ផលិតផល និងសេវាប័ណ្ណប័ណ្ណយូភីអាយអេស៊ីលីដា

ប័ណ្ណយូភីអាយអេស៊ីលីដា

ប័ណ្ណឥណពន្ធ (ដុល្លារ)

ប័ណ្ណយូភីអាយអេស៊ីលីដា គឺជាប័ណ្ណប្លាស្ទិកអេឡិចត្រូនិក មានសុវត្ថិភាពខ្ពស់មិនអាចក្លែងបន្លំបាន និងប្រើប្រាស់ប្រព័ន្ធនិងស្លាកសញ្ញារបស់ធនាគារ អេស៊ីលីដា ភីអិលស៊ី និង UnionPay ។

ប័ណ្ណនេះចេញដោយធនាគារ អេស៊ីលីដា ជូនអតិថិជនសម្រាប់ធ្វើប្រតិបត្តិការដកសាច់ប្រាក់នៅតាមម៉ាស៊ីនអេធីអឹម និងទូទាត់ចំណាយផ្សេងៗតាមម៉ាស៊ីនឆូតកាត ឬតាមអ៊ីនធើណែត ដែលមានបិទស្លាកសញ្ញា UnionPay នៅទូទាំងប្រទេស និងពាសពេញពិភពលោក ។

ប័ណ្ណយូភីអាយអេស៊ីលីដា មានបំពាក់ប្រព័ន្ធបច្ចេកវិជ្ជាការពារសុវត្ថិភាពប័ណ្ណ ដោយតម្រូវឱ្យអតិថិជនបញ្ជាក់ប្រតិបត្តិការ តាមរយៈអេស៊ីស៊ូភើអេប ឬបញ្ចូលលេខកូដសុវត្ថិភាព (OTP)^[1] ដែលប្រព័ន្ធនឹងផ្ញើសារតាមអ៊ីម៉ែល ឬ SMS^[2] ទៅលេខទូរសព្ទរបស់ម្ចាស់ប័ណ្ណ នៅពេលធ្វើប្រតិបត្តិការទូទាត់តាមអនឡាញ។
អានបន្ថែមarrow_forward

អត្ថប្រយោជន៍
លក្ខខណ្ឌតម្រូវ
ស្នើប័ណ្ណ
លក្ខណៈសម្គាល់ទូទៅ

អាចដកសាច់ប្រាក់បានឆាប់រហ័ស ពីគ្រប់ម៉ាស៊ីនអេធីអឹមទាំងអស់ ដែលមានស្លាកសញ្ញា UnionPay នៅក្នុងនិងក្រៅប្រទេស ២៤ម៉ោងក្នុងមួយថ្ងៃ និង៧ថ្ងៃក្នុងមួយសប្តាហ៍ ។
អាចទូទាត់ចំណាយផ្សេងៗ នៅតាមហាងទំនិញ សណ្ឋាគារ ឬក្រុមហ៊ុននានា ដែលមានម៉ាស៊ីនឆូតកាត ឬឧបករណ៍អេឡិចត្រូនិកផ្សេងទៀត ដែលមានស្លាកសញ្ញា UnionPay នៅក្នុង និងក្រៅប្រទេស ។
អាចបញ្ជាទិញទំនិញ ទិញឬកក់សំបុត្រយន្តហោះ ឬកក់បន្ទប់សណ្ឋាគារ តាម Internet/E-Commerce ។ល។
ផ្ទេរប្រាក់តាមរយៈម៉ាស៊ីនអេធីអឹម របស់ធនាគារ អេស៊ីលីដា ។
ចំណេញពេលវេលា និង មានសុវត្ថិភាពខ្ពស់ក្នុងការគ្រប់គ្រងសាច់ប្រាក់និងទូទាត់ចំណាយផ្សេងៗ ។

ការផ្តល់ជូនពិសេសពីប័ណ្ណយូភីអាយarrow_forward

អតិថិជនត្រូវមានគណនីមួយ (គណនីបញ្ញើសំចៃ គណនីចរន្ត ឬគណនីបញ្ញើតាមតម្រូវការ) ជាមួយធនាគារអេស៊ីលីដា
ជានីតិជន ដែលមានអាយុចាប់ពី ១៨ឆ្នាំ
មានអត្តសញ្ញាណប័ណ្ណប្រជាជន លិខិតឆ្លងដែន ឬឯកសារអត្តសញ្ញាណផ្សេងៗដែលមានសុពលភាព

សូមអញ្ជើញទៅកាន់សាខាធនាគារអេស៊ីលីដា ណាមួយដែលនៅជិតលោកអ្នក
បន្ទាប់មកបំពេញពាក្យស្នើសុំប្រើប្រាស់ប័ណ្ណអេស៊ីលីដា ដែលផ្តល់ជូន ឬក៏ចុចទីនេះដើម្បីទាញយកពាក្យស្នើសុំ
ឬក៏ដាក់ពាក្យស្នើសុំតាម អេស៊ីលីដាម៉ូបាល ឬតាមរយៈ ពាក្យស្នើសុំប័ណ្ណអេស៊ីលីដា នេះ

មានស្លាកសញ្ញា ធនាគារ អេស៊ីលីដា ភីអិលស៊ី និង UnionPay ។
បំពាក់ប្រព័ន្ធ EMV នៅផ្នែកខាងមុខ អាចការពារការក្លែងបន្លំបានមួយរយភាគរយ និង Magnatic Stripe ផ្នែកខាងក្រោយ ។
មានបង្ហាញថ្ងៃសុពលភាពប្រើប្រាស់ (Good Thru) ។ អស់សុពលភាពប្រើប្រាស់ ឬផុតកំណត់ប្រើប្រាស់ ប័ណ្ណនោះមិនអាចប្រើប្រាស់បានឡើយ ។
ប័ណ្ណយូភីអាយអេស៊ីលីដា គឺជាប័ណ្ណឥណពន្ធ ។ គ្រប់ប្រតិបត្តិការតាមរយៈប័ណ្ណនេះ ត្រូវកាត់ប្រាក់ចេញពីគណនីរបស់ម្ចាស់ប័ណ្ណដែលមាននៅធនាគារ ។
មានឈ្មោះអតិថិជន បង្ហាញនៅលើប័ណ្ណ ។

អត្ថប្រយោជន៍ពិសេសប័ណ្ណប្លាទីន

សាលរង់ចាំពិសេស
សិទ្ធិអាទិភាព
ដកប្រាក់
ទូទាត់ទំនិញ

សិទ្ធិចូលសម្រាកឥតគិតថ្លៃ ក្នុងសាលរង់ចាំពិសេស

សិទ្ធិចូលសម្រាកឥតគិតថ្លៃ ក្នុងសាលរង់ចាំពិសេស (Airport Lounge) នៅតាមព្រលានយន្តហោះអន្តរជាតិ ជាង១.៤០០កន្លែងទូទាំងពិភពលោក (ចំនួន ៦ដង ក្នុងមួយឆ្នាំ ដោយឥតគិតថ្លៃ រាប់ទាំងអ្នករួមដំណើរ)។
ដើម្បីអាចដឹងពីទីតាំង និងអាចចូលសម្រាកក្នុងសាលរង់ចាំពិសេស ដោយឥតគិតថ្លៃ អតិថិជនត្រូវចុះឈ្មោះប្រើកម្មវិធី Dragonpass ដែលអាចទាញយកលើ App Store (iOS) ឬ Google Play (Android)

របៀបចុះឈ្មោះប្រើកម្មវិធី Dragonpassarrow_forward

ទទួលបានសេវាអាទិភាព និងការប្រឹក្សាពិសេស

រាល់ការធ្វើប្រតិបត្តិការសេវាធនាគារ លោកអ្នកមិនតម្រូវឱ្យរង់ចាំតាមលេខរៀង ដោយគ្រាន់តែបង្ហាញប័ណ្ណ UnionPay ប្លាទីន របស់លោកអ្នក
ទទួលបានការប្រឹក្សាលើការធ្វើដំណើរ និងពិគ្រោះយោបល់ពីសេវាផ្សេងៗពីធនាគារ អេស៊ីលីដា

ដកប្រាក់បានចំនួនច្រើន

លោកអ្នកអាចដកប្រាក់ពីម៉ាស៊ីនអេធីអឹម ក្នុងមួយថ្ងៃ តាមប័ណ្ណ UnionPay ប្លាទីន៖

អេស៊ីលីដាអេធីអឹម៖ ៥០.០០០ដុល្លារអាមេរិក
អេធីអឹមធនាគារផ្សេង ទាំងក្នុង និងក្រៅប្រទេស*៖ ៥០.០០០ដុល្លារអាមេរិក

* អាស្រ័យលើការកំណត់របស់ធនាគារផ្សេង។

លោកអ្នកអាចទូទាត់ទំនិញ-សេវាកម្មផ្សេងៗ នៅលើម៉ាស៊ីន POS ឬ អនឡាញ ក្នុងមួយថ្ងៃ តាមប័ណ្ណ UnionPay ប្លាទីន ទាំងក្នុង និងក្រៅប្រទេស៖

ប័ណ្ណឥណពន្ធ៖ ៥០.០០០ដុល្លារអាមេរិក
ប័ណ្ណឥណទាន៖ ៥០.០០០ដុល្លារអាមេរិក

ថ្លៃសេវា និងទំហំប្រតិបត្តិការ

ប្រសិទ្ធភាពចាប់ពី ថ្ងៃទី៨ ខែមេសា ឆ្នាំ២០២៦

ថ្លៃសេវា
ទំហំប្រតិបត្តិការ

ថ្លៃសេវាសម្រាប់ប័ណ្ណមួយ (ដុល្លារអាមេរិក)	ប័ណ្ណធម្មតា	ប័ណ្ណមាស	ប័ណ្ណប្លាទីន
ចេញប័ណ្ណ	មិនគិតថ្លៃ	មិនគិតថ្លៃ	មិនគិតថ្លៃ
ថ្លៃសេវាប្រចាំឆ្នាំ
ប័ណ្ណឥណពន្ធ	៥	២០	៥០
ដកប្រាក់តាមអេធីអឹមអេស៊ីលីដា ក្នុងប្រទេសកម្ពុជា
ប័ណ្ណឥណពន្ធ	មិនគិតថ្លៃ	មិនគិតថ្លៃ^[i]	មិនគិតថ្លៃ^[i]
បញ្ចូលទឹកប្រាក់ទូរស័ព្ទ តាមអេធីអឹមអេស៊ីលីដា	មិនគិតថ្លៃ	មិនគិតថ្លៃ	មិនគិតថ្លៃ
ផ្ទេរប្រាក់រវាងគណនីធនាគារ អេស៊ីលីដា តាមអេធីអឹមអេស៊ីលីដា ក្នុងប្រទេសកម្ពុជា	មិនគិតថ្លៃ	មិនគិតថ្លៃ	មិនគិតថ្លៃ
ដកប្រាក់ តាមអេធីអឹម ធនាគារផ្សេង ក្នុងប្រទេសកម្ពុជា	៤	៤	៤
ដកប្រាក់ តាមម៉ាស៊ីន POS ធនាគារផ្សេង ក្នុងប្រទេសកម្ពុជា	៤	៤+០,៥%	៤+០,៥%
ដកប្រាក់ តាមអេធីអឹម ឬ POS ធនាគារផ្សេង នៅក្រៅប្រទេស	៤+១%	៤+១%	៤+១%
ប្តូរប័ណ្ណថ្មី ដែលខូចឬបាត់ មុនផុតកំណត់	៥	៥	៥
ប្រតិបត្តិការបង្វែរសាច់ប្រាក់ (ទូទាត់នៅក្រៅប្រទេស)	២,៦០%	២,៦០%	២,៦០%

i. គិតថ្លៃ ០,០៥% លើចំនួនប្រាក់ដែលដកលើសពី ១០.០០០ដុល្លារ។
ចំពោះប្រតិបត្តិការលើ ATM/POS របស់ធនាគារផ្សេង ត្រូវអនុវត្តតាមការកំណត់របស់ធនាគារផ្សេង។

*** ថ្លៃសេវាកាតមួយចំនួនខាងលើ អាចបូកបន្ថែមអត្រាប្តូរប្រាក់ ប្រសិនបើប្រតិបត្តិការនោះធ្វើឆ្លងរូបិយប័ណ្ណ។

ប្រតិបត្តិការ ក្នុងមួយថ្ងៃ	ប័ណ្ណធម្មតា	ប័ណ្ណមាស	ប័ណ្ណប្លាទីន
ចំនួនប្រតិបត្តិការ ទាំងអេធីអឹម ម៉ាស៊ីនឆូតកាត និងអ៊ីខុមមើស	២៥ ដង	២៥ ដង	២៥ ដង
ដកប្រាក់តាមអេធីអឹម អេស៊ីលីដា ក្នុងប្រទេសកម្ពុជា	១០.០០០ដុល្លារ	៣០.០០០ដុល្លារ	៥០.០០០ដុល្លារ
ដកប្រាក់តាមអេធីអឹម ធនាគារផ្សេង (ក្នុងនិងក្រៅប្រទេស)^(I)	១០.០០០ដុល្លារ	៣០.០០០ដុល្លារ	៥០.០០០ដុល្លារ
បញ្ចូលប្រាក់ទូរសព្ទ តាមម៉ាស៊ីនអេធីអឹម អេស៊ីលីដា	មិនកំណត់	មិនកំណត់	មិនកំណត់
ផ្ទេរប្រាក់រវាងគណនីក្នុងធនាគារ អេស៊ីលីដា តាមអេធីអឹមអេស៊ីលីដា ក្នុងប្រទេសកម្ពុជា	២.៥០០ដុល្លារ ឬសមមូល
ផ្ទេរប្រាក់ តាមអេធីអឹម ទៅប័ណ្ណ UnionPay ក្នុងប្រទេសចិន ហុងកុង និងម៉ាកាវ	១០.០០០ដុល្លារ (២.៥០០ដុល្លារ ក្នុងមួយប្រតិបត្តិការ)
ទូទាត់តាមម៉ាស៊ីនឆូតកាត ធនាគារ អេស៊ីលីដា ធនាគារផ្សេងនៅក្នុង-ក្រៅប្រទេស	១០.០០០ដុល្លារ	៣០.០០០ដុល្លារ	៥០.០០០ដុល្លារ
ទូទាត់ទំនិញ-សេវាកម្មតាមសេវាអ៊ីខុមមើស	១០.០០០ដុល្លារ	៣០.០០០ដុល្លារ	៥០.០០០ដុល្លារ

ថ្លៃសេវា និង ទំហំប្រតិបត្តិការខាងលើនេះ គឺសម្រាប់ជម្រាបជូនជាព័ត៌មានប៉ុណ្ណោះ និងអាចមានការកែប្រែ។ សម្រាប់តម្រូវការប្រើប្រាស់សេវាធនាគារ និងព័ត៌មានផ្សេងៗទៀត សូមទាក់ទងជាមួយនឹងសាខារបស់យើងខ្ញុំ ដែលមានទីតាំងនៅជិតលោកអ្នកបំផុត ឬក៏ទាក់ទងមកការិយាល័យទំនាក់ទំនងអតិថិជន។

សំគាល់ ៖

One Time Password (OTP): ជាលេខសម្ងាត់ដែលប្រើបានតែម្តងគត់ ហើយត្រូវអស់សុពលភាពប្រើប្រាស់ក្រោយរយៈពេល ៦០វិនាទី និងមិនតម្រូវឱ្យអ្នកប្រើប្រាស់ចងចាំនោះទេ។ លោកអ្នកត្រូវបញ្ចូលលេខសម្ងាត់នេះនៅពេលធ្វើប្រតិបត្តិការទូទាត់អនឡាញ។
SMS / e-mail: លេខសម្ងាត់ (OTP) ត្រូវបានផ្ញើទៅកាន់អ៊ីម៉ែល ឬលេខទូរសព្ទដៃរបស់អតិថិជនដែលបានចុះឈ្មោះប្រើប្រាស់ប័ណ្ណ។ អតិថិជនត្រូវជូនដំណឹងមកធនាគារនៅពេលមានការកែប្រែអ៊ីម៉ែល ឬលេខទូរសព្ទ។

ចុះបញ្ជីក្រោមលេខ	:	00003077
អាសយដ្ឋាន	:	អគារលេខ៦១ មហាវិថីព្រះមុនីវង្ស សង្កាត់ស្រះចក ខណ្ឌដូនពេញ រាជធានីភ្នំពេញ។ មើលផែនទី
ប្រអប់សំបុត្រ	:	១១៤៩
ទូរសព្ទ	:	០២៣ ៩៩៨ ៧៧៧
អ៊ីម៉ែល	:	acledabank@acledabank.com.kh
SWIFT Code	:	ACLBKHPP

ប័ណ្ណ​យូភីអាយ​អេស៊ីលីដា

អត្ថប្រយោជន៍ពិសេស​ប័ណ្ណប្លាទីន

សិទ្ធិ​ចូល​សម្រាក​ឥត​គិត​ថ្លៃ ក្នុង​សាលរង់​ចាំ​ពិសេស

ទទួល​បាន​សេវា​អាទិភាព និង​ការ​ប្រឹក្សាពិសេស