រស់រីករាយ

- បទពាក្យ៧ -

១-	រួបរួមគ្នីគ្នាជាកម្លាំង	ខិតខំប្រណាំងសោយសុខា
	បែកសាមគ្គីគឺមរណា	ខ្សត់ខ្សោយខ្លោចផ្សារែងទុក្ខព្រួយ ។

២-	សន្តោសប្រោសប្រាណអធ្យាស្រ័យ	អាឡោះអាល័យជ្រោមជ្រែងជួយ
	ប្រកែកប្រកាន់ស្ទាក់ស្ទើរស្ទួយ	បែកស្រាំប្រេះស្រួយបង់អាសា ។

៣-	មានអាណិតក្រល្អប្រាកដ	មានរក្សាខ្សត់ល្អអស្ចារ្យ
	ប្រាជ្ញរក្សាខ្លៅសែនថ្លៃថ្លា	រួមរស់ហ៊ឺហាសន្តិភាព ។

៤-	ស្រុះស្រួលសុខសាន្តបានស្ងប់ស្ងាត់	ទុក្ខទោសខ្ចាយខ្ចាត់ផុតថោកទាប
	លូតលាស់រុងរឿងខ្ពស់មានលាភ	រុងរឿងរៀងរាបរស់រីករាយ ។