ទំនាក់ទំនងវិនិយោគិនការបង្ហាញព័ត៌មានសាជីវកម្មរបាយការណ៍ប្រចាំត្រីមាសទី៣ ឆ្នាំ២០២០ របស់សម្ព័ន្ធធនាគារ អេស៊ីលីដា ភីអិលស៊ី

របាយការណ៍ប្រចាំត្រីមាសទី៣ ឆ្នាំ២០២០ របស់សម្ព័ន្ធធនាគារ អេស៊ីលីដា ភីអិលស៊ី

ថ្ងៃទី១៦ ខែវិច្ឆិកា ឆ្នាំ២០២០

របាយការណ៍ហិរញ្ញវត្ថុសង្ខេបចន្លោះពេល របស់សម្ព័ន្ធធនាគារ អេស៊ីលីដា ភីអិលស៊ីត្រូវបានរៀបចំឡើងដោយអនុលោមទៅតាមស្តង់ដាររបាយការណ៍ហិរញ្ញវត្ថុអន្តរជាតិនៃកម្ពុជា(ស.រ.ហ.អ.ក)។

សម្រាប់ត្រីមាសទី៣ ឆ្នាំ២០២០ សម្ព័ន្ធធនាគារអេស៊ីលីដា ភីអិលស៊ីទទួលបានចំណូលសរុបចំនួន ៥៨៤,២៥ប៊ីលានរៀល ដែលមានចំនួនប្រហាក់ប្រហែលគ្នា ទៅនឹងចំណូលសរុបក្នុងត្រីមាសទី៣ ឆ្នាំ២០១៩និងប្រាក់ចំណេញចំនួន ១៤១,៩៥ប៊ីលានរៀល ដែលកើនឡើងចំនួន ២៦,៩៨ប៊ីលានរៀល ស្មើនឹង ២៣,៤៧%ធៀបនឹងត្រីមាសទី៣ ឆ្នាំ២០១៩។

គិតត្រឹមដំណាច់ការិយបរិច្ឆេទ ថ្ងៃទី៣០ ខែកញ្ញា ឆ្នាំ២០២០ទ្រព្យសកម្មសរុបរបស់សម្ព័ន្ធធនាគារ អេស៊ីលីដា ភីអិលស៊ី មានចំនួន ២៦,១០ទ្រីលានរៀល ដែលកើនឡើងចំនួន ៩៣៣,២៣ប៊ីលានរៀល ស្មើនឹង ៣,៧១%និងមូលធនសរុបចំនួន ៤,២៩ទ្រីលានរៀល កើនឡើងចំនួន៣៦១,៥៧ប៊ីលានរៀល ស្មើនឹង ៩,២០%ធៀបនឹងចុងការិយបរិច្ឆេទខែធ្នូ ឆ្នាំ២០១៩។

សូចនាករសំខាន់ៗនៅក្នុងត្រីមាសទី៣ ឆ្នាំ២០២០ មានដូចខាងក្រោម៖

ចំណេញធៀបនឹងមូលធនមធ្យម(*): ៣,៤១%
ចំណេញធៀបនឹងទ្រព្យសកម្មមធ្យម(*): ០,៥៦%
ចំណូលការប្រាក់ធៀបនឹងឥណទានដុលសរុប: ៣,០៨%
ចំណាយប្រតិបត្តិការធៀបនឹងឥណទានដុលសរុប: ១,២៧%
ឥណទានដុលសរុបធៀបនឹងទ្រព្យសកម្មសរុប: ៦៥,១០%
ឥណទានដុលសរុបធៀបនឹងប្រាក់បញ្ញើសរុប: ៩១,៥៦%
ឥណទានមិនដំណើរការដុលសរុបធៀបនឹងឥណទានដុលសរុប(**): ៣,០២%
អនុបាតសាធនភាព: ២៤,៤៤%
អនុបាតក្របខ័ណ្ឌសន្ទនីយភាពៈ ១៦៨,៤៣%

(*) អនុបាតទាំងនេះមិនមែនជាអនុបាតប្រចាំឆ្នាំនោះទេហើយត្រូវបានគណនាដោយប្រើតួលេខលទ្ធផលលម្អិតសរុប រយៈពេល ៣ខែ ចាប់ពីថ្ងៃទី០១ ខែកក្កដា ដល់ថ្ងៃទី៣០ ខែកញ្ញា ឆ្នាំ២០២០។

(**) ឥណទានមិនដំណើរការ = ឥណទាននៅដំណាក់កាលទី៣

ចំនួនបុគ្គលិក (ធនាគារ និងក្រុមហ៊ុនបុត្រសម្ព័ន្ធ): ១៣.៦៨៣នាក់

សូមអានព័ត៌មានលម្អិត ដូចមានក្នុងឯកសារយោងខាងក្រោម ៖

របាយការណ៍​​ប្រចាំ​ត្រីមាសទី៣ ឆ្នាំ២០២០ របស់​សម្ព័ន្ធ​ធនាគារ អេស៊ីលីដា ភីអិលស៊ី

របាយការណ៍ប្រចាំត្រីមាសទី៣ ឆ្នាំ២០២០ របស់សម្ព័ន្ធធនាគារ អេស៊ីលីដា ភីអិលស៊ី