ផលិតផល និងសេវាក្រុមហ៊ុនសេវាបញ្ញើ-សន្សំគណនីបញ្ញើសំចៃ

គណនីបញ្ញើសំចៃ

ផ្ញើប្រាក់កាន់តែច្រើន នឹងទទួលបានការប្រាក់កាន់តែច្រើន!

បុគ្គលគ្រប់រូបរមែងតែងតែចង់ស្វែងរកកន្លែងគួរឱ្យជឿទុកចិត្ត សម្រាប់ផ្ញើប្រាក់ដើម្បីឱ្យការប្រើប្រាស់មានភាពងាយស្រួល រួមទាំងទទួលនូវការប្រាក់បន្ថែមទៀតផង ។

ការសម្រេចចិត្តបើកគណនីសំចៃជាមួយនឹងធនាគារ អេស៊ីលីដា លោកអ្នកនឹងទទួលបានអត្រាការប្រាក់យ៉ាងល្អគួរឱ្យពេញចិត្ត ហើយលោកអ្នកអាចផ្ញើជា ប្រាក់រៀល ប្រាក់ដុល្លារអាមេរិក ប្រាក់បាត ប្រាក់អ៊ឺរ៉ូ និងទទួលបានការប្រាក់រៀងរាល់ខែ អាស្រ័យលើសមតុល្យនៃប្រាក់បញ្ញើ ។

ឥឡូវនេះលោកអ្នកអាចស្នើសុំបើកគណនីថ្មី នៅលើកុំព្យូទ័រ ឬទូរសព្ទដៃ បានគ្រប់ពេលវេលា។

សំណើបើកគណនី

គុណប្រយោជន៍

ធនាគារ អេស៊ីលីដា ភីអិលស៊ី ជាកន្លែងដែលផ្តល់សុវត្ថិភាព និងភាពជឿទុកចិត្តក្នុងការថែរក្សាប្រាក់ ជួយសន្សំប្រាក់ សន្សំពេលវេលា ផ្តល់ជូនអត្រាការប្រាក់គួរឱ្យពេញចិត្ត និងផ្តល់ភាពងាយស្រួលក្នុងការចាត់ចែងហិរញ្ញវត្ថុរបស់លោកអ្នក ។ លោកអ្នកអាចប្រើគណនីរបស់ខ្លួនបាននៅគ្រប់ការិយាល័យទាំង២៦៥ទូទាំងគ្រប់ខេត្ត-រាជធានី ក្នុងព្រះរាជាណាចក្រកម្ពុជា ដោយមិនចាំបាច់កាន់សាច់ប្រាក់ច្រើនតាមខ្លួនរបស់លោកអ្នកទេ ។

ផ្តល់ជូនអត្រាការប្រាក់ខ្ពស់ សម្រាប់ដៃគូពាណិជ្ជករ របស់ធនាគារ អេស៊ីលីដា ទាំងអស់។ សូមពិនិត្យមើលអត្រាការប្រាក់ខាងក្រោម។

លក្ខខណ្ឌតម្រូវ

ប្រាក់តម្កល់ដំបូង ៖ មិនមាន ។
សមតុល្យអប្បបរមា ៖ មិនមាន ។
មិនគិតថ្លៃសេវាក្នុងការបើក ឬបិទគណនី * ។
ផ្តល់ជូនប័ណ្ណព័ត៌មានគណនីដោយឥតគិតថ្លៃ និងគិតថ្លៃ ១២.០០០រៀល ៣ដុល្លារអាមេរិក ១២០បាត ឬសមមូលជាមួយប្រាក់ផ្សេងៗទៀត លើការប្រើប្រាស់សៀវភៅប្រាក់បញ្ញើសំចៃ ។
ផ្តល់ជូនរបាយការណ៍គណនី តាមតម្រូវការ (មិនគិតថ្លៃសម្រាប់ការស្នើសុំត្រឹម២ខែ) ។ គិតថ្លៃ ៨.០០០រៀល, ២ដុល្លារ, ៨០បាត ឬសមមូល ក្នុងមួយខែ នៃចំនួនខែដែលលើសពី២ខែ ។
លោកអ្នកអាចគ្រប់គ្រងលើទិន្នន័យចំណូល និងចំណាយលើរាល់ការប្រតិបត្តិការនៅក្នុងរបាយការណ៍គណនី ឬសៀវភៅគណនីរបស់លោកអ្នកបានយ៉ាងសុក្រឹត ឬទទួលសារជូនដំណឹងព័ត៌មានគណនីតាមរយៈទូរស័ព្ទដៃ (ជាសេវាបន្ថែម) ។
យើងខ្ញុំបម្រើលោកអ្នកជាមួយនឹងបណ្ដាញបច្ចេកវិជ្ជាព័ត៌មានទំនើប គ្របដណ្ដប់គ្រប់ខេត្ត-រាជធានី ដើម្បីធានាដល់ភាពងាយស្រួល ក្នុងការប្រើប្រាស់គណនីរបស់លោកអ្នកនៅគ្រប់ទីកន្លែងដែលមានការិយាល័យយើងខ្ញុំ ។

អត្រាការប្រាក់ (ក្នុងមួយឆ្នាំ)

ប្រសិទ្ធភាព ចាប់ពីថ្ងៃទី១៦ ខែតុលា ឆ្នាំ២០២៤

អត្រាការប្រាក់ប្រចាំឆ្នាំ	រៀល	ដុល្លារ	បាត
ដៃគូពាណិជ្ជករ	២%	២%	-
អតិថិជន	x ≤ ២០លាន = ០,២០%	x ≤ ៥ពាន់ = ០,២០%	០,០១%
	x ≤ ២០០លាន = ០,៣០%	x ≤ ៥ម៉ឺន = ០,៣០%
	x ≤ ៤០០លាន = ០,៥០%	x ≤ ១០ម៉ឺន = ០,៥០%
	x ≤ ២ពាន់លាន = ០,៧៥%	x ≤ ៥០ម៉ឺន = ០,៧៥%
	x > ២ពាន់លាន = ១,០០%	x > ៥០ម៉ឺន = ១,០០%

អត្រាខាងលើត្រូវបានកំណត់ឡើងក្នុងគោលបំណងជម្រាបជូនជាព័ត៌មានប៉ុណ្ណោះ និងអាចមានការកែប្រែ ។ សម្រាប់តម្រូវការប្រើប្រាស់សេវាធនាគារ និងព័ត៌មានផ្សេងៗទៀត សូមទាក់ទងជាមួយនឹងសាខារបស់យើងខ្ញុំ ដែលមានទីតាំងនៅជិតលោកអ្នកបំផុត ឬក៏ទាក់ទងមកការិយាល័យទំនាក់ទំនងអតិថិជន ។

សំគាល់ ៖

* ប្រសិនបើបិទគណនីក្រោយពីថ្ងៃបើកគណនីរយៈពេល៣ខែ។ សម្រាប់គណនីប្រាក់រៀល បិទក្នុងរយៈពេល៣ខែ ក៏មិនគិតថ្លៃសេវាដែរ។
សម្រាប់ប្រាក់បញ្ញើជារូបិយបណ្ណក្រៅពីប្រាក់រៀល ដុល្លារអាមេរិក និងបាត គឺមិនទទួលបានការប្រាក់ទេ ។

គណនី​បញ្ញើ​សំចៃ

គុណ​ប្រយោជន៍

លក្ខខណ្ឌ​តម្រូវ

អត្រា​ការ​ប្រាក់ (ក្នុង​មួយ​ឆ្នាំ)

គណនីបញ្ញើសំចៃ

គុណប្រយោជន៍

លក្ខខណ្ឌតម្រូវ

អត្រាការប្រាក់ (ក្នុងមួយឆ្នាំ)