ផលិតផល និងសេវាប័ណ្ណប័ណ្ណម៉ាស្ទ័រកាតអេស៊ីលីដា

ប័ណ្ណម៉ាស្ទ័រកាតអេស៊ីលីដា

(39 Ratings)

ប័ណ្ណឥណទាន

ប័ណ្ណឥណពន្ធ

ប័ណ្ណឥណទានឡេឌី

ប័ណ្ណឥណពន្ធឡេឌី

ប័ណ្ណឥណទានមាស

ប័ណ្ណឥណពន្ធមាស

ប័ណ្ណឥណទានវើល

ប័ណ្ណឥណពន្ធវើល

ប័ណ្ណម៉ាស្ទ័រកាតអេស៊ីលីដា ត្រូវបានផលិតស្របតាមបទដ្ឋានទាន់សម័យបំផុត និងទទួលស្គាល់ជាបទដ្ឋានទិន្នន័យសុវត្ថិភាពនៃឧស្សាហកម្មប័ណ្ណទូទាត់ (PCI DSS) ដែលធានាបាននូវសុវត្ថិភាពខ្ពស់ជូនដល់អតិថិជន ។ ប័ណ្ណម៉ាស្ទ័រកាតអេស៊ីលីដា ផ្តល់ភាពងាយស្រួលជូនដល់អតិថិជនក្នុងការធ្វើប្រតិបត្តិការទូទាត់ចំណាយផ្សេងៗ តាមម៉ាស៊ីនឆូតកាត ឬដកសាច់ប្រាក់តាមម៉ាស៊ីនអេធីអឹម ដែលមានបិទស្លាកសញ្ញា Mastercard នៅទូទាំងប្រទេស និងពាសពេញពិភពលោក ។

ប័ណ្ណម៉ាស្ទ័រកាតអេស៊ីលីដា ជាជម្រើសដ៏ប្រសើរមួយ និងទំនើបទាន់សម័យ ក្នុងការទូទាត់ដោយចាប់តាំងពីការបញ្ជាទិញទំនិញ-សេវាកម្មប្រចាំថ្ងៃ រហូតឈានទៅដល់ការទូទាត់តាមរយៈប្រព័ន្ធអ៊ីនធើណែត (e-commerce) ។

ប័ណ្ណម៉ាស្ទ័រកាតអេស៊ីលីដា មានបំពាក់ប្រព័ន្ធបច្ចេកវិជ្ជាការពារសុវត្ថិភាពប័ណ្ណ (Mastercard SecureCode) ដោយតម្រូវឱ្យអតិថិជនបញ្ចូលលេខសុវត្ថិភាព (OTP)^[1] ដែលប្រព័ន្ធបានផ្ញើសារ (SMS)^[2] ជូនអតិថិជនតាមរយៈលេខទូរស័ព្ទដែលបានចុះឈ្មោះ (លោអ្នកអាចប្រើជា Soft Token^[3] ឬ Hard Token^[4] ក៏បាន) នៅពេលធ្វើប្រតិបត្តិការទូទាត់តាមរយៈប្រព័ន្ធអ៊ីនធើណែត (e-commerce)។

ប័ណ្ណម៉ាស្ទ័រកាតអេស៊ីលីដា មានពីរប្រភេទ គឺ ៖

ប័ណ្ណឥណទានម៉ាស្ទ័រកាតអេស៊ីលីដា៖ អាចធ្វើប្រតិបត្តិការបាន តាមកម្រិតបន្ទាត់ឥណទានដែលមានស្រាប់ ឬបានអនុម័តដោយធនាគារ អេស៊ីលីដា ។
ប័ណ្ណឥណពន្ធម៉ាស្ទ័រកាតអេស៊ីលីដា៖ គ្រប់ប្រតិបត្តិការតាមរយៈប័ណ្ណនេះ ត្រូវកាត់ប្រាក់ចេញពីគណនីរបស់ម្ចាស់ប័ណ្ណដែលមាននៅធនាគារ អេស៊ីលីដា ។

របៀបស្នើសុំប្រើប្រាស់ប័ណ្ណ

សូមអញ្ជើញទៅកាន់សាខាធនាគារអេស៊ីលីដា ណាមួយដែលនៅជិតលោកអ្នក ដោយភ្ជាប់មកជាមួយនូវឯកសារតម្រូវ (សម្រាប់ប័ណ្ណឥណទាន)
បន្ទាប់មកបំពេញពាក្យស្នើសុំប្រើប្រាស់ប័ណ្ណម៉ាស្ទ័រកាតអេស៊ីលីដា ដែលផ្តល់ជូន ឬក៏ចុចទីនេះដើម្បីទាញយកពាក្យស្នើសុំ
ឬក៏ដាក់ពាក្យស្នើសុំតាម អេស៊ីលីដាម៉ូបាល ឬតាមរយៈ ពាក្យស្នើសុំប័ណ្ណអេស៊ីលីដា នេះ

អត្ថប្រយោជន៍

ការផ្តល់ជូនពិសេសពីប័ណ្ណម៉ាស្ទ័រកាត

អាចទូទាត់ចំណាយផ្សេងៗតាមម៉ាស៊ីនឆូតកាតនៅតាមហាងទំនិញ សណ្ឋាគារ ឬក្រុមហ៊ុននានា ទាំងក្នុង និងក្រៅប្រទេស ដែលមានស្លាកសញ្ញា Mastercard ។
លោកអ្នកអាចទិញ និងទូទាត់ថ្លៃទំនិញបានភ្លាមៗ និងមិនគិតការប្រាក់ (សម្រាប់ប័ណ្ណឥណទាន) ប្រសិនបើលោកអ្នកទូទាត់ប្រាក់សងមកធនាគារវិញមិនឱ្យហួសថ្ងៃកំណត់ ។
អាចដកសាច់ប្រាក់បានឆាប់រហ័ស ពីគ្រប់ម៉ាស៊ីនអេធីអឹមទាំងអស់ ដែលមានស្លាកសញ្ញា Mastercard នៅក្នុង និងក្រៅប្រទេស គ្រប់ពេលវេលា ។
អាចបញ្ជាទិញតាមប្រព័ន្ធអ៊ីនធើណែតបានដូចជា ទិញទំនិញ កក់សំបុត្រយន្តហោះ ឬកក់បន្ទប់សណ្ឋាគារ ជាដើម ។
ផ្ទេរប្រាក់ទៅ ប័ណ្ណម៉ាស្ទ័រកាតធនាគារផ្សេងទូទាំងពិភពលោក តាមម៉ាស៊ីនអេធីអឹម ឬអេស៊ីលីដាម៉ូបាល (ម៉ាស្ទ័រកាតម៉ានីសិន) បានរហូតដល់ ២.៥០០ដុល្លារ ក្នុងមួយថ្ងៃ។
មានសុវត្ថិភាព និងងាយស្រួលជាងការប្រើប្រាស់សាច់ប្រាក់សុទ្ធ ។
អាចប្រើប្រាស់បានគ្រប់ទីកន្លែង ពាសពេញពិភពលោក និងមានច្បាប់ការពារដល់អ្នកប្រើប្រាស់ ។
ចំណេញពេលវេលា និង មានសុវត្ថិភាពខ្ពស់ក្នុងការគ្រប់គ្រងសាច់ប្រាក់និងទូទាត់ចំណាយផ្សេងៗ ។

សម្រាប់ប័ណ្ណឥណទាន ការទូទាត់ថ្លៃទំនិញ ឬសេវាកម្ម គឺមិនគិតការប្រាក់រហូតដល់ថ្ងៃទី១២ នៃខែនីមួយៗ ក្នុងករណីលោកអ្នកសងប្រាក់ទាំងអស់មិនឱ្យហួសថ្ងៃផុតកំណត់សងប្រាក់នេះ ។ បើមិនដូច្នេះទេ ការប្រាក់នឹងត្រូវគិតជាធម្មតា ចាប់ពីថ្ងៃប្រតិបត្តិការទូទាត់ថ្លៃទំនិញ ឬសេវាកម្មនោះតទៅ ។

អត្ថប្រយោជន៍ពិសេសរបស់ប័ណ្ណម៉ាស្ទ័រកាតវើល

សាលរង់ចាំពិសេស
ធានារ៉ាប់រង
សិទ្ធិអាទិភាព
ដកប្រាក់
ទូទាត់ទំនិញ

សិទ្ធិចូលសម្រាកឥតគិតថ្លៃ ក្នុងសាលរង់ចាំពិសេស

សិទ្ធិចូលសម្រាកឥតគិតថ្លៃ ក្នុងសាលរង់ចាំពិសេស (Airport Lounge) នៅតាមព្រលានយន្តហោះអន្តរជាតិ ជាង១.០០០កន្លែងទូទាំងពិភពលោក (ចំនួន ៦ដង ក្នុងមួយឆ្នាំ ដោយឥតគិតថ្លៃ រាប់ទាំងអ្នករួមដំណើរ)។
ដើម្បីអាចដឹងពីទីតាំង និងអាចចូលសម្រាកក្នុងសាលរង់ចាំពិសេស ដោយឥតគិតថ្លៃ អតិថិជនត្រូវចុះឈ្មោះ តាមការណែនាំ ដើម្បីប្រើប្រាស់កម្មវិធី Mastercard Travel Pass ដែលអាចទាញយកលើ App Store (iOS) ឬ Play Store (Android) ឬក៏ចុះឈ្មោះនៅលើវេបសាយ Mastercard Travel Pass

របៀបចុះឈ្មោះ ប្រើកម្មវិធី Mastercard Travel Pass

ធានារ៉ាប់រងលើការធ្វើដំណើរ

ទទួលបានការធានារ៉ាប់រង លើការធ្វើដំណើរទូទាំងពិភពលោក ចំនួន២លើកក្នុងមួយឆ្នាំ ដែលមានចំនួនទឹកប្រាក់ធានារ៉ាប់រងរហូតដល់ ២៥០.០០០ដុល្លារ និងអត្ថប្រយោជន៍ជាច្រើនទៀតពីដៃគូ (ក្រុមហ៊ុនធានារ៉ាប់រង ហ្វតតេ) ។
នៅរៀងរាល់មុនពេលធ្វើដំណើរទៅក្រៅប្រទេស អតិថិជនត្រូវផ្ញើលិខិតឆ្លងដែន សំបុត្រយន្តហោះ និងលេខទូរស័ព្ទមកកាន់អ៊ីម៉ែល samayta@forteinsurance.com ឱ្យបានមុនបីថ្ងៃនៃថ្ងៃធ្វើការ ដើម្បីទទួលបានអត្ថប្រយោជន៍នេះ ។ សម្រាប់ព័ត៌មានបន្ថែម សូមទាក់ទងលេខ ០៧៨ ៥៥៥ ២២៣ ។

ទទួលបានសេវាអាទិភាព និងការប្រឹក្សាពិសេស

រាល់ការធ្វើប្រតិបត្តិការសេវាធនាគារ លោកអ្នកមិនតម្រូវឱ្យរង់ចាំតាមលេខរៀង ដោយគ្រាន់តែបង្ហាញប័ណ្ណម៉ាស្ទ័រកាតវើលរបស់លោកអ្នក
ទទួលបានការប្រឹក្សាលើការធ្វើដំណើរ និងពិគ្រោះយោបល់ពីសេវាផ្សេងៗពីធនាគារ អេស៊ីលីដា

ដកប្រាក់បានចំនួនច្រើន

លោកអ្នកអាចដកប្រាក់ពីម៉ាស៊ីនអេធីអឹម ក្នុងមួយថ្ងៃ តាមប័ណ្ណម៉ាស្ទ័រកាតវើល (ប័ណ្ណឥណពន្ធ-ឥណទាន) ៖

អេស៊ីលីដាអេធីអឹម៖ ៥០.០០០ដុល្លារអាមេរិក
អេធីអឹមធនាគារផ្សេង ទាំងក្នុង និងក្រៅប្រទេស*៖ ៥០.០០០ដុល្លារអាមេរិក

* អាស្រ័យលើការកំណត់របស់ធនាគារផ្សេង។

លោកអ្នកអាចទូទាត់ទំនិញ-សេវាកម្មផ្សេងៗ នៅលើម៉ាស៊ីន POS ឬ អនឡាញ ក្នុងមួយថ្ងៃ តាមប័ណ្ណម៉ាស្ទ័រកាតវើល ទាំងក្នុង និងក្រៅប្រទេស ៖

ប័ណ្ណឥណពន្ធ៖ ៥០.០០០ដុល្លារអាមេរិក
ប័ណ្ណឥណទាន៖ ៥០.០០០ដុល្លារអាមេរិក

លក្ខណៈសម្គាល់ទូទៅ

អក្សរបោះពុម្ពលើប័ណ្ណ ចារិកជាអក្សរផុស ។
លេខប័ណ្ណ ១៦ខ្ទង់ ។
ជាប័ណ្ណឥណទាន ដែលបានរចនាតាមបទដ្ឋាន និងស្លាកសញ្ញាធនាគារ អេស៊ីលីដា និងស្ថាប័ន Mastercard ។
មានឈ្មោះអ្នកប្រើប្រាស់ជាភាសាអង់គ្លេស ។
មានកាលបរិច្ឆេទផុតកំណត់ ។
ផ្នែកខាងមុខប័ណ្ណមានបង្កប់ EMV Chip និងខាងខ្នងប័ណ្ណមានឆ្នូតម៉ាញ៉េទិក ដែលជាប្រព័ន្ធការពារសុវត្ថិភាព និងការពារការក្លែងបន្លំផ្សេងៗ ។

ប្រភេទប្រាក់

ប្រភេទជាប្រាក់ដុល្លារអាមេរិក ។ ករណីលោកអ្នកធ្វើប្រតិបត្តិការដកប្រាក់ ឬទូទាត់ជាប្រាក់ផ្សេងៗ តាមរយៈប័ណ្ណម៉ាស្ទ័រកាតអេស៊ីលីដា ប្រព័ន្ធនឹងប្តូរប្រាក់ទៅតាមអត្រាប្តូរប្រាក់ផ្លូវការរបស់ស្ថាប័ន Mastercard នៅពេលទូទាត់នោះ ។

ឯកសារតម្រូវ (សម្រាប់ប័ណ្ណឥណទាន)

ឯកត្តជន
ក្រុមហ៊ុន

ជានីតិជន ដែលមានអាយុចាប់ពី ១៨ឆ្នាំ
ត្រូវមានឯកសារអត្តសញ្ញាណដូចជា ៖ អត្តសញ្ញាណប័ណ្ណសញ្ជាតិខ្មែរ លិខិតឆ្លងដែន សៀវភៅគ្រួសារ ឬឯកសារអត្តសញ្ញាណផ្សេងទៀត ដែលមានសុពលភាព
ត្រូវមានទីលំនៅផ្ទាល់ខ្លួន ឬអាសយដ្ឋានទំនាក់ទំនងច្បាស់លាស់ នៅក្នុងព្រះរាជាណាចក្រកម្ពុជា
ត្រូវដាក់បញ្ចាំទ្រព្យធានា (ដី អាគារ ឬប្រាក់បញ្ញើ ឬលិខិតធានា ។ល។)
ឬក្នុងករណីមិនដាក់បញ្ចាំ ត្រូវមានប្រាក់បៀវត្ស ឬប្រាក់ចំណូលទៀងទាត់ និងមានកេរ្តិ៍ឈ្មោះល្អ ឬប្រវត្តិសងឥណទានល្អ និងមានអ្នកធានា

ថ្លៃសេវា និងទំហំប្រតិបត្តិការ

ថ្លៃសេវា
ទំហំប្រតិបត្តិការ

ប្រសិទ្ធភាពចាប់ពី ថ្ងៃទី១៥ ខែសីហា ឆ្នាំ២០២៤

ថ្លៃសេវាសម្រាប់ប័ណ្ណមួយ (ដុល្លារអាមេរិក)	ប័ណ្ណធម្មតា	ប័ណ្ណមាស	ប័ណ្ណវើល
ចេញប័ណ្ណ	មិនគិតថ្លៃ	មិនគិតថ្លៃ	មិនគិតថ្លៃ
ថ្លៃសេវាប្រចាំឆ្នាំ
ប័ណ្ណឥណពន្ធ	៦	៦៦	២៥០⁽ⁱ⁾
ប័ណ្ណឥណទាន	១២⁽ⁱ⁾	២៤⁽ⁱ⁾	២៥០⁽ⁱ⁾
ដកប្រាក់តាមអេធីអឹមអេស៊ីលីដា ក្នុងប្រទេសកម្ពុជា
ប័ណ្ណឥណពន្ធ	មិនគិតថ្លៃ	មិនគិតថ្លៃ⁽ⁱⁱ⁾	មិនគិតថ្លៃ⁽ⁱⁱ⁾
ប័ណ្ណឥណទាន	១	២	៣
បញ្ចូលទឹកប្រាក់ទូរសព្ទ តាមអេធីអឹមអេស៊ីលីដា	មិនគិតថ្លៃ	មិនគិតថ្លៃ	មិនគិតថ្លៃ
ផ្ទេរប្រាក់រវាងគណនីធនាគារ អេស៊ីលីដា តាមអេធីអឹមអេស៊ីលីដា ក្នុងប្រទេសកម្ពុជា
ប័ណ្ណឥណពន្ធ	មិនគិតថ្លៃ	មិនគិតថ្លៃ	មិនគិតថ្លៃ
ប័ណ្ណឥណទាន	មិនមាន	មិនមាន	មិនមាន
ផ្ទេរប្រាក់ទៅប័ណ្ណម៉ាស្ទ័រកាតធនាគារផ្សេង ក្នុងនិងក្រៅប្រទេស	៤,៥០	៤,៥០	៤,៥០
ដកប្រាក់តាមអេធីអឹមអេស៊ីលីដា ក្នុងប្រទេសឡាវ	២⁽ⁱⁱⁱ⁾	២⁽ⁱⁱⁱ⁾	២⁽ⁱⁱⁱ⁾
ដកប្រាក់ តាមអេធីអឹមធនាគារផ្សេង ក្នុងប្រទេសកម្ពុជា	៤	៤	៤
ដកប្រាក់ តាមម៉ាស៊ីន POS ធនាគារផ្សេង ក្នុងប្រទេសកម្ពុជា	៤	៤+០,៥%	៤+០,៥%
ដកប្រាក់ តាមអេធីអឹម ឬ POS ធនាគារផ្សេង នៅក្រៅប្រទេស	៤+១%	៤+១%	៤+១%
ប្តូរប័ណ្ណថ្មី (បាត់ ឬខូចមុនថ្ងៃផុតកំណត់)	៦	៦	៦
ប្រតិបត្តិការបង្វែរសាច់ប្រាក់ (ទូទាត់នៅក្រៅប្រទេស)	២,៦០%	២,៦០%	២,៦០%

i. រួមបញ្ចូលទាំងសេវាផ្ញើសារជូនដំណឹងរបស់ប្រតិបត្តិការប័ណ្ណ។
ii. គិតថ្លៃ ០,០៥% លើចំនួនប្រាក់ដែលដកលើសពី ១០.០០០ដុល្លារ។
iii. គិតថ្លៃ ៤ដុល្លារ សម្រាប់ការដកប្រាក់ពីអេធីអឹមអេស៊ីលីដាឡាវ លើសពី ៦.០០០ដុល្លារ (សម្រាប់ប័ណ្ណឥណពន្ធធម្មតា), លើសពី ១០.០០០ដុល្លារ (សម្រាប់ប័ណ្ណឥណពន្ធ មាស វើល ឬប្លាទីន) និង ១.៥០០ដុល្លារ (សម្រាប់ប័ណ្ណឥណទាន)។
ចំពោះប្រតិបត្តិការលើ ATM/POS របស់ធនាគារផ្សេង ត្រូវអនុវត្តតាមការកំណត់របស់ធនាគារផ្សេង។

ប្រតិបត្តិការ ក្នុងមួយថ្ងៃ	ប័ណ្ណធម្មតា	ប័ណ្ណមាស	ប័ណ្ណវើល
ចំនួនប្រតិបត្តិការ ទាំងអេធីអឹម ម៉ាស៊ីនឆូតកាត និងអ៊ីខុមមើស	២៥ ដង	២៥ ដង	២៥ ដង
ដកប្រាក់តាមអេធីអឹម អេស៊ីលីដា ក្នុងប្រទេសកម្ពុជា
ប័ណ្ណឥណពន្ធ	១០.០០០$	៣០.០០០$	៥០.០០០$
ប័ណ្ណឥណទាន	១.៥០០$	២០.០០០$	៥០.០០០$
ដកប្រាក់តាមអេធីអឹម អេស៊ីលីដា ក្នុងប្រទេសឡាវ^(I)
ប័ណ្ណឥណពន្ធ	១០.០០០$	៣០.០០០$	៥០.០០០$
ប័ណ្ណឥណទាន	១.៥០០$	៥.០០០$	១០.០០០$
ដកប្រាក់តាមអេធីអឹម របស់ធនាគារផ្សេង (ក្នុងនិងក្រៅប្រទេស^(II))
ប័ណ្ណឥណពន្ធ	១០.០០០$	៣០.០០០$	៥០.០០០$
ប័ណ្ណឥណទាន	១.៥០០$	២០.០០០$	៥០.០០០$
បញ្ចូលប្រាក់ទូរសព្ទ តាមម៉ាស៊ីនអេធីអឹម អេស៊ីលីដា	មិនកំណត់	មិនកំណត់	មិនកំណត់
ផ្ទេរប្រាក់រវាងគណនីធនាគារ អេស៊ីលីដា តាមអេធីអឹមអេស៊ីលីដា ក្នុងប្រទេសកម្ពុជា
ប័ណ្ណឥណពន្ធ	២.៥០០$ ឬសមមូលប្រាក់ផ្សេង	២.៥០០$ ឬសមមូលប្រាក់ផ្សេង	២.៥០០$ ឬសមមូលប្រាក់ផ្សេង
ប័ណ្ណឥណទាន	មិនមាន	មិនមាន	មិនមាន
ផ្ទេរប្រាក់ទៅប័ណ្ណម៉ាស្ទ័រកាតធនាគារផ្សេង ក្នុងនិងក្រៅប្រទេស	២.៥០០$	២.៥០០$	២.៥០០$
ទូទាត់តាមម៉ាស៊ីនឆូតកាត របស់ធនាគារ អេស៊ីលីដា ឬរបស់ធនាគារផ្សេង (ក្នុងនិងក្រៅប្រទេស)
ប័ណ្ណឥណពន្ធ	១០.០០០$	៣០.០០០$	៥០.០០០$
ប័ណ្ណឥណទាន	៤.០០០$	២០.០០០$	៥០.០០០$
ទូទាត់ទំនិញ-សេវាកម្មតាមសេវាអ៊ីខុមមើស
ប័ណ្ណឥណពន្ធ	១០.០០០$	៣០.០០០$	៥០.០០០$
ប័ណ្ណឥណទាន	៤.០០០$	២០.០០០$	៥០.០០០$

ថ្លៃសេវា និងទំហំប្រតិបត្តិការ ខាងលើនេះ គឺសម្រាប់ជម្រាបជូនជាព័ត៌មានប៉ុណ្ណោះ និងអាចមានការកែប្រែ ។ សម្រាប់តម្រូវការប្រើប្រាស់សេវាធនាគារ និងព័ត៌មានផ្សេងៗទៀត សូមទាក់ទងជាមួយនឹងសាខារបស់យើងខ្ញុំ ដែលមានទីតាំងនៅជិតលោកអ្នកបំផុត ឬក៏ទាក់ទងមកការិយាល័យទំនាក់ទំនងអតិថិជន ។

សំគាល់ ៖

One Time Password (OTP): ជាលេខសម្ងាត់ដែលប្រើបានតែម្តងគត់ ហើយត្រូវអស់សុពលភាពប្រើប្រាស់ក្រោយរយៈពេល ៦០វិនាទី និងមិនតម្រូវឱ្យអ្នកប្រើប្រាស់ចងចាំនោះទេ ។ លោកអ្នកត្រូវបញ្ចូលលេខសម្ងាត់នេះនៅពេលធ្វើប្រតិបត្តិការទូទាត់ជាមួយវេបសាយដែលមានសញ្ញា "Mastercard SecureCode" ។
SMS Token: លេខសម្ងាត់ (OTP) ត្រូវបានផ្ញើទៅកាន់លេខទូរស័ព្ទដៃរបស់អតិថិជនដែលបានចុះឈ្មោះប្រើប្រាស់ប័ណ្ណ ។ អតិថិជនត្រូវជូនដំណឹងមកធនាគារនៅពេលមានការកែប្រែលេខទូរស័ព្ទរបស់ពួកគាត់ ។
Soft Token: លេខសម្ងាត់ត្រូវបានបង្ហាញដោយកម្មវិធីដែលបានបញ្ចូលនៅក្នុងទូរស័ព្ទដៃរបស់អតិថិជននៅពេលចុះឈ្មោះ ។
Hard Token: ជាឧបករណ៍ប្រើសម្រាប់បង្ហាញលេខ OTP ។

ប័ណ្ណម៉ាស្ទ័រកាតអេស៊ីលីដា

របៀប​ស្នើ​សុំ​ប្រើប្រាស់ប័ណ្ណ

អត្ថប្រយោជន៍

អត្ថប្រយោជន៍ពិសេស​របស់​ប័ណ្ណ​ម៉ាស្ទ័រកាត​វើល

សិទ្ធិ​ចូល​សម្រាក​ឥត​គិត​ថ្លៃ ក្នុង​សាលរង់​ចាំ​ពិសេស

ធានា​រ៉ាប់រង​លើ​ការ​ធ្វើ​ដំណើរ

ទទួល​បាន​សេវា​អាទិភាព និង​ការ​ប្រឹក្សាពិសេស