លម្អបីយ៉ាងរបស់មនុស្ស

- បទពាក្យ៧ -

*	កាយគាប់ទន់ភ្លន់ឫកបវរ	វាចាស្មោះសរផ្អែមពីរោះ
	ចិត្តល្អស្មោះត្រង់មានកេរ្តិ៍ឈ្មោះ	សមរម្យមានយសញាតិរាប់អាន ។

*	រួសរាយរាក់ទាក់តាមទម្លាប់	ញាតិផងគន់គាប់សុខក្សេមក្សាន្ត
	ប្រកាន់ឱ្យខ្ជាប់កុំបីល្អាន	កេរ្តិ៍ឈ្មោះថ្កើងថ្កានល្បីសុសសាយ ។

*	លេខមួយស្ថិតក្នុងដួងនេត្រា	ក៏ព្រោះវាចាចិត្តនិងកាយ
	ប្រព្រឹត្តបានល្អមិនរសាយ	អ្នកផងទាំងឡាយគាប់ដួងចិត្ត ។

កាយ និង ចិត្តមានសុខភាពល្អ ជាសិរីមង្គលរបស់មនុស្ស ។