ផលិតផល និងសេវាប័ណ្ណប័ណ្ណអេធីអឹមអេស៊ីលីដា

ប័ណ្ណអេធីអឹមអេស៊ីលីដា

ប័ណ្ណធម្មតា

ប័ណ្ណអេធីអឹមអេស៊ីលីដា មានទ្រង់ទ្រាយតូច ងាយស្រួលក្នុងការដាក់តាមខ្លួន និងផ្តល់ជូនលោកអ្នកដោយឥតគិតថ្លៃ ។

ប័ណ្ណអេធីអឹមអេស៊ីលីដា គឺជាប័ណ្ណចេញដោយធនាគារអេស៊ីលីដា ជូនដល់អតិថិជនដើម្បីធ្វើប្រតិបត្តិការតាមម៉ាស៊ីនដកប្រាក់ដោយស្វ័យប្រវត្តិ (ATM) នៅក្នុងប្រទេសកម្ពុជា និងឡាវ និងតាមម៉ាស៊ីនឆូតកាត របស់ធនាគារអេស៊ីលីដា ២៤ម៉ោងក្នុងមួយថ្ងៃ និង៧ថ្ងៃក្នុងមួយសប្តាហ៍ ប្រកបដោយភាពងាយស្រួល ឆាប់រហ័ស និងសុវត្ថិភាពខ្ពស់បំផុត ។

អត្ថប្រយោជន៍

អាចដកប្រាក់ ផ្ទេរប្រាក់ (រវាងគណនីម្ចាស់តែមួយ ឬម្ចាស់ផ្សេងគ្នា) និងទូទាត់ផ្សេងៗ បានតាមតម្រូវការ និងឆាប់រហ័ស ២៤ម៉ោងក្នុងមួយថ្ងៃ និង៧ថ្ងៃក្នុងមួយសប្តាហ៍
ងាយស្រួលក្នុងការទូទាត់ចំណាយផ្សេងៗ តាមរយៈម៉ាស៊ីនឆូតកាតអេស៊ីលីដា នៅតាមហាងទំនិញ សណ្ឋាគារ ឬក្រុមហ៊ុននានា ដោយមិនចាំបាច់ដាក់សាច់ប្រាក់តាមខ្លួន
មានសុវត្ថិភាពក្នុងការគ្រប់គ្រងសាច់ប្រាក់
ចំណេញពេលវេលា

ប័ណ្ណមាស

លក្ខខណ្ឌតម្រូវ

អតិថិជនត្រូវមានគណនីមួយ (គណនីបញ្ញើសំចៃ គណនីចរន្ត ឬគណនីបញ្ញើតាមតម្រូវការ) ជាមួយធនាគារអេស៊ីលីដា
ជានីតិជន ដែលមានអាយុចាប់ពី ១៨ឆ្នាំ
មានអត្តសញ្ញាណប័ណ្ណប្រជាជន លិខិតឆ្លងដែន ឬឯកសារអត្តសញ្ញាណផ្សេងៗដែលមានសុពលភាព

ការប្រើប័ណ្ណឥណពន្ធអេស៊ីលីដាបន្សំ

ប័ណ្ណឥណពន្ធអេស៊ីលីដាបន្សំ អាចផ្តល់ជូនបុគ្គលផ្សេងៗទៀតបាន (ដែលក្នុងនោះរួមទាំងអ្នកដែលមានអាយុតិចជាង១៨ឆ្នាំផង ដោយផ្អែកទៅតាមការស្នើសុំរបស់ម្ចាស់ប័ណ្ណឥណពន្ធអេស៊ីលីដា)
ម្ចាស់ប័ណ្ណឥណពន្ធអេស៊ីលីដា និងម្ចាស់ប័ណ្ណបន្សំ អាចមានកម្រិតកំណត់ ឬការកំណត់ទំហំប្រតិបត្តិការប្រចាំថ្ងៃដូចគ្នា
ម្ចាស់ប័ណ្ណឥណពន្ធអេស៊ីលីដា ត្រូវទទួលខុសត្រូវចំពោះរាល់ការដកប្រាក់ និងថ្លៃសេវាតាមរយៈការប្រើប្រាស់របស់ប័ណ្ណបន្សំ ក៏ដូចជាការទទួលខុសត្រូវចំពោះការមិនគោរពទៅតាមលក្ខខណ្ឌរបស់ម្ចាស់ប័ណ្ណបន្សំ

ថ្លៃសេវា

ប្រសិទ្ធភាពចាប់ពី ថ្ងៃទី១ ខែកុម្ភៈ ឆ្នាំ២០២៣

ថ្លៃសេវា (ដុល្លារអាមេរិក) សម្រាប់ប័ណ្ណមួយ	ប័ណ្ណធម្មតា	ប័ណ្ណមាស
ចេញប័ណ្ណ	មិនគិតថ្លៃ	មិនគិតថ្លៃ
ថ្លៃសេវាប្រចាំឆ្នាំ	៦	៩,៦០
ដកប្រាក់តាមអេធីអឹមអេស៊ីលីដា ក្នុងប្រទេសកម្ពុជា	មិនគិតថ្លៃ	មិនគិតថ្លៃ⁽ⁱ⁾
ដកប្រាក់តាមអេធីអឹមអេស៊ីលីដា ក្នុងប្រទេសឡាវ	២⁽ⁱⁱ⁾	២⁽ⁱⁱ⁾
បង្កើតប័ណ្ណនិម្មិត	មិនគិតថ្លៃ	មិនគិតថ្លៃ
បញ្ចូលប្រាក់ទូរស័ព្ទ តាមអេធីអឹមអេស៊ីលីដា	មិនគិតថ្លៃ	មិនគិតថ្លៃ
ផ្ទេរប្រាក់រវាងគណនីផ្ទាល់ខ្លួន តាមអេធីអឹមអេស៊ីលីដា	មិនគិតថ្លៃ	មិនគិតថ្លៃ
ផ្ទេរប្រាក់រវាងគណនីធនាគារ អេស៊ីលីដា តាមអេធីអឹមអេស៊ីលីដា ក្នុងប្រទេសកម្ពុជា	មិនគិតថ្លៃ	មិនគិតថ្លៃ
ទូទាត់តាមម៉ាស៊ីនឆូតកាត អេស៊ីលីដា	មិនគិតថ្លៃ	មិនគិតថ្លៃ
ប្តូរប័ណ្ណថ្មី (បាត់ ឬខូចមុនថ្ងៃផុតកំណត់)	៦	៦

i. មិនគិតថ្លៃ សម្រាប់ទំហំរហូតដល់ ១០.០០០ដុល្លារ និងគិតថ្លៃ ០,១% លើចំនួនប្រាក់ដែលដកលើសពី ១០.០០០ដុល្លារ។
ii. គិតថ្លៃ ៤ដុល្លារ សម្រាប់ការដកពីអេធីអឹមអេស៊ីលីដាឡាវ លើសពី ៦.០០០ដុល្លារ (សម្រាប់ប័ណ្ណធម្មតា) និងលើសពី ១០.០០០ដុល្លារ (សម្រាប់ប័ណ្ណមាស)។

ថ្លៃសេវាក្នុងវេបសាយនេះ គឺសម្រាប់ជម្រាបជូនជាព័ត៌មានប៉ុណ្ណោះ និងអាចមានការកែប្រែ ។ សម្រាប់តម្រូវការប្រើប្រាស់សេវាធនាគារ និងព័ត៌មានផ្សេងៗទៀត សូមទាក់ទងជាមួយនឹងសាខារបស់យើងខ្ញុំ ដែលមានទីតាំងនៅជិតលោកអ្នកបំផុត ឬក៏ទាក់ទងមកការិយាល័យទំនាក់ទំនងអតិថិជន ។

ទំហំប្រតិបត្តិការ

ប្រសិទ្ធភាពចាប់ពី ថ្ងៃទី១ ខែកុម្ភៈ ឆ្នាំ២០២៣

លោកអ្នកអាចប្រើប័ណ្ណឥណពន្ធអេស៊ីលីដាធម្មតា និងប័ណ្ណឥណពន្ធអេស៊ីលីដាមាស ដើម្បីធ្វើប្រតិបត្តិការដកប្រាក់ និងទូទាត់ការចំណាយផ្សេងៗ ក្នុងមួយថ្ងៃ សម្រាប់ប័ណ្ណមួយ ដូចខាងក្រោម ៖

ទំហំប្រតិបត្តិការ (ក្នុងមួយថ្ងៃ) សម្រាប់ប័ណ្ណមួយ	ប័ណ្ណធម្មតា	ប័ណ្ណមាស
ដកប្រាក់តាមអេធីអឹម អេស៊ីលីដា ក្នុងប្រទេសកម្ពុជា	១០.០០០ដុល្លារ	៣០.០០០ដុល្លារ
ដកប្រាក់តាមអេធីអឹម អេស៊ីលីដា ក្នុងប្រទេសឡាវ^(I)	១០.០០០ដុល្លារ	៣០.០០០ដុល្លារ
បង្កើតប័ណ្ណនិម្មិត	៥.០០០ដុល្លារ	៥.០០០ដុល្លារ
ដកប្រាក់តាមម៉ាស៊ីនឆូតកាត នៅបញ្ជរបេឡា	១០.០០០ដុល្លារ ឬសមមូលប្រាក់ផ្សេង	៣០.០០០ដុល្លារ ឬសមមូលប្រាក់ផ្សេង
ទូទាត់ចំណាយផ្សេងៗ តាមម៉ាស៊ីនឆូតកាត អេស៊ីលីដា ^(II)	១០.០០០ដុល្លារ	៣០.០០០ដុល្លារ
បញ្ចូលប្រាក់ទូរស័ព្ទ និងទូទាត់វិក្កយបត្រ តាមម៉ាស៊ីនអេធីអឹម អេស៊ីលីដា	មិនកំណត់	មិនកំណត់
ផ្ទេរប្រាក់រវាងគណនីម្ចាស់តែមួយ ឬគណនីភ្ជាប់ក្នុងប័ណ្ណឥណពន្ធតែមួយ តាមម៉ាស៊ីនអេធីអឹម អេស៊ីលីដា	មិនកំណត់	មិនកំណត់
ផ្ទេរប្រាក់រវាងគណនីម្ចាស់ផ្សេងគ្នា តាមម៉ាស៊ីនអេធីអឹម អេស៊ីលីដា	២.៥០០ដុល្លារ ឬសសមូលប្រាក់ផ្សេង	២.៥០០ដុល្លារ ឬសមមូលប្រាក់ផ្សេង
ចំនួនប្រតិបត្តិការ ទាំងម៉ាស៊ីនអេធីអឹម ម៉ាស៊ីនឆូតកាត និងសេវាអ៊ីខុមមើស	២៥ ដង	២៥ ដង

I. លោកអ្នកអាចដកប្រាក់ពីម៉ាស៊ីនអេធីអឹមរបស់ធនាគារអេស៊ីលីដា នៅក្នុងប្រទេសឡាវ បានតែប្រាក់ឡាវគីប ប៉ុណ្ណោះ ។ ដូច្នេះនៅពេលដែលលោកអ្នកដក់ប្រាក់ នោះប្រព័ន្ធនឹងប្តូរប្រាក់ដោយស្វ័យប្រវត្តិ ។
II. ប្រតិបត្តិការតាមរយៈម៉ាស៊ីនឆូតកាត ត្រូវធ្វើឡើងជាប្រាក់ដុល្លារអាមេរិក ។ ករណីគណនីរបស់លោកអ្នកជាប្រាក់ផ្សេង ប្រព័ន្ធនឹងប្តូរប្រាក់ស្វ័យប្រវត្តិ ទៅជាដុល្លារអាមេរិកនៅពេលនោះ ។

ទំហំប្រតិបត្តិការក្នុងវេបសាយនេះ គឺសម្រាប់ជម្រាបជូនជាព័ត៌មានប៉ុណ្ណោះ និងអាចមានការកែប្រែ ។ សម្រាប់តម្រូវការប្រើប្រាស់សេវាធនាគារ និងព័ត៌មានផ្សេងៗទៀត សូមទាក់ទងជាមួយនឹងសាខារបស់យើងខ្ញុំ ដែលមានទីតាំងនៅជិតលោកអ្នកបំផុត ឬក៏ទាក់ទងមកការិយាល័យទំនាក់ទំនងអតិថិជន ។

ប័ណ្ណរបស់ធនាគារ អេស៊ីលីដា (ប័ណ្ណ CSS) អាចប្រើជាមួយអេធីអឹម ឬ POS របស់ស្ថាប័នផ្សេង

ឈ្មោះស្ថាប័ន	អេធីអឹម	POS
ធនាគារបាងកក សាខាភ្នំពេញ
ធនាគារពាណិជ្ជ ឈីហ្វ (ខេមបូឌា) ម.ក
ធនាគារ មេយប៊ែង (ខេមបូឌា) ភីអិលស៊ី

ករណីមានការបាត់បង់ ឬខូចខាតប័ណ្ណអេស៊ីលីដា ឬប្រសិនបើលេខសម្ងាត់ត្រូវភាគីទីបីដឹង ម្ចាស់ប័ណ្ណត្រូវធ្វើការជូនដំណឹងភ្លាមមកកាន់ធនាគារអេស៊ីលីដាតាមរយៈទូរស័ព្ទលេខ ០២៣ ៩៩៤ ៤៤៤ ឬ ០១៥ ៩៩៩ ២៣៣ បម្រើការ២៤ម៉ោង ទន្ទឹមនឹងនោះអតិថិជនត្រូវជូនដំណឹងជាលាយលក្ខណ៍អក្សរ ទៅសាខាធនាគារអេស៊ីលីដាដែលអតិថិជនមានគណនីផងដែរ ។

ប័ណ្ណអេធីអឹមអេស៊ីលីដា

អត្ថ​ប្រយោជន៍

លក្ខខណ្ឌ​តម្រូវ

ការ​ប្រើ​ប័ណ្ណ​ឥណពន្ធអេស៊ីលីដា​បន្សំ