USD
THB
EUR
AUD
VND
CAD
LAK
JPY
GBP
CNY
navigate_nextផលិតផល និងសេវាnavigate_nextឌីជីថលnavigate_nextម៉ាស៊ីនបើកគណនី និងបោះពុម្ពប័ណ្ណអេធីអឹម
ម៉ាស៊ីនបើកគណនី និងបោះពុម្ពប័ណ្ណអេធីអឹម
អតិថិជនអាចបើកគណនី និងបោះពុម្ពប័ណ្ណអេធីអឹម ដោយខ្លួនឯង ជាមួយម៉ាស៊ីនបើកគណនី និងបោះពុម្ពប័ណ្ណអេធីអឹម (ឬយើងហៅថា ម៉ាស៊ីនវីធីអឹម) បានគ្រប់ពេលវេលា និងឆាប់រហ័ស នៅតាម សេវាកម្មធនាគារស្វ័យប្រវត្តិ របស់ធនាគារ អេស៊ីលីដា។
ម៉ាស៊ីនវីធីអឹម មានលក្ខណៈពិសេសក្នុងការកំណត់អត្តសញ្ញាណ និងទទួលស្គាល់អតិថិជន ដោយស្វ័យប្រវត្តិ ដូចខាងក្រោម៖
- ឧបករណ៍ថតចម្លង-អានឯកសារអត្តសញ្ញាណ
- ប្រព័ន្ធកាមេរ៉ាសម្គាល់ផ្ទៃមុខ
- ឧបករណ៍ថតស្នាមម្រាមដៃ
- ចុះហត្ថលេខាអេឡិចត្រូនិក
អតិថិជនអាចបើកគណនីធនាគារ (គណនីឯកត្តជន) តាមម៉ាស៊ីនវីធីអឹម ជាប្រាក់រៀល ដុល្លារអាមេរិក បាត និងអ៊ឺរ៉ូ ដូចខាងក្រោម៖
- គណនីបញ្ញើសំចៃ រួមទាំងគណនីបើកប្រាក់បៀវត្ស
- គណនីចរន្ត
- គណនីបញ្ញើតាមតម្រូវការ
ប្រាក់តម្កល់ដំបូង
- ប្រាក់តម្កល់ដំបូងសម្រាប់ គណនីបញ្ញើសំចៃ គណនីបើកប្រាក់បៀវត្ស និង គណនីបញ្ញើតាមតម្រូវការ គឺ មិនតម្រូវ។
- ប្រាក់តម្កល់ដំបូងសម្រាប់ គណនីចរន្ត គឺ ១០០ដុល្លារអាមេរិក ឬសមមូលរូបិយប័ណ្ណផ្សេង។
- អតិថិជនត្រូវដាក់ប្រាក់តម្កល់ដំបូងតាមម៉ាស៊ីនវីធីអឹម ជាប្រាក់ដុល្លារអាមេរិក ទោះបីគណនីនោះជាប្រាក់រៀល ឬបាត ក៏ដោយ។ ចំណែកគណនីជាប្រាក់អ៊ឺរ៉ូ អតិថិជនត្រូវដាក់ប្រាក់នៅបញ្ជរបេឡា។
ឯកសារតម្រូវសម្រាប់បើកគណនី
- អត្តសញ្ញាណប័ណ្ណសញ្ជាតិខ្មែរ ឬលិខិតឆ្លងដែន (នៅមានសុពលភាពយ៉ាងតិច ៣ខែ)។
ការផ្លាស់ប្តូរព័ត៌មានគណនីធនាគារ តាមម៉ាស៊ីនវីធីអឹម
អតិថិជនអាចផ្លាស់ប្តូរព័ត៌មានគណនីឯកត្តជន ដែលជាគណនីបញ្ញើសំចៃ គណនីចរន្ត និងគណនីបញ្ញើតាមតម្រូវការ ដូចជា៖ អាសយដ្ឋាន ឋានន្តរ មុខរបរ លេខទូរស័ព្ទ និងអ៊ីម៉ែល ហើយប្រព័ន្ធនឹងអនុម័តដោយស្វ័យប្រវត្តិ។
របៀបបើកគណនី តាមម៉ាស៊ីនវីធីអឹម
- ដំបូងជ្រើសរើសភាសា
- ជ្រើសរើស "បើកគណនីឯកត្តជន / Open Personal Account"
- សូមបំពេញព័ត៌មានរបស់លោកអ្នក ស្កែនឯកសារអត្តសញ្ញាណ ស្កែនស្នាមម្រាមដៃ និងចុះហត្ថលេខា
- សូមរង់ចាំការអនុម័តពីភ្នាក់ងាររបស់ធនាគារភ្លាមៗ។ ក្រោយពីទទួលការពិនិត្យ និងបញ្ជាក់ពីភ្នាក់ងាររបស់ធនាគារ លោកអ្នកនឹងទទួលបានផ្ទាំងជោគជ័យនៅលើកញ្ចក់ម៉ាស៊ីន រួចបន្តការដាក់ប្រាក់ចូលគណនី។
