កម្មផលស្នេហ៍

- បទពាក្យ៧ -

១-	លូកលាន់កេះកៀវរាវប៉ះគេ	មិនស្ម័គ្រគេជេរប្តឹងផ្តាសា
	ជួនហៅគេស្នេហ៍ល្អអស្ចារ្យ	បានរួមស្នេហាការស្រឡាញ់ ។

២-	ស្នេហ៍គាប់ស្នេហ៍គួរសួរគេមុន	គាប់គួរជាគុណកុំអាលក្នាញ់
	កុំតាមភ្លើងស្នេហ៍ឆេះខ្មួលខ្មាញ់	ឆេះខ្លោចឆាបខ្លាញ់សូន្យកេរ្តិ៍ឈ្មោះ ។

៣-	ឃើញយើងខ្ពង់ខ្ពស់រស់មានប្រាក់	មោហោស្មោះស្ម័គ្រផ្អែមពីរោះ
	លលេងលង់ប្រាណមិនគិតយស	ខូចទាំងកេរ្តិ៍ឈ្មោះអស់តម្លៃ ។

៤-	ស្នេហ៍គ្រោះមិនជាគួរលះចេញ	ស្នេហ៍មិនចំណេញកុំតថ្លៃ
	គួរស្នេហ៍ការងារល្អរាល់ថ្ងៃ	បង្កតម្លៃតួនាទី ។