ផលិតផល និងសេវាក្រុមហ៊ុនសេវាហិរញ្ញវត្ថុអន្តរជាតិ

សេវាហិរញ្ញវត្ថុអន្តរជាតិ

គាំទ្រសហគ្រិនធ្វើពាណិជ្ជកម្មឆ្លងដែនជាសកល បានយ៉ាងឆាប់រហ័ស និងទទួលបានជោគជ័យ

សេវាហិរញ្ញវត្ថុអន្តរជាតិ សម្រាប់គាំទ្រដល់សហគ្រិន* អាចធ្វើពាណិជ្ជកម្មឆ្លងដែន (ទិញ-លក់ផលិតផលទំនិញ) តាមប្រព័ន្ធអនឡាញ បានយ៉ាងឆាប់រហ័ស រវាងប្រទេសកម្ពុជា-សិង្ហបុរី និងប្រទេសផ្សេងៗទៀត តាមប្រព័ន្ធ Proxtera ឬ Financial Transparency Corridor (FTC) / Universal Trusted Credentials (UTC)។

* សហគ្រិន ឬអ្នកតំណាងរបស់ក្រុមហ៊ុនស្របច្បាប់ មានដូចជា៖

សហគ្រាសធុនតូចបំផុត ឬសិប្បកម្ម
សហគ្រាសធុនតូច ឬរោងចក្រធុនតូច
សហគ្រាសធុនមធ្យម ឬរោងចក្រធុនមធ្យម

អត្ថប្រយោជន៍

សហគ្រិន ឬអ្នកតំណាងក្រុមហ៊ុន អាចដាក់លក់ និងនាំចេញផលិតផលទំនិញ ឬវត្ថុធាតុដើម ទៅក្រៅប្រទេស តាមរយៈការបញ្ជាទិញពីដៃគូ នៅក្នុងទីផ្សារអន្តរជាតិ លើប្រព័ន្ធ Proxtera (https://trade.proxtera.com)
អាចលក់ផលិតផលទំនិញ នៅក្នុងប្រព័ន្ធអនឡាញដ៏ទំនើប កម្រិតស្តង់ដារអន្តរជាតិ។
ធានាសុវត្ថិភាពខ្ពស់ ក្នុងការលក់ផលិតផលទំនិញ និងការទូទាត់ប្រាក់ តាមប្រព័ន្ធធនាគារ អេស៊ីលីដា។
អាចបញ្ជាទិញផលិតផលទំនិញ ឬវត្ថុធាតុដើម តាមតម្រូវការ ដែលមានប្រភពច្បាស់លាស់ និងមានលក្ខណៈស្តង់ដារអន្តរជាតិ។
អាចស្នើសុំសេវាហិរញ្ញវត្ថុ ដែលផ្តល់ការគាំទ្រភ្លាមៗ ពីធនាគារ អេស៊ីលីដា បានតាមតម្រូវការ។

ផលិតផលទំនិញសម្រាប់ដាក់លក់

ក. ផលិតផលទំនិញខ្មែរ ដែលអាចដាក់លក់នៅក្នុងទីផ្សារអន្តរជាតិ តាមប្រព័ន្ធ Proxtera នេះ ជាប្រភេទទំនិញដែលមានលក្ខណៈស្របតាមស្តង់ដារជាតិ និងច្បាប់ នៃព្រះរាជាណាចក្រកម្ពុជា មានដូចជា៖

គ្រឿងទេស (ម្រេច ម្ទេស ល្មៀត ខ្ទឹម...)
អង្ករ ទឹកឃ្មុំ អំបិល បន្លែ ផ្លែឈើស្រស់ គ្រាប់ធញ្ញជាតិ (ចន្ទី ពោត សណ្តែក ល្អ កាហ្វេ...)
ម្សៅអង្ករ-ម្សៅពោត ប្រេងធញ្ញជាតិ (ប្រេងដូង ប្រេងសណ្តែក ប្រេងល្ង...)
ប្រហិត សាច់ក្រក សាច់គោ សាច់ជ្រូក ត្រី
អាហារសមុទ្រកក
អាហារចម្អិតភ្លាមៗ (តែ កាហ្វេ មី សាច់មាន់បំពង...)
សំលៀកបំពាក់ និងស្បែកជើង
គ្រឿងសិល្បៈ គ្រឿងស្មូន គ្រឿងសង្ហារឹម...

ខ. ផលិតផលទំនិញបរទេស ដែលដាក់លក់នៅក្នុងប្រព័ន្ធ Proxtera គឺជាប្រភេទទំនិញដែលមានលក្ខណៈស្របតាមស្តង់ដារ និងច្បាប់នៃប្រទេសនីមួយៗ។ សហគ្រាសខ្មែរ អាចបញ្ជាទិញទំនិញពីអ្នកផ្គត់ផ្គង់បរទេស តាមតម្រូវការ ដោយអាចចរចាដោយផ្ទាល់ ជាមួយអ្នកផ្គត់ផ្គង់នៃប្រទេសនោះ។

ការចុះឈ្មោះប្រើប្រាស់ប្រព័ន្ធ

សូមទាក់ទងសាខាធនាគារ អេស៊ីលីដា ដែលនៅជិតលោកអ្នក ឬទាក់ទងទូរសព្ទលេខ៖ ០១៥ ៩៩៩ ២៣៣, ០២៣ ៩៩៤ ៤៤៤ (បម្រើ២៤/៧) ដើម្បីចុះឈ្មោះធ្វើពាណិជ្ជកម្មឆ្លងដែន ដោយអាចទិញឬលក់ផលិតផលទំនិញ តាមប្រព័ន្ធ Proxtera ដោយមិនគិតថ្លៃសេវា។ សូមមើល របៀបចុះឈ្មោះប្រើប្រាស់។

បំពេញទម្រង់បើកគណនី
បំពេញទម្រង់សម្រាប់ប្រើប្រព័ន្ធ Proxtera
ចូលប្រព័ន្ធ Proxtera (https://trade.proxtera.com) រួចបំពេញព័ត៌មានឱ្យបានត្រឹមត្រូវ៖

ឈ្មោះក្រុមហ៊ុនដែលបានចុះបញ្ជី
លេខអត្តសញ្ញាណកម្មសារពើពន្ធ
លេខចុះបញ្ជីពាណិជ្ជកម្ម
ប្រភេទក្រុមហ៊ុន
កាលបរិច្ឆេទចុះបញ្ជីពាណិជ្ជកម្ម

អាចបន្ថែមសមាជិកតាមតម្រូវការរបស់ក្រុមហ៊ុន-សហគ្រាស
ត្រូវរង់ចាំការអនុម័តិ ពីក្រុមហ៊ុន Proxtera ដើម្បីអាចធ្វើប្រតិបត្តិការអាជីវកម្ម ក្នុងប្រព័ន្ធបាន។

ការលក់ទំនិញ

ក. អតិថិជនត្រូវបង្កើតប៉ាន់គំរូផលិតផល (Product Catalogue) នៅក្នុងប្រព័ន្ធ Proxtera ដូចខាងក្រោម៖

បំពេញប្រវត្តិរូបអ្នកលក់៖ ឈ្មោះហាង, បរិយាយអំពីហាង, ស្លាកសញ្ញា, អាសយដ្ឋាន, អាជ្ញាប័ណ្ណ ឬលិខិតអនុញ្ញាតអាជីវកម្ម (ប្រសិនបើមាន)។
បង្កើតប៉ាន់គំរូផលិតផល
បញ្ចូលផលិតផលដែលត្រូវដាក់លក់
បរិយាយព័ត៌មានលម្អិតអំពីផលិតផល លក្ខណៈបច្ចេកទេស តម្លៃ និងលក្ខខណ្ឌទូទាត់ ។ល។ (សូមមើល របៀបបង្កើតប៉ាន់គំរូផលិតផល)។

ខ. អតិថិជនអាចលក់ផលិតផលទំនិញ ក្នុងប្រព័ន្ធ Proxtera ដូចជា៖ ចរចារជាមួយអ្នកទិញ, ទទួលសំណើទិញ, បង្កើតវិក្កយបត្រ (សូមមើល របៀបដាក់លក់ទំនិញ)។

ការទិញទំនិញ

អតិថិជនអាចទិញទំនិញពីក្រៅប្រទេស ក្នុងប្រព័ន្ធ Proxtera ដូចខាងក្រោម៖

ស្វែងរកផលិតផលទំនិញ
ចរចារជាមួយអ្នកលក់
បង្កើតការដាក់សំណើទិញ
អនុវត្តការងារពាក់ព័ន្ធនឹងការទិញ ដូចជា៖ ស្នើសុំសម្រង់តម្លៃពីអ្នកលក់, ស្នើសុំគំរូផលិតផល, ទទួលយកហិរញ្ញប្បទាន, និងបំពេញកាតព្វកិច្ចទូទាត់ឆ្លងដែន (សូមមើល របៀបទិញទំនិញ)។