អកុសលផលកម្ម

- បទពាក្យ៧ -

១-	ស្រីស្រាស្រកសាច់ដាច់លុយចាយ	ចាញ់ល្បែងចំណាយលើសចំណូល
	លោភលន់លើសលប់ផុតត្រកូល	ចាញ់ចប់ស្ងប់ចូលលកលៃលួច ។

២-	ខាតខឹងប្រឹងឈ្លោះលោះថ្ងៃគ្មាន	កទោសបំពានព័ន្ធព្រឺព្រួច
	បញ្ញាអាប់អន់ខ្លោចខ្លៅស្តួច	ចង់មានក្របួចលួចកែខៃ ។

៣-	ទូទាត់លាត់សើយប្រាក់ឈ្នះចាញ់	ឈ្នះគេមុខខ្លាញ់ចាញ់ចង្រៃ
	យីអ៊ុនធ្លាក់ចុះចាញ់រាល់ថ្ងៃ	អស់ប្រាក់ពីដៃលួចបន្ត ។

៤-	លួចគេមិនដឹងប្រឹងបំភាន់	លួចគេតាមទាន់ជាន់វ័ណ្ឌក
	ចាញ់ចប់ការងារអស់ផ្លូវចរ	គ្មានអ្នកអំណរសទោសទណ្ឌ ។

លួចបានគ្រាន់ គេទាន់ក្រែល

ជំនួយស្មារតី : (ដាស់តឿនរំឭកជានិច្ចជារឿយៗឲ្យបានទៀងទាត់រហូត)សម្រាប់លោកនាយក-នាយិកា ប្រធានការិយាល័យស្រុក-ក្រុង និងប្រធានផ្នែកទាំងអស់ ធ្វើការអប់រំកម្មករនិយោជិតក្រោមបង្គាប់ឲ្យវៀរចាកនូវអំពើអកុសល និងលះបង់នូវអបាយមុខ ជាហេតុធ្វើឲ្យរងនូវទោសទណ្ឌដែលនាំឲ្យខ្លួន និងគ្រួសាររងនូវអពមង្គលក្នុងជីវិត ។ មង្គលនៃជីវិត គឺស្ថិតក្នុងភាពមិនមានទោស មិនមានរោគ និងមិនមានភ័យ ។