ផលិតផល និងសេវាប័ណ្ណប័ណ្ណឥណពន្ធចេស៊ីប៊ីអេស៊ីលីដា

ប័ណ្ណឥណពន្ធចេស៊ីប៊ីអេស៊ីលីដា

ប័ណ្ណឥណពន្ធ - ប្រាក់រៀល

ប័ណ្ណឥណពន្ធ - ប្រាក់ដុល្លារ

ប័ណ្ណឥណពន្ធចេស៊ីប៊ីអេស៊ីលីដា គឺជាប័ណ្ណប្លាស្ទិកអេឡិចត្រូនិក មានសុវត្ថិភាពខ្ពស់មិនអាចក្លែងបន្លំបាន និងប្រើប្រាស់ប្រព័ន្ធនិងស្លាកសញ្ញារបស់ធនាគារ អេស៊ីលីដា ភីអិលស៊ី និងចេស៊ីប៊ី ។

ប័ណ្ណនេះចេញដោយធនាគារ អេស៊ីលីដា ជូនអតិថិជនសម្រាប់ធ្វើប្រតិបត្តិការដកសាច់ប្រាក់នៅតាមម៉ាស៊ីនអេធីអឹម និងទូទាត់ចំណាយផ្សេងៗតាមម៉ាស៊ីនឆូតកាត ឬតាមអ៊ីនធើណែត ដែលមានបិទស្លាកសញ្ញាចេស៊ីប៊ី នៅទូទាំងប្រទេស និងពាសពេញពិភពលោក ។

ប័ណ្ណឥណពន្ធចេស៊ីប៊ីអេស៊ីលីដា មានបំពាក់ប្រព័ន្ធបច្ចេកវិជ្ជាការពារសុវត្ថិភាពប័ណ្ណ (J/Secure™) ដោយតម្រូវឱ្យអតិថិជនបញ្ចូលលេខសុវត្ថិភាព (OTP)^[1] ដែលប្រព័ន្ធបានផ្ញើសារ (SMS)^[2] ជូនអតិថិជនតាមរយៈលេខទូរស័ព្ទដែលបានចុះឈ្មោះ (លោអ្នកអាចប្រើជា Soft Token^[3] ឬ Hard Token^[4] ក៏បាន) នៅពេលធ្វើប្រតិបត្តិការទូទាត់តាមរយៈប្រព័ន្ធអ៊ីនធើណែត (e-commerce) ។

អត្ថប្រយោជន៍

ការផ្តល់ជូនពិសេសពីប័ណ្ណចេស៊ីប៊ី

អាចដកសាច់ប្រាក់បានឆាប់រហ័ស ពីគ្រប់ម៉ាស៊ីនអេធីអឹមទាំងអស់ ដែលមានស្លាកសញ្ញាចេស៊ីប៊ី នៅក្នុងនិងក្រៅប្រទេស ២៤ម៉ោងក្នុងមួយថ្ងៃ និង៧ថ្ងៃក្នុងមួយសប្តាហ៍ ។
អាចទូទាត់ចំណាយផ្សេងៗ នៅតាមហាងទំនិញ សណ្ឋាគារ ឬក្រុមហ៊ុននានា ដែលមានម៉ាស៊ីនឆូតកាត ឬឧបករណ៍អេឡិចត្រូនិកផ្សេងទៀត ដែលមានស្លាកសញ្ញាចេស៊ីប៊ី នៅក្នុង និងក្រៅប្រទេស ។
អាចបញ្ជាទិញទំនិញ ទិញឬកក់សំបុត្រយន្តហោះ ឬកក់បន្ទប់សណ្ឋាគារ តាម Internet/E-Commerce ។ល។
ផ្ទេរប្រាក់តាមរយៈម៉ាស៊ីនអេធីអឹម របស់ធនាគារ អេស៊ីលីដា ។
ចំណេញពេលវេលា និង មានសុវត្ថិភាពខ្ពស់ក្នុងការគ្រប់គ្រងសាច់ប្រាក់និងទូទាត់ចំណាយផ្សេងៗ ។

របៀបស្នើសុំប្រើប្រាស់ប័ណ្ណ

សូមអញ្ជើញទៅកាន់សាខាធនាគារអេស៊ីលីដា ណាមួយដែលនៅជិតលោកអ្នក
បន្ទាប់មកបំពេញពាក្យស្នើសុំប្រើប្រាស់ប័ណ្ណម៉ាស្ទ័រកាតអេស៊ីលីដា ដែលផ្តល់ជូន ឬក៏ចុចទីនេះដើម្បីទាញយកពាក្យស្នើសុំ
ឬក៏ដាក់ពាក្យស្នើសុំតាម អេស៊ីលីដាម៉ូបាល ឬតាមរយៈ ពាក្យស្នើសុំប័ណ្ណអេស៊ីលីដា នេះ

លក្ខខណ្ឌតម្រូវ

អតិថិជនត្រូវមានគណនីមួយ (គណនីបញ្ញើសំចៃ គណនីចរន្ត ឬគណនីបញ្ញើតាមតម្រូវការ) ជាមួយធនាគារអេស៊ីលីដា
ជានីតិជន ដែលមានអាយុចាប់ពី ១៨ឆ្នាំ
មានអត្តសញ្ញាណប័ណ្ណប្រជាជន លិខិតឆ្លងដែន ឬឯកសារអត្តសញ្ញាណផ្សេងៗដែលមានសុពលភាព

លក្ខណៈសម្គាល់ទូទៅ

មានស្លាកសញ្ញា ធនាគារ អេស៊ីលីដា ភីអិលស៊ី និង ចេស៊ីប៊ី (JCB) ។
បំពាក់ប្រព័ន្ធ EMV នៅផ្នែកខាងមុខ អាចការពារការក្លែងបន្លំបានមួយរយភាគរយ និង Magnatic Stripe ផ្នែកខាងក្រោយ ។
មានបង្ហាញថ្ងៃសុពលភាពប្រើប្រាស់ (Good Thru) ។ អស់សុពលភាពប្រើប្រាស់ ឬផុតកំណត់ប្រើប្រាស់ ប័ណ្ណនោះមិនអាចប្រើប្រាស់បានឡើយ ។
មានពាក្យ "DEBIT" នៅខាងមុខ ផ្នែកខាងក្រោម ។ មានន័យថា គឺជាប័ណ្ណឥណពន្ធ ។ គ្រប់ប្រតិបត្តិការតាមរយៈប័ណ្ណនេះ ត្រូវកាត់ប្រាក់ចេញពីគណនីរបស់ម្ចាស់ប័ណ្ណដែលមាននៅធនាគារ ។
មានឈ្មោះអតិថិជន បង្ហាញនៅលើប័ណ្ណ ។

ថ្លៃសេវា និងទំហំប្រតិបត្តិការ

ថ្លៃសេវា
ទំហំប្រតិបត្តិការ

ប្រសិទ្ធភាពចាប់ពី ថ្ងៃទី១៥ ខែសីហា ឆ្នាំ២០២៤

ថ្លៃសេវាសម្រាប់ប័ណ្ណមួយ (ដុល្លារអាមេរិក)	ប័ណ្ណធម្មតា
ចេញប័ណ្ណ	មិនគិតថ្លៃ
ថ្លៃសេវាប្រចាំឆ្នាំ
ប័ណ្ណឥណពន្ធ	៦
ដកប្រាក់តាមអេធីអឹមអេស៊ីលីដា ក្នុងប្រទេសកម្ពុជា
ប័ណ្ណឥណពន្ធ	មិនគិតថ្លៃ
បញ្ចូលទឹកប្រាក់ទូរស័ព្ទ តាមអេធីអឹមអេស៊ីលីដា	មិនគិតថ្លៃ
ផ្ទេរប្រាក់រវាងគណនីធនាគារ អេស៊ីលីដា តាមអេធីអឹមអេស៊ីលីដា ក្នុងប្រទេសកម្ពុជា	មិនគិតថ្លៃ
ដកប្រាក់តាមអេធីអឹមអេស៊ីលីដា ក្នុងប្រទេសឡាវ	២⁽ⁱ⁾
ដកប្រាក់ តាមអេធីអឹម ឬ POS ធនាគារផ្សេង ក្នុងប្រទេសកម្ពុជា	៤
ដកប្រាក់ តាមអេធីអឹម ឬ POS ធនាគារផ្សេង នៅក្រៅប្រទេស	៤+១%
ប្តូរប័ណ្ណថ្មី (បាត់ ឬខូចមុនថ្ងៃផុតកំណត់)	៦
ប្រតិបត្តិការបង្វែរសាច់ប្រាក់ (ទូទាត់នៅក្រៅប្រទេស)	២,៦០%

i. គិតថ្លៃ ៤ដុល្លារ សម្រាប់ការដកប្រាក់ពីអេធីអឹមអេស៊ីលីដាឡាវ លើសពី ៦.០០០ដុល្លារ។
ចំពោះប្រតិបត្តិការលើ ATM/POS របស់ធនាគារផ្សេង ត្រូវអនុវត្តតាមការកំណត់របស់ធនាគារផ្សេង។

ប្រតិបត្តិការ (ដុល្លារអាមេរិក) ក្នុងមួយថ្ងៃ	ប័ណ្ណធម្មតា
ចំនួនប្រតិបត្តិការ ទាំងអេធីអឹម ម៉ាស៊ីនឆូតកាត និងអ៊ីខុមមើស	២៥ ដង
ដកប្រាក់តាមអេធីអឹម អេស៊ីលីដា ក្នុងប្រទេសកម្ពុជា	១០.០០០$
ដកប្រាក់តាមអេធីអឹម អេស៊ីលីដា ក្នុងប្រទេសឡាវ^(I)	១០.០០០$
ដកប្រាក់តាមអេធីអឹម ធនាគារផ្សេង (ក្នុងនិងក្រៅប្រទេស)^(II)	១០.០០០$
បញ្ចូលប្រាក់ទូរសព្ទ តាមម៉ាស៊ីនអេធីអឹម អេស៊ីលីដា	មិនកំណត់
ផ្ទេរប្រាក់រវាងគណនីធនាគារ អេស៊ីលីដា តាមអេធីអឹមអេស៊ីលីដា ក្នុងប្រទេសកម្ពុជា	២.៥០០$ ឬសមមូលប្រាក់ផ្សេង
ទូទាត់តាមម៉ាស៊ីនឆូតកាត ធនាគារ អេស៊ីលីដា ធនាគារផ្សេងនៅក្នុង-ក្រៅប្រទេស	១០.០០០$
ទូទាត់ទំនិញ-សេវាកម្មតាមសេវាអ៊ីខុមមើស	១០.០០០$

ថ្លៃសេវា និង ទំហំប្រតិបត្តិការ ខាងលើនេះ គឺសម្រាប់ជម្រាបជូនជាព័ត៌មានប៉ុណ្ណោះ និងអាចមានការកែប្រែ ។ សម្រាប់តម្រូវការប្រើប្រាស់សេវាធនាគារ និងព័ត៌មានផ្សេងៗទៀត សូមទាក់ទងជាមួយនឹងសាខារបស់យើងខ្ញុំ ដែលមានទីតាំងនៅជិតលោកអ្នកបំផុត ឬក៏ទាក់ទងមកការិយាល័យទំនាក់ទំនងអតិថិជន ។

សំគាល់ ៖

[1] One Time Password (OTP): ជាលេខសម្ងាត់ដែលប្រើបានតែម្តងគត់ ហើយត្រូវអស់សុពលភាពប្រើប្រាស់ក្រោយរយៈពេល ៦០វិនាទី និងមិនតម្រូវឱ្យអ្នកប្រើប្រាស់ចងចាំនោះទេ ។ លោកអ្នកត្រូវបញ្ចូលលេខសម្ងាត់នេះនៅពេលធ្វើប្រតិបត្តិការទូទាត់ជាមួយវេបសាយដែលមានសញ្ញា "J/Secure™" ។
[2] SMS Token: លេខសម្ងាត់ (OTP) ត្រូវបានផ្ញើទៅកាន់លេខទូរស័ព្ទដៃរបស់អតិថិជនដែលបានចុះឈ្មោះប្រើប្រាស់ប័ណ្ណ ។ អតិថិជនត្រូវជូនដំណឹងមកធនាគារនៅពេលមានការកែប្រែលេខទូរស័ព្ទរបស់ពួកគាត់ ។
[3] Soft Token: លេខសម្ងាត់ត្រូវបានបង្ហាញដោយកម្មវិធីដែលបានបញ្ចូលនៅក្នុងទូរស័ព្ទដៃរបស់អតិថិជននៅពេលចុះឈ្មោះ ។
[4] Hard Token: ជាឧបករណ៍ប្រើសម្រាប់បង្ហាញលេខ OTP ។

ប័ណ្ណឥណពន្ធ​ចេស៊ីប៊ី​អេស៊ីលីដា

អត្ថប្រយោជន៍

របៀប​ស្នើ​សុំ​ប្រើប្រាស់ប័ណ្ណ

លក្ខខណ្ឌ​តម្រូវ

លក្ខណៈ​សម្គាល់​ទូទៅ

ថ្លៃសេវា និងទំហំ​ប្រតិបត្តិការ

ប័ណ្ណឥណពន្ធចេស៊ីប៊ីអេស៊ីលីដា

របៀបស្នើសុំប្រើប្រាស់ប័ណ្ណ

លក្ខខណ្ឌតម្រូវ

លក្ខណៈសម្គាល់ទូទៅ

ថ្លៃសេវា និងទំហំប្រតិបត្តិការ