថានភាពផ្លូវ	ប្រយ័ត្នរៀងទៅរួចគ្រោះថ្នាក់ ។