ផលិតផល និងសេវាឌីជីថលម៉ាស៊ីនដាក់ប្រាក់បញ្ញើមានកាលកំណត់

ម៉ាស៊ីនដាក់ប្រាក់បញ្ញើមានកាលកំណត់

ម៉ាស៊ីនដាក់ប្រាក់បញ្ញើមានកាលកំណត់ ជាសេវាកម្មធនាគារស្វ័យប្រវត្តិ របស់ធនាគារ អេស៊ីលីដា ភីអិលស៊ី បង្កើតឡើងដើម្បីផ្តល់ភាពងាយស្រួលជូនអតិថិជនបម្រើសេវាកម្មដាក់ប្រាក់បញ្ញើមានកាលកំណត់ បានដោយខ្លួនឯង គ្រប់ពេលវេលា ។

អតិថិជនដែលមានគណនីជាមួយធនាគារ អេស៊ីលីដា ភីអិលស៊ី និងមានសាច់ប្រាក់សល់ទំនេរ មិនប្រើប្រាស់រយៈពេលចាប់ពី ៣ខែ ឡើងទៅ អាចដាក់បញ្ញើមានកាលកំណត់ដោយខ្លួនឯង ដោយមិនចាំបាច់មករង់ចាំនៅបញ្ជរ ។

ដើម្បីអាចដាក់ប្រាក់បញ្ញើមានកាលកំណត់តាមម៉ាស៊ីននេះ លោកអ្នកត្រូវមានប័ណ្ណឥណពន្ធអេស៊ីលីដា ឬលេខគណនីដែលមានសមតុល្យសាច់ប្រាក់គ្រប់គ្រាន់ ដើម្បីចូលប្រើម៉ាស៊ីន និងមានទូរស័ព្ទចល័តដើម្បីទទួលលេខកូដសម្ងាត់ (OTP) ដែលប្រព័ន្ធនឹងផ្ញើចូល ពេលធ្វើប្រតិបត្តិការ ។

ប្រភេទប្រាក់បញ្ញើមានកាលកំណត់ និងរយៈពេល

លោកអ្នកអាចដាក់ប្រាក់បញ្ញើមានកាលកំណត់ គ្រប់ប្រភេទ ជាប្រាក់រៀល ប្រាក់ដុល្លារអាមេរិក ឬប្រាក់បាត អាស្រ័យតាមប្រភេទគណនីប្រភព ដូចខាងក្រោម ៖

ប្រាក់បញ្ញើមានកាលកំណត់កំណើនខ្ពស់ ចាប់ពី ៣ខែ ដល់ ២៤ខែ ។
ប្រាក់បញ្ញើមានកាលកំណត់ចំណូលខ្ពស់ ចាប់ពី ៣ខែ ដល់ ២៤ខែ ។
ប្រាក់បញ្ញើមានកាលកំណត់រយៈពេលវែង ចាប់ពី ៣៦ខែ ដល់ ៦០ខែ ។

ប្រាក់ដើម

ប្រាក់ដើមអប្បបរមា គឺ ២.០០០.០០០រៀល, ៥០០ដុល្លារ, ឬ ២០.០០០បាត ។
ប្រាក់ដើមអតិបរមា គឺមិនកំណត់ ។

គណនីប្រភព

គណនីប្រភព គឺជាគណនីធនាគារ ដែលអនុលោមតាមគោលការណ៍ប្រតិបត្តិ ស្តីពីការបើក ប្រើប្រាស់ និងបិទគណនីរបស់អតិថិជន ដូចខាងក្រោម ៖

គណនីឯកត្តជន រួមមាន គណនីបញ្ញើសំចៃ (រួមទាំងគណនីបើកប្រាក់បៀវត្ស), គណនីចរន្ត, គណនីចរន្តសម្រាប់ឥណទានវិបារូបរ៍, គណនីបញ្ញើតាមតម្រូវការ, គណនីព្រះសង្ឃ ។
គណនីរួម (Joint Account) ត្រូវមានលក្ខខណ្ឌ ដូចខាងក្រោម ៖

លក្ខខណ្ឌនៃប្រតិបត្តិការគណនីចែងថា "ម្នាក់ក្នុងចំណោមអ្នកទាំងអស់/Anyone of them may sign" ។
មានបញ្ចូលស្នាមមេដៃ (Fingerprint Enrollment) ទៅក្នុងប្រព័ន្ធរបស់សមាជិកគណនី (មិនកំណត់ចំនួនសមាជិកដែលត្រូវបញ្ចូលស្នាមមេដៃ) ។
គ្រប់សមាជិកគណនីរួម ដែលបានបញ្ចូលស្នាមមេដៃទៅក្នុងប្រព័ន្ធ អាចធ្វើប្រតិបត្តិការដាក់ប្រាក់បញ្ញើមានកាលកំណត់ និងបញ្ឈប់ប្រាក់បញ្ញើមានកាលកំណត់ តាមរយៈម៉ាស៊ីនដាក់ប្រាក់បញ្ញើមានកាលកំណត់ បានរៀងៗខ្លួន ។

ថ្ងៃប្រសិទ្ធភាព

ប្រាក់បញ្ញើដែលដាក់តាមម៉ាស៊ីននេះ នឹងមានប្រសិទ្ធភាពនៅក្នុងថ្ងៃ ឬនៅថ្ងៃធ្វើការបន្ទាប់ ។

ការបម្រើសេវាខ្លួនឯង និងថ្លៃសេវា

អតិថិជនអាចធ្វើប្រតិបត្តិការជាមួយម៉ាស៊ីនដាក់ប្រាក់បញ្ញើមានកាលកំណត់ នេះដោយខ្លួនឯងដូចខាងក្រោម ៖

ដាក់ប្រាក់បញ្ញើមានកាលកំណត់ និងបោះពុម្ពវិញ្ញាបនបត្រប្រាក់បញ្ញើថ្មី គឺ មិនគិតថ្លៃសេវា ។
បោះពុម្ពវិញ្ញាបនបត្រប្រាក់បញ្ញើជំនួស គឺ គិតថ្លៃសេវា ៥ដុល្លារ, ២០.០០០រៀល, ឬ ២០០បាត ។

ម៉ាស៊ីន​ដាក់​ប្រាក់​បញ្ញើ​មាន​កាល​កំណត់

ប្រភេទ​ប្រាក់​បញ្ញើ​មាន​កាល​កំណត់ និង​រយៈ​ពេល

ប្រាក់​ដើម