បណ្តាំមេបា

- បទកាកគតិ -

១-	ត្រូវការប្រាក់កាស	បំពានផ្តេសផ្តាស	ប្រើល្បិចពាលា
	អំពើគម្រក់	លាមកមិនជា	កម្មកលមាយា
		បន្លំលបលួច ។

២-	បំពានក្រមច្បាប់	ភ្លេចមេបាប្រាប់	យល់ទាលថាស្រួច
	បាត់បង់ជ្រះថ្លា	ប្រាថ្នាចិត្តកួច	គិតគូរស្ដើងស្ដួច
		លួចមិនកោតក្រែង ។

៣-	ពុកម៉ែផ្តាំប្រាប់	លួចគេតាមចាប់	ពាក្យពិតមិនក្លែង
	លួចបានយល់គ្រាន់	គេទាន់ចាប់ឯង	ភស្តុតាងជាក់ស្តែង
		ដ្បិតឯងគិតស្ដួច ។

៤-	ទៀងមិនឈ្នះទ័ល	បុណ្យបាបអស់ស្គាល់	ល្ងើដូចពុលក្តួច
	ក្រកិច្ចក្រកល	ក្រផលកម្មកួច	ក្រគិតមិនស្រួច
		លបលួចយកបាន ។

៥-	ហៃអស់ម្ចាស់ទ្រព្យ	ការពារឲ្យជាប់	ស្ងប់ចិត្តសុខសាន្ត
	ប្រហែសបង់បាត់	ប្រយ័ត្នគង់ថ្កាន	កុំអាងចាប់បាន
		ច្រានចោរចូលគុក ។

ជំនួយស្មារតី : អប់រំសីលធម៌វិជ្ជាជីវៈ