កំណត់​ចំណាំផ្នែក​ច្បាប់

ការបដិសេធ​ភាពសុក្រឹត​របស់​អត្ថបទ

ធនាគារ អេស៊ីលីដា ភីអិលស៊ី ឬ​ភាគី​ទី​បី​ដែល​ពាក់ព័ន្ធ​ណា​មួយ បាន​សង្កេត និង​ត្រួត​ពិនិត្យ​នូវ​រាល់​អត្ថបទ និង​ព័ត៌មាន​ទាំង​អស់​ដែល​យើង​ខ្ញុំ​បាន​ចុះ​ផ្សាយ​នៅ​ក្នុង​វេបសាយ​នេះ។ ទោះ​ជា​យ៉ាង​នេះ​ក្តី ធនាគារ​អេស៊ីលីដា ភីអិលស៊ី និង​ភាគី​ទី​បី មិន​ធានា​បាន​នូវ​ភាព​សុក្រឹត ឥតខ្ចោះ និង​ទាន់​សម័យ​របស់​អត្ថបទ​ទាំង​អស់​នោះ​ឡើយ ហើយ​ក៏​មិន​ទទួល​ខុស​ត្រូវ​ចំពោះ​វេបសាយ​ទាំង​ឡាយ​ដែល​បាន​តភ្ជាប់ពី​ក្នុង​អត្ថបទ​ទាំង​នោះ​ដែរ។

អនុសាសន៍

ព័ត៌មាន​ទាំង​អស់​ដែល​មាន​នៅ​ក្នុង​វេបសាយ​នេះ មិន​មែន​សម្រាប់​ប្រើជំនួស​អនុសាសន៍​ផ្ទាល់​ខ្លួន​ពី​អ្នក​ប្រឹក្សា​យោបល់​ផ្នែក​ហិរញ្ញវត្ថុ​ណា​ម្នាក់​ឡើយ។ យើង​ខ្ញុំ​មាន​បុគ្គលិក​ប្រឹក្សា​យោបល់​ដែល​មាន​ចំណេះ​ជំនាញ​ពិត​ប្រាកដ ដើម្បី​ផ្តល់​អនុសាសន៍ ឬ​យោបល់​លើ​សេវា​ហិរញ្ញវត្ថុ​ប្រកប​ដោយ​គុណភាព​ខ្ពស់​ជូន​លោក​អ្នក​ផ្ទាល់។

វេបសាយ

ព័ត៌មាន​និង​ការ​រៀបចំ​នៅ​ក្នុង​វេបសាយ ត្រូវ​បាន​រក្សាសិទ្ធិ​គ្រប់​យ៉ាង។ រាល់​ការ​ចម្លង​យក​ទៅ​ប្រើប្រាស់​ក្នុង​គោលបំណង​ផ្សេងៗ ត្រូវ​មាន​ការ​យល់​ព្រម​ជា​លាយលក្ខណ៍​អក្សរ​ពី​ធនាគារ​អេស៊ីលីដា ភីអិលស៊ី ជា​មុន​សិន។

ការប្រើប្រាស់ និងការកំណត់ឯកជនភាពនៃព័ត៌មាន ឬទិន្នន័យបុគ្គល

សេចក្តីជូនដំណឹង​អំពី​សិទ្ធិ​ឯកជន ឬ​ឯកជនភាព​នេះ បង្ហាញ​ពី​មូលដ្ឋាន​ដែល​ធនាគារ អេស៊ីលីដា ភីអិលស៊ី អាច​ប្រមូល, ប្រើប្រាស់, បង្ហាញ ឬ​ដំណើរការ​ទិន្នន័យ​ផ្ទាល់​ខ្លួន​របស់​អតិថិជន ដោយ​អនុលោម​ទៅ​តាម​គោលការណ៍​ការពារ​ទិន្នន័យ​ផ្ទៃ​ក្នុង​របស់​យើង​ខ្ញុំ។ សេចក្តី​ជូនដំណឹង​នេះ​អនុវត្ត​ចំពោះ​ទិន្នន័យ​ផ្ទាល់​ខ្លួន​ដែល​យើងខ្ញុំ​ប្រមូល​ពី​អ្នក​នៅ​ពេល​អ្នក​ប្រើ​គេហទំព័រ​របស់​យើង។

និយមន័យរបស់ទិន្នន័យផ្ទាល់ខ្លួន

ទិន្នន័យ​ផ្ទាល់​ខ្លួន ឬ​ព័ត៌មាន​ផ្ទាល់​ខ្លួន ជា​ប្រភេទ​ទិន្នន័យ ទោះ​បី​ជា​ពិត​ឬ​មិន​ពិត​អំពី​អតិថិជន ឬ​បុគ្គល​ដែល​អាច​ត្រូវ​បាន​កំណត់​អត្តសញ្ញាណ៖ (ក) ពី​ទិន្នន័យ​នោះ ឬ (ខ) ពី​ទិន្នន័យ​នោះ និង​ព័ត៌មាន​ផ្សេង​ទៀត​ដែល​យើង​មាន ឬ​ទំនង​ជា​អាច​ប្រើប្រាស់​បាន។

ព័ត៌មានដែលយើងអាចប្រមូល

• យើងខ្ញុំ​អាច​ប្រមូល​ព័ត៌មាន​បាន​លុះត្រា​តែ​អ្នក​ផ្តល់​ព័ត៌មាន​ដល់​យើងខ្ញុំ​ដោយ​ចុះ​ឈ្មោះ / បំពេញ​ទម្រង់​ពាក្យសុំ ឬ​ទម្រង់​គេហទំព័រ​ផ្សេង​ទៀត​នៅ​លើ​គេហទំព័រ​របស់​យើងខ្ញុំ។ ព័ត៌មាន​ទាំង​នោះ​អាច​ជា ឈ្មោះ, ភេទ, ថៃ្ងខែ​ឆ្នាំ​កំណើត, លេខសម្គាល់អត្តសញ្ញាណប័ណ្ណ, សៀវភៅគ្រួសារ, លិខិតឆ្លងដែន, អាស័យដ្ឋាន, ស្ថានភាពអាពាហ៍ពិពាហ៍, លេខទូរស័ព្ទ, អ៊ីមែល, មុខរបរ, ទីតាំង ឬ​អាច​ជា​ព័ត៌មាន​ផ្សេងៗ​ទៀត។
• យើងប្រើ "cookies" ដែលជាឯកសារទិន្នន័យតូចៗដែលត្រូវបានបញ្ជូនទៅ browser របស់អ្នកដើម្បីរក្សាទុក និងតាមដានរាល់ព័ត៌មានអំពីអ្នកនៅពេលអ្នកចូលប្រើគេហទំព័ររបស់យើង។ Cookie ត្រូវបានប្រើដើម្បីកែលម្អផលិតផល និងសេវាកម្មរបស់យើង និងផ្តល់ជូននូវសេវាកម្មដែលមាននៅលើគេហទំព័ររបស់យើង។

គោលបំណងនៃការប្រើប្រាស់ទិន្នន័យផ្ទាល់ខ្លួន

យើងអាចប្រមូល ប្រើប្រាស់ ឬដំណើរការទិន្នន័យផ្ទាល់ខ្លួនរបស់អ្នក សម្រាប់គោលបំណងណាមួយ ដូចខាងក្រោម៖

• កន្លែងដែលអ្នកបានផ្តល់ការយល់ព្រមរបស់អ្នកដោយស្ម័គ្រចិត្ត។
• ផ្តល់ជូនអ្នកនូវព័ត៌មានលម្អិតអំពី ផលិតផល ឬសេវាកម្មរបស់ធនាគារ។
• ឆ្លើយតបទៅនឹងសំនួរ និងមតិរបស់អ្នកក្នុងករណីដែលអ្នកបានសួរ ឬស្នើសុំជាទម្រង់វាយតម្លៃតាមរយៈគេហទំព័ររបស់យើង។
• ដើម្បីគាំទ្រដល់កាតព្វកិច្ចអនុលោមតាមច្បាប់ ឬបទបញ្ជាដែលអាចអនុវត្តបាន ឬជួយក្នុងការអនុវត្តច្បាប់ និងការស៊ើបអង្កេតដែលធ្វើឡើងដោយរដ្ឋាភិបាលឬអាជ្ញាធរ។

យើងអាចបង្ហាញទិន្នន័យផ្ទាល់ខ្លួនរបស់អ្នក៖

• នៅពេលដែលការបង្ហាញព័ត៌មានបែបនេះ សម្រាប់ការអនុវត្តកាតព្វកិច្ចនានាក្នុងកំឡុងពេលណាមួយឬទាក់ទងនឹងការផ្តល់ផលិតផល និងសេវាកម្មរបស់យើងដែលបានស្នើសុំដោយអ្នក។
• ចំពោះបុគ្គល, ភ្នាក់ងារ និងអង្គភាព ភាគីទីបី ដែលផ្តល់ និងផ្គត់ផ្គង់សេវាកម្ម យើងនឹងអនុវត្តទៅតាមតួនាទីផ្សេងៗណាមួយទាក់ទងនឹងគោលបំណងដូចដែលបានលើកឡើង។
• ផ្សព្វផ្សាយផលិតផល និងសេវាកម្មរបស់យើង ទោះយ៉ាងណាក៏ដោយ អ្នកតែងតែមានសិទ្ធិបញ្ឈប់ការទទួលការផ្សាយពាណិជ្ជកម្មរបស់យើងបានដោយខ្លួនឯង។
• ផ្តល់ឱ្យអ្នកយល់ពីនិតិវិធី ប្រើប្រាស់ ផលិតផល និងសេវាកម្ម។
• វិភាគទិន្នន័យដើម្បីយល់កាន់តែច្បាស់អំពីកាលៈទេសៈ និងចំណូលចិត្តរបស់អ្នក ដូច្នេះអាចប្រាកដថាយើងអាចផ្តល់ឱ្យអ្នកនូវដំបូន្មានដ៏ល្អបំផុត និងផ្តល់ជូនអ្នកនូវសេវាកម្មដែលសមស្រប។
• យើងអាចចែករំលែកព័ត៌មានរបស់អ្នកទៅកាន់សាខា ក្រុមហ៊ុនបុត្រសម្ព័ន្ធ និងភ្នាក់ងារ ឬអ្នកផ្តល់សេវាដែលធ្វើការឱ្យយើង ឬផ្តល់សេវាកម្មដល់ពួកយើង។

ការរក្សាទុកទិន្នន័យផ្ទាល់ខ្លួន

យើងអាចរក្សាទុកទិន្នន័យផ្ទាល់ខ្លួនរបស់អ្នកឱ្យបានយូរតាមដែលចាំបាច់ ដើម្បីបំពេញគោលបំណងដែលវាត្រូវបានប្រមូល ដើម្បីអនុវត្តតាមច្បាប់ និងបទប្បញ្ញត្តិការពារទិន្នន័យជាធរមាន និងស្របតាមគោលការណ៍រក្សាទុកទិន្នន័យផ្ទៃក្នុងរបស់យើង។

សិទ្ធិរបស់អ្នក

សិទ្ធិដែលអ្នកមានទាក់ទងនឹងព័ត៌មានដែលយើងបានរក្សាទុក រួមមាន៖

• សិទ្ធិក្នុងការស្នើសុំឱ្យយើងធ្វើបច្ចុប្បន្នភាពព័ត៌មានរបស់អ្នកប្រសិនបើវាមិនត្រឹមត្រូវ ឬ មិនពេញលេញ។
• ក្នុងកាលៈទេសៈខ្លះសិទ្ធិទាមទារឱ្យយើងលុបចោលព័ត៌មានរបស់អ្នក។ យើងនៅតែអាចបន្តរក្សាព័ត៌មានរបស់អ្នកប្រសិនបើយើងមានសិទ្ធិទទួល ឬ តម្រូវឱ្យរក្សាទុកវា។
• សិទ្ធិក្នុងការបដិសេធ និងទាមទារឱ្យយើងដាក់កម្រិតដំណើរការរបស់យើងលើព័ត៌មានរបស់អ្នកនៅក្នុងស្ថានភាពណាមួយ។ ជាថ្មីម្តងទៀតវាអាចមានករណីដែលអ្នកជំទាស់ ឬ ស្នើសុំឱ្យយើងរឹតត្បិតដំណើរការព័ត៌មានរបស់អ្នកប៉ុន្តែយើងមានសិទ្ធិបន្តដំណើរការព័ត៌មានរបស់អ្នក និងឬបដិសេធសំណើនោះ។
• សិទ្ធិក្នុងការដកការយល់ព្រមរបស់អ្នក នៅពេលដែលអ្នកបញ្ចប់រាល់សេវាកម្មរបស់ធនាគារហើយ ធនាគារនឹងបញ្ឈប់រាល់ដំណើរការណាមួយបន្ថែមទៀតនៃទិន្នន័យផ្ទាល់ខ្លួនរបស់អ្នកដែលពាក់ព័ន្ធជាមួយនឹងសេវាកម្មរបស់យើង។ ទោះជាយ៉ាងណាក៏ដោយ យើងអាចបន្តរក្សាទុកព័ត៌មានផ្ទាល់ខ្លួនរបស់អ្នកដោយយោងលើគោលការណ៍រក្សាទិន្នន័យរបស់យើង ស្របទៅតាមច្បាប់ក្នុងការធ្វើ ឬគាំទ្រច្បាប់ ឬបទប្បញ្ញត្តិជាធរមាន។

ការការពារ​ទិន្នន័យ​ផ្ទាល់​ខ្លួន

ដើម្បី​ការពារ និង​រក្សា​ព័ត៌មាន​ផ្ទាល់​ខ្លួន​របស់​អ្នក​ពី​ការ​ចូល, ការប្រមូល, ការប្រើប្រាស់, ការបង្ហាញ, ការថតចម្លង, ការកែប្រែ, ការដកចេញ ឬ​ក៏​ហានិភ័យ​ផ្សេងៗ ដោយ​គ្មាន​ការអនុញ្ញាត យើង​ខ្ញុំ​អនុវត្ត​នូវ​ដំណោះស្រាយ​ក្នុង​ការ​ការពារ​សុវត្ថិភាព និង​វិធានការ​ត្រួត​ពិនិត្យ​ដ៏​ប្រសើរ​បំផុត​ដោយ​រួម​បញ្ចូល​ទាំង​បច្ចេកវិទ្យា ជា​មួយ​នឹង​ហេដ្ឋារចនា​សម្ព័ន្ធ​ដែល​មាន​គុណភាព​ខ្ពស់ បាន encrypted ដោយបច្ចេកវិជ្ជា cryptographic ខ្ពស់បំផុត និង​ស្រប​ទៅ​តាម​ស្តង់ដារ​សុវត្ថិភាព​ឧស្សាហកម្ម ដើម្បី​រក្សាទុក​ព័ត៌មាន​របស់​លោកអ្នក​ជា​មួយ​នឹង​វិធីសាស្ត្រ​ប្រកប​ដោយ​សុវត្ថិភាព។

យើងខ្ញុំ​ក៏​តម្រូវ​ឱ្យ​និយោជិក​របស់​ធនាគារ អេស៊ីលីដា និង​ភាគីទីបី​ដែល​មាន​សិទ្ធិ​ទទួល​បាន​ព័ត៌មាន​របស់​លោកអ្នក ឬ​អនុវត្ត​ការងារ​ណា​មួយ​ក្នុង​នាម​យើងខ្ញុំ ដោយ​គោរព​ទៅ​តាម​ស្តង់ដារ​អនុលោម​សមស្រប​ដើម្បី​ការពារ​ព័ត៌មាន​របស់​លោក​អ្នក​ណា​មួយ ដោយ​អនុវត្ត​យន្តការ​ការពារ​សន្តិសុខ​សមស្រប​សម្រាប់​ទិន្នន័យ​ដែល​កំពុង​ដំណើរការ​បញ្ជូន និង​រក្សាទុក។

ទិន្នន័យផ្ទាល់ខ្លួនរបស់អ្នក គឺត្រូវបានរក្សាទុកទាំងស្រុកនៅក្នុងប្រទេសកម្ពុជា ដើម្បីធានាឱ្យបាននូវការប្រកsាន់ខ្ជប់នូវច្បាប់ និងបទប្បញ្ញត្តិជាធរមាន។

ការជូនដំណឹងអំពី Cookies 

សេចក្តីជូនដំណឹងអំពី Cookies (Cookie Notice) នេះ រៀបរាប់អំពីរបៀបដែលធនាគារ អេស៊ីលីដា ភីអិលស៊ី ប្រើប្រាស់ Cookie (រួមទាំងបច្ចេកវិទ្យាតាមដានស្រដៀងគ្នានេះដែរ) រួមទាំងប្រភេទនៃព័ត៌មានដែលយើងប្រមូល និងគោលបំណងដែល Cookie និងបច្ចេកវិទ្យាតាមដានផ្សេងទៀតប្រមូលព័ត៌មានទាំងនោះ។

យើងអាចប្រើ "Cookies" ដែលជាទិន្នន័យតូចមួយត្រូវបានផ្ញើទៅកាន់កម្មវិធី (Browser) របស់អ្នក ដើម្បីរក្សាទុក និងតាមដានព័ត៌មានអំពីអ្នកនៅពេលអ្នកចូលមើលគេហទំព័ររបស់យើង។ Cookies ត្រូវបានប្រើដើម្បីតាមដានព័ត៌មានដូចជាចំនួនអ្នកប្រើប្រាស់ និងភាពញឹកញាប់នៃការប្រើប្រាស់របស់អ្នក ប្រវត្តិរូបរបស់អ្នកប្រើប្រាស់ និងទំព័រដែលអ្នកពេញចិត្ត។ ខណៈពេលដែល Cookies អាចប្រាប់អ្នកនៅពេលអ្នកចូលទៅទៅក្នុងគេហទំព័ររបស់យើង និងទំព័រណាដែលអ្នកចូលមើល វាមិនអាចអានទិន្នន័យចេញពី Hard disk របស់អ្នកបានទេ។

អ្នកអាចជ្រើសរើស "យល់ព្រម" ឬ "បដិសេធ" (Cookies) បាន។ កម្មវិធី (Browsers) ភាគច្រើនយល់ព្រមទទួលយក Cookie ដោយស្វ័យប្រវត្តិ ប៉ុន្តែជាទូទៅ អ្នកអាចកែប្រែការកំណត់នៅក្នុងកម្មវិធី Browsers របស់អ្នក ដើម្បីបដិសេធ Cookies បាន ប្រសិនបើអ្នកចង់។ ទោះជាយ៉ាងណាក៏ដោយ ការធ្វើបែបនេះអាចរារាំងអ្នកមិនឱ្យប្រើប្រាស់មុខងារនៃគេហទំព័របានពេញលេញឡើយ។

គេហទំព័ររបស់យើងត្រូវបានគ្រប់គ្រង និងដំណើរការដោយ ធនាគារ អេស៊ីលីដា ភីអិលស៊ី នៅក្នុងប្រទេសកម្ពុជា។ ប្រសិនបើអ្នកចូលមើលគេហទំព័រនេះពីខាងក្រៅប្រទេសកម្ពុជា ព័ត៌មានរបស់អ្នកអាចនឹងត្រូវបានបញ្ជូនទៅកាន់ និងប្រតិបត្តិការ (processed) នៅក្នុងបណ្តាប្រទេសដែលមានច្បាប់ការពារទិន្នន័យខុសពីប្រទេសរបស់អ្នក។ ទោះជាទិន្នន័យរបស់អ្នកត្រូវបាន ប្រតិបត្តិការនៅទីណាក៏ដោយ យើងប្ដេជ្ញាចិត្តដោះស្រាយទិន្នន័យរបស់អ្នកឱ្យមានសុវត្ថិភាព និងស្របតាមសេចក្តីជូនដំណឹងអំពី Cookie (Cookie Notice) និងសេចក្តីជូនដំណឹងអំពីឯកជនភាព (Privacy Notice) របស់យើង។

តាមរយៈការបន្តប្រើប្រាស់នៅលើ គេហទំព័ររបស់យើង មានន័យថាអ្នកយល់ព្រមចំពោះការប្រើប្រាស់ Cookies ។ អ្នកអាចគ្រប់គ្រង Cookie របស់អ្នក ឬដកហូតការយល់ព្រមវិញនៅពេលណាក៏បាន ដោយប្រើការកំណត់នៅក្នុងកម្មវិធី Browser របស់អ្នក។

យើងខ្ញុំ​អាច​កែប្រែ​សេចក្តីជូនដំណឹង​នេះ ដោយ​គ្មាន​ការជូនដំណឹង​ទុក​ជា​មុន។

សេចក្តីជូនដំណឹងនេះ បានធ្វើបច្ចុប្បន្នភាពចុងក្រោយ នៅថ្ងៃទី១៧ ខែកុម្ភៈ ឆ្នាំ២០២៦។