ឥណទាន BNPL

ផ្តល់ភាពងាយស្រួល និងឆ្លើយតបតាមតម្រូវការទូទាត់សាច់ប្រាក់ភ្លាមៗ!

ឥណទាន BNPL (Buy Now Pay Later) ជាសេវាឥណទានឌីជីថល សម្រាប់ប្រើទិញទំនិញ ឬសេវាកម្មជាមុន ជាមួយដៃគូអេស៊ីលីដា តាមរយៈអេស៊ីស៊ូភើអេប ហើយទូទាត់សងធនាគារ នៅពេលក្រោយ។

ឥណទាននេះផ្តល់ជូនអតិថិជន ដែលប្រើអេស៊ីលីដាម៉ូបាលស៊ូភើអេប ស្កេនទូទាត់តាម QR ជាមួយដៃគូអាជីវកររបស់ធនាគារ អេស៊ីលីដា ដែលបានចុះកិច្ចព្រមព្រៀងប្រើសេវាឥណទាន BNPL នេះ។

ការអនុម័តឥណទាន មានភាពងាយស្រួល និងសាមញ្ញ ដោយធ្វើឡើងតាមប្រព័ន្ធអេស៊ីស៊ូភើអេប ដោយស្វ័យប្រវត្តិ បានភ្លាមៗ និងមិនមានការរៀបចំឯកសារនោះទេ។

លក្ខណៈពិសេស

រូបិយប័ណ្ណ៖ ប្រាក់រៀល ឬដុល្លារអាមេរិក តាមរូបិយប័ណ្ណគណនី។
ទំហំឥណទាន៖

ប្រាក់រៀល៖ ចាប់ពី ២០០.០០០ រៀល ដល់ ២០.០០០.០០០ រៀល។
ដុល្លារអាមេរិក៖ ចាប់ពី ៥០ ដុល្លារ ដល់ ៥.០០០ ដុល្លារ។

ទ្រព្យធានា៖ គ្មាន។
ការប្រាក់៖ គ្មាន។
រយៈពេលខ្ចី៖ ចាប់ពី ១ខែ រហូតដល់ ១៨ខែ។
របៀបសងប្រាក់៖ សងរំលស់ប្រាក់ដើមថេរ ជារៀងរាល់ខែ។
សោហ៊ុយឥណទាន៖ ១% នៃទំហំឥណទានក្នុងមួយខែ គុណនឹងរយៈពេលខ្ចី (អប្បបរមា ៤.០០០រៀល ឬ ១ដុល្លារអាមេរិក)។
សោហ៊ុយក្រេឌីត ប្យួរ៉ូ (CBC)៖ តាមការកំណត់របស់ក្រុមហ៊ុន CBC។
សោហ៊ុយទូទាត់សងប្រាក់មុនកាលកំណត់៖ គ្មាន។

តើអតិថិជនអាចធ្វើការទូទាត់ទំនិញ-សេវាកម្ម ដោយប្រើប្រាស់ឥណទាន BNPL នេះនៅពេលណា នៅកន្លែងណាខ្លះ?

អតិថិជនដែលប្រើប្រាស់អេស៊ីស៊ូភើអេបទាំងអស់ អាចធ្វើការទូទាត់ទំនិញ-សេវាកម្មគ្រប់ពេល ដោយប្រើប្រាស់ឥណទាន BNPL ស្កេន KHQR គ្រប់ដៃគូអាជីវករទាំងអស់ នៅទូទាំងប្រទេស។

លក្ខខណ្ឌតម្រូវ

អតិថិជន
ពាណិជ្ជករ

អតិថិជនត្រូវមានប្រតិបត្តិការ លើគណនីធនាគារ (គណនីបញ្ញើ-សន្សំ) ដែលបានភ្ជាប់លើអេស៊ីលីដាម៉ូបាល យ៉ាងតិច ៦ខែចុងក្រោយជាប់ៗគ្នា ដូចជា៖

ផ្ទេរប្រាក់
បង់វិក្កយបត្រ
បញ្ចូលលុយទូរសព្ទ
ស្កេនទូទាត់តាម QR

មានអាយុចាប់ពី ១៨ឆ្នាំ (គិតត្រឹមថ្ងៃស្នើឥណទាន)
ឯកសារអត្តសញ្ញាណដែលដាក់នៅធនាគារ ត្រូវនៅមានសុពលភាព
អតិថិជនត្រូវយល់ព្រមតាមលក្ខខណ្ឌ និងកិច្ចសន្យាឥណទាន BNPL

របៀបទូទាត់

បើកកម្មវិធីអេស៊ីស៊ូភើអេប
ចុចម៉ឺនុយ "ទូទាត់តាម QR" ដើម្បីស្កេន KHQR របស់អាជីវករ
ជ្រើសរើសគណនីកាត់ប្រាក់ (គណនីធនាគារ) និងបញ្ចូលថ្លៃទំនិញសរុប (ចាប់ពី ៥០ដុល្លារ ឬ ២០ម៉ឺនរៀល ឡើងទៅ)
ចុចប៊ូតុង "បង់រំលស់"
ចុចប៊ូតុង "បន្ត" សម្រាប់បញ្ជាក់ការទូទាត់ដោយប្រើឥណទាន BNPL
បញ្ចូលទឹកប្រាក់ចូលរួម ហើយប្រព័ន្ធនឹងបង្ហាញទឹកប្រាក់កម្ចីដោយស្វ័យប្រវត្តិ
ជ្រើសរើសរយៈពេលខ្ចី
អាន និងយល់ព្រមតាមលក្ខខណ្ឌ និងកិច្ចសន្យាឥណទាន រួចចុចប៊ូតុង "យល់ព្រម"
ប្រព័ន្ធនឹងបង្ហាញព័ត៌មានឥណទាន និងការទូទាត់
ចុចប៊ូតុង "បញ្ជាក់"

សម្រាប់ព័ត៌មានបន្ថែម សូមទាក់ទងសាខាធនាគារ អេស៊ីលីដា នៅទូទាំងប្រទេស ឬទាក់ទងទូរសព្ទលេខ (បម្រើ២៤ម៉ោង)៖ ០១៥ ៩៩៩ ២៣៣, ០២៣ ៩៩៤ ៤៤៤។ សូមអរគុណ។