លក្ខខណ្ឌសុវត្ថិភាព

សូមការពារព័ត៌មានផ្ទាល់ខ្លួនរបស់លោកអ្នកគ្រប់ពេល ៖

សូមចងចាំថាធនាគារអេស៊ីលីដា នឹងមិនទាក់ទងលោកអ្នកដើម្បីសួរអំពីលេខគណនី, លេខសម្ងាត់ផ្ទាល់ខ្លួន, Web Link, ឬក៏ព័ត៌មានផ្ទាល់ខ្លួនរបស់លោកអ្នក តាមរយៈអ៊ីម៉ែល ឬទូរស័ព្ទទេ ។ ធនាគារក៏មិនទាក់ទងលោកអ្នក ដើម្បីស្នើសុំឱ្យលោកអ្នកផ្ទេរប្រាក់ទៅកាន់អ្នកណាម្នាក់ ឬទៅកាន់គណនីណាមួយឡើយ ។
សូមកុំឆ្លើយតបរាល់អ៊ីម៉ែល ទូរស័ព្ទ ឬសារអេឡិចត្រូនិកផ្សេងៗដែលព្យាយាមសួរអំពីព័ត៌មានផ្ទាល់ខ្លួនរបស់លោកអ្នក ទាក់ទងនឹងលេខគណនី ឬលេខសម្ងាត់ផ្ទាល់ខ្លួន ។ល។
សូមទាក់ទងមកយើងខ្ញុំ តាមរយៈ inquiry@acledabank.com.kh ឬទូរស័ព្ទលេខ ០២៣ ៩៩៤ ៤៤៤, ០១៥ ៩៩៩ ២៣៣ ប្រសិនបើលោកអ្នកទទួលបានសំណើសុំព័ត៌មានផ្ទាល់ខ្លួន (ព័ត៌មានគណនី ឬលេខសម្ងាត់ផ្ទាល់ខ្លួន) ពីអ្នកណាម្នាក់ ឬពីអ៊ីម៉ែលដែលមិនមានប្រភពច្បាស់លាស់ ។

ចំណេះដឹងសុវត្ថិភាពផ្ទាល់ខ្លួនស្ដីពីរបៀបក្នុងការជៀសវាង និងបង្ការពីការឆបោក Phishing

ការការពារខ្លួនអ្នកលើប្រព័ន្ធអនឡាញ ដោយអនុវត្ត Good Cyber Hygiene

លក្ខខណ្ឌសុវត្ថិភាព នៃការប្រើប្រាស់ PayBand

ជាមួយ អេធីអឹម Contactless

សូមធ្វើការ Activate និងកំណត់លេខសម្ងាត់ផ្ទាល់ខ្លួនរបស់លោកអ្នក បន្ទាប់ពីទទួលបាន PayBand។
សូមពិនិត្យមើលអ្នកនៅជុំវិញខ្លួន និងបាំងដៃក្តារចុចប៊ូតុងរាល់ពេលបញ្ចូលលេខសម្ងាត់ផ្ទាល់ខ្លួនរបស់លោកអ្នក ចៀសវាងអ្នកផ្សេងមើលឃើញ។
ប្រសិនបើលោកអ្នកជ្រុះបាត់ ឬភ្លេច PayBand នៅកន្លែងណាមួយ សូមទាក់ទងមកការិយាល័យទំនាក់ទំនងអតិថិជន តាមរយៈទូរសព្ទលេខ ០២៣ ៩៩៤ ៤៤៤ ឬ ០១៥ ៩៩៩ ២៣៣។
សូមកុំស្នើសុំអ្នកដទៃឱ្យជួយធ្វើប្រតិបត្តិការ ជំនួសលោកអ្នកឡើយ។
សូមកុំទទួលជំនួយពីនរណាម្នាក់នៅក្នុងបន្ទប់អេធីអឹម លើកលែងតែអ្នកនោះជាបុគ្គលិកដែលបានចាត់តាំងដោយធនាគារ អេស៊ីលីដា ភីអិលស៊ី។
សូមរាប់សាច់ប្រាក់ដែលបានដកឱ្យបានគ្រប់ចំនួន មុននឹងចាកចេញពីបន្ទប់អេធីអឹម។
សូមធ្វើការផ្លាស់ប្តូរ លេខសម្ងាត់របស់ PayBand ឲ្យបានញឹកញាប់។
សូមរក្សាទុក PayBand ឲ្យបានត្រឹមត្រូវ និងមានសុវត្ថិភាព។
សូមធ្វើការពិនិត្យជាមុននូវឧបករណ៍ប្រតិបត្តិការដែលមាននិមិត្តសញ្ញាអេស៊ីលីដា ដើម្បីប្រាកដថាប្រតិបត្តិការរបស់លោកអ្នកបានធ្វើត្រឹមត្រូវ និងមានសុវត្ថិភាពក្នុងការប្រើប្រាស់។
ប្រសិនបើមានភាពមិនប្រក្រតីណាមួយកើតឡើង សូមទាក់ទងមកការិយាល័យទំនាក់ទំនងអតិថិជន តាមរយៈទូរសព្ទលេខ ០២៣ ៩៩៤ ៤៤៤ ឬ ០១៥ ៩៩៩ ២៣៣។

ទូទាត់តាមម៉ាស៊ីន POS

សូមកុំអនុញ្ញាតឱ្យអ្នកគិតប្រាក់ ម្ចាស់ហាង ឬនរណាម្នាក់មកបញ្ចូលលេខសម្ងាត់ផ្ទាល់ខ្លួនរបស់លោកអ្នកឡើយ។
សូមពិនិត្យមើលចំនួនទឹកប្រាក់អនុញ្ញាតអតិបរមា ដែលកំណត់ដោយធនាគារ និងចំនួនទឹកប្រាក់ទូទាត់ជាក់ស្តែង មុននឹងប្រើប្រាស់ PayBand ដោយដាក់ដៃក្បែរម៉ាស៊ីន POS ដើម្បីធ្វើការទូទាត់។
ពិនិត្យមើលអ្នកនៅជុំវិញខ្លួន និងបាំងដៃក្តារចុចប៊ូតុងរបស់ម៉ាស៊ីនឆូតកាត មុននឹងបញ្ចូលលេខសម្ងាត់ផ្ទាល់ខ្លួនរបស់លោកអ្នក ចៀសវាងអ្នកផ្សេងមើលឃើញ។
សូមពិនិត្យមើលចំនួនទឹកប្រាក់ទូទាត់ នៅលើវិក្កយបត្ររបស់ម៉ាស៊ីនឆូតកាត ជាមួយនឹងទឹកប្រាក់ដែលត្រូវទូទាត់ជាក់ស្តែងឱ្យបានត្រឹមត្រូវ។
ប្រសិនបើលោកអ្នកជ្រុះបាត់ ឬភ្លេច PayBand នៅកន្លែងណាមួយ សូមទាក់ទងមកការិយាល័យទំនាក់ទំនងអតិថិជន តាមរយៈទូរសព្ទលេខ ០២៣ ៩៩៤ ៤៤៤ ឬ ០១៥ ៩៩៩ ២៣៣។
សូមរក្សាទុក PayBand ឲ្យបានត្រឹមត្រូវ និងមានសុវត្ថិភាព។
សូមធ្វើការផ្លាស់ប្តូរលេខសម្ងាត់របស់ PayBand ឲ្យបានញឹកញាប់។
សូមពិនិត្យមើលរបាយការណ៍គណនី ឲ្យបានញឹកញាប់។
សូមធ្វើការពិនិត្យជាមុននូវឧបករណ៍ទូទាត់ដែលមាននិមិត្តសញ្ញាអេស៊ីលីដា ដើម្បីប្រាកដថាការទូទាត់របស់លោកអ្នកបានធ្វើត្រឹមត្រូវ និងមានសុវត្ថិភាពក្នុងការប្រើប្រាស់។
ប្រសិនបើមានភាពមិនប្រក្រតីណាមួយកើតឡើង សូមទាក់ទងមកការិយាល័យទំនាក់ទំនងអតិថិជន តាមរយៈទូរសព្ទលេខ ០២៣ ៩៩៤ ៤៤៤ ឬ ០១៥ ៩៩៩ ២៣៣។

លក្ខខណ្ឌសុវត្ថិភាព សម្រាប់ការប្រើប្រាស់សេវាអេស៊ីលីដាម៉ូបាល

មិនត្រូវកត់ត្រាលេខសម្ងាត់ផ្ទាល់ខ្លួនទុកនៅលើវត្ថុអ្វីមួយទេ ត្រូវទន្ទេញចាំមាត់ ដើម្បីងាយស្រួលក្នុងការប្រើប្រាស់ ។
មិនត្រូវឲ្យគេដឹង ឬមើលឃើញលេខសម្ងាត់នៅពេលប្រើប្រាស់ឡើយ ។ រាល់ពេលបញ្ចូលលេខសម្ងាត់ត្រូវប្រាកដថាគ្មានអ្នកណាលួចមើលទេ ។
មិនត្រូវភ្ជាប់ប្រព័ន្ធ ឬបញ្ចូលកម្មវិធីដែលមិនស្គាល់នៅក្នុងទូរស័ព្ទឡើយ ។
ត្រូវពិនិត្យមើលទូរស័ព្ទជានិច្ច ប្រសិនបើរកឃើញនូវកម្មវិធីដែលមិនធ្លាប់ស្គាល់ ត្រូវបិទនិងសំអាតភ្លាម និង/ឬត្រូវយកទូរស័ព្ទនោះទៅឲ្យក្រុមហ៊ុនទូរស័ព្ទត្រួតពិនិត្យ និងសំអាត ដើម្បីចៀសវាងមេរោគ ឬការបន្លំលួច ។
មិនត្រូវទុកទូរស័ព្ទចោលដោយមិនបានចាក់សោឡើយ ។
ត្រូវចាកចេញពីកម្មវិធីអេស៊ីលីដាម៉ូបាល នៅពេលធ្វើប្រតិបត្តិការរួច ។
ត្រូវផ្លាស់ប្តូរលេខសម្ងាត់ឲ្យបានញឹកញាប់ ។
បើលោកអ្នកភ្លេច ឬបញ្ចូលលេខសម្ងាត់មិនត្រូវចំនួនបីដង នោះប្រព័ន្ធនឹងបង្ខាំងការប្រើប្រាស់សេវាអេស៊ីលីដាម៉ូបាលដោយស្វ័យប្រវត្តិ ។ សូមលោកអ្នកចុចលើម៉ីនុយ "ភ្លេចលេខសម្ងាត់" ដើម្បីកំណត់លេខសម្ងាត់ថ្មី ។ ក្នុងករណីនេះ សូមកុំលុបអេស៊ីលីដាម៉ូបាល បើពុំនោះទេ លោកអ្នកមិនអាចបង្កើតលេខថ្មីដោយខ្លួនឯងបានទេ។ ដូច្នេះសូមអញ្ញើញមកធនាគារ ដើម្បីបង្កើតលេខសម្ងាត់ថ្មី។
អតិថិជនត្រូវរក្សាទូរស័ព្ទដែលបានភ្ជាប់ប្រព័ន្ធ សម្រាប់ប្រើសេវាធនាគារឲ្យមានសុវត្ថិភាពល្អ ។ ប្រសិនបើទូរស័ព្ទនោះខូចប្រើមិនបាន ឬបាត់ ត្រូវជូនដំណឹងមកធនាគារដើម្បីទប់ស្កាត់ការបន្លំធ្វើប្រតិបត្តិការផ្សេងៗ ។
ក្នុងករណីដែលអតិថិជនលក់ ឬផ្ទេរទូរស័ព្ទឲ្យអ្នកផ្សេង អតិថិជនត្រូវលុបចេញនូវកម្មវិធីអេស៊ីលីដាម៉ូបាលពីក្នុងទូរស័ព្ទនោះ ។
សូមកុំផ្តល់លេខសម្ងាត់ របស់អេស៊ីលីដាម៉ូបាល ទៅឱ្យនរណាម្នាក់ឱ្យសោះ! បុគ្គលិកធនាគារ អេស៊ីលីដា មិនដែលទាក់ទងស្នើសុំលេខសម្ងាត់ពីអតិថិជន ឬបង្គាប់ឱ្យអតិថិជនធ្វើប្រតិបត្តិការផ្សេងៗឡើយ ។

លក្ខខណ្ឌសុវត្ថិភាព សម្រាប់ការប្រើប្រាស់សេវាអេស៊ីលីដាអ៊ីនធើណែត

សូមកុំប្រើកុំព្យូទ័រដែលមិនមានសុវត្ថិភាព អ៊ីនធើណែត ឬ Wi-Fi នៅតាមទីសាធារណៈនានាដូចជា ហាងកាហ្វេ បណ្ណាល័យ ហាងលក់ទំនិញ អាហារដ្ឋាន ឬអាកាសយានដ្ឋាន ។ល។ ពីព្រោះអ្នកដទៃអាចមើលឃើញលេខគណនី ឬលេខសម្ងាត់របស់លោកអ្នក តាមរយៈកម្មវិធីដែលគេបានដំឡើងក្នុងកុំព្យូទ័រនោះ ឬវីដេអូដែលគេដាក់នៅទីនោះ ។
សូមកុំកត់លេខសម្ងាត់ផ្ទាល់ខ្លួន និងទុកប័ណ្ណឥណទាន ឬប័ណ្ណឥណពន្ធរបស់លោកអ្នក នៅជាមួយគ្នា ។ សូមផ្លាស់ប្តូរលេខសម្ងាត់ឱ្យបានញឹកញាប់ ។
សូមកុំកត់ត្រាលេខសម្ងាត់ផ្ទាល់ខ្លួនទុកលើវត្ថុអ្វីមួយ ឬរក្សាទុកក្នុងកុំព្យូទ័ររបស់លោកអ្នក គឺត្រូវទន្ទេញចាំមាត់ ដើម្បីងាយស្រួលប្រើប្រាស់ ។
សូមកុំទុកកុំព្យូទ័រដែលកំពុងបើកកម្មវិធីសេវាអេស៊ីលីដាអ៊ីនធើណែតចោល ។
សូមរក្សា Hard/Soft Token របស់លោកអ្នកឱ្យមានសុវត្ថិភាព ។ Hard/Soft Token គឺជាឧបករណ៍ ឬកម្មវិធីដែលដំឡើងនៅក្នុងទូរស័ព្ទរបស់លោកអ្នក សម្រាប់បង្កើតលេខសម្ងាត់ដោយស្វ័យប្រវត្តិ (One Time Password) ដើម្បីបញ្ជាក់ប្រតិបត្តិការនៅលើសេវាអេស៊ីលីដាអ៊ីនធើណែត ។
សូមកុំឆ្លើយតបទៅកាន់អ៊ីម៉ែល ទូរស័ព្ទ ឬសារអេឡិចត្រូនិកផ្សេងៗដែលសួរចង់ដឹងពីលេខគណនី ឬលេខសម្ងាត់ផ្ទាល់ខ្លួនរបស់លោកអ្នក ។
សូមកុំផ្តល់ព័ត៌មានសម្រាប់ចូលកុំព្យូទ័រពីចម្ងាយ (Remote Access) ឬគណនីធនាគារអនឡាញ របស់អ្នកទៅឱ្យនណាម្នាក់ឱ្យសោះ ។
សូមកុំបើកកម្មវិធី, Web Link, ឬអ៊ីម៉ែលទាំងឡាយណាដែលមិនធ្លាប់ស្គាល់ និងមានប្រភពមិនច្បាស់លាស់ ។
សូមចូលកម្មវិធីសេវាអេស៊ីលីដាអ៊ីនធើណែត តាមរយៈវេបសាយរបស់ធនាគារអេស៊ីលីដា ដោយវាយអាសយដ្ឋាន www.acledabank.com.kh ។ សូមកុំចុចលើតំណភ្ជាប់ពីវេបសាយដទៃ ឬនៅក្នុងអ៊ីម៉ែលរបស់លោកអ្នកជាដាច់ខាត ។
មុនពេលប្រើប្រាស់សេវាអេស៊ីលីដាអ៊ីនធើណែត សូមពិនិត្យអាសយដ្ឋានវេបសាយឱ្យច្បាស់លាស់ ចៀសវាងការចូលទៅកាន់វេបសាយមិនត្រឹមត្រូវ ។
សូមចាកចេញ (Log Off), លុបប្រតិបត្តិការ (Clear History and Catch), បិទកម្មវិធី (Close Internet Browser) នៅពេលធ្វើប្រតិបត្តិការរួច ។
កុំព្យូទ័រដែលប្រើសម្រាប់ចូលប្រព័ន្ធសេវាអេស៊ីលីដាអ៊ីនធើណែត ត្រូវមានកម្មវិធីកម្ចាត់មេរោគដែលទុកចិត្តបាន និងធ្វើបច្ចុប្បន្នកម្មឱ្យបានទៀងទាត់ និងត្រឹមត្រូវ ។
សូមកុំបញ្ចូលលេខគណនី លេខសម្ងាត់ ឬព័ត៌មានផ្ទាល់ខ្លួនផ្សេងៗ នៅលើវេបសាយដែលមិនស្គាល់ ឬមិនមានប្រភពច្បាស់លាស់ ។
សូមកុំផ្តល់លេខសម្ងាត់ផ្ទាល់ខ្លួន លេខគណនីដែលភ្ជាប់សេវាអេស៊ីលីដាអ៊ីនធើណែត ឬព័ត៌មានផ្ទាល់ខ្លួនដល់នណាម្នាក់ឡើយ ។ សូមផ្លាស់ប្តូរលេខសម្ងាត់ឱ្យបានញឹកញាប់ ។
សូមកុំប្រើលេខសម្ងាត់សម្រាប់ចូលកម្មវិធី ជាលេខងាយស្រួលឱ្យអ្នកដទៃដឹង ដូចជា ថ្ងៃខែឆ្នាំកំណើត លេខទូរស័ព្ទ លេខគណនី ឬលេខរៀងដែលងាយស្រួលចាំ ។
សូមចងចាំថាធនាគារនឹងមិនទាក់ទងទៅលោកអ្នកផ្ទាល់ដើម្បីសួរពីលេខសម្ងាត់ ឬព័ត៌មានផ្ទាល់ខ្លួនរបស់លោកអ្នកឡើយ ។
សូមកុំទាញយកកម្មវិធីផ្សេងៗពីវេបសាយណាដែលមិនមានប្រភពច្បាស់លាស់ ។
ត្រូវត្រួតពិនិត្យកុំព្យូទ័រដែលប្រើសម្រាប់ចូលប្រព័ន្ធសេវាអេស៊ីលីដាអ៊ីនធើណែតឱ្យបានញឹកញាប់ ប្រសិនបើឃើញមានកម្មវិធីដែលមិនធ្លាប់ស្គាល់ ត្រូវលប់ចោលភ្លាម ចៀសវាងមានមេរោគផ្សេងៗចូលក្នុងកុំព្យូទ័ររបស់លោកអ្នក ។
ប្រសិនបើលោកអ្នកមានចម្ងល់ ឬក៏មានមន្ទិលសង្ស័យវេបសាយ ឬអ៊ីម៉ែលណាមួយ សូមទាក់ទងមកយើងខ្ញុំ តាមរយៈ inquiry@acledabank.com.kh ឬទូរស័ព្ទលេខ ០២៣ ៩៩៤ ៤៤៤, ០១៥ ៩៩៩ ២៣៣ ។

លក្ខខណ្ឌសុវត្ថិភាព សម្រាប់ការទូទាត់តាមរយៈអ៊ីនធើណែត

សូមពិនិត្យមើលវេបសាយឱ្យបានច្បាស់លាស់ ដោយការវាយបញ្ចូលអាសយដ្ឋាន (Web Address) ឱ្យបានត្រឹមត្រូវ ចៀសវាងធ្វើប្រតិបត្តិការជាមួយវេបសាយដែលមានប្រភពមិនច្បាស់លាស់ ។
សូមកុំធ្វើប្រតិបត្តិការទូទាត់ជាមួយនឹងវេបសាយដែលទទួលបានតាមរយៈអ៊ីម៉ែលពីអ្នកដែលពុំធ្លាប់ស្គាល់ ឬអ៊ីម៉ែលផ្សាយពាណិជ្ជកម្មផ្សេងៗ ពីព្រោះវេបសាយទាំងនោះជាវេបសាយដែលបោកបញ្ឆោតដើម្បីព្យាយាមយកលេខសម្ងាត់របស់លោកអ្នក ។
សូមធ្វើប្រតិបត្តិការទូទាត់ជាមួយវេបសាយដែលមានប្រព័ន្ធសុវត្ថិភាពខ្ពស់ ។ គេអាចសម្គាល់វេបសាយដែលមានសុវត្ថិភាពបាន ដោយមានផ្តើមដោយពាក្យ https នៅពីមុខអាសយដ្ឋានរបស់វេបសាយនោះ ។
សូមកុំប្រើប្រាស់ប្រព័ន្ធអ៊ីនធើណែត Wi-Fi ឬកុំព្យូទ័រនៅតាមទីសាធារណៈនានា ពីព្រោះនៅទីនោះមិនមានសុវត្ថិភាពសម្រាប់ធ្វើប្រតិបត្តិការតាមរយៈអ៊ីនធើណែតឡើយ ។
លោកអ្នកត្រូវប្រើប្រាស់ឧបករណ៍ឬកុំព្យូទ័រដែលមានសុវត្ថិភាព ជាមួយនឹងសេវាអ៊ីនធើណែតរបស់ក្រុមហ៊ុនដែលទុកចិត្ត សម្រាប់ធ្វើប្រតិបត្តិការតាមអ៊ីនធើណែត ហើយត្រូវមានកម្មវិធីកម្ចាត់មេរោគនៅក្នុងឧបករណ៍ឬកុំព្យូទ័រនោះឱ្យបានត្រឹមត្រូវ ។
សូមកុំរក្សាទុកលេខសម្ងាត់របស់លោកអ្នកនៅក្នុងកុំព្យូទ័រ ឬឧបករណ៍ផ្សេងៗ ។
សូមកុំបញ្ចូលកម្មវិធីដែលមិនគិតថ្លៃ នៅពេលកំពុងចូលធ្វើប្រតិបត្តិការទូទាត់នៅលើអ៊ីនធើណែត ។
សូមកុំបញ្ចូលលេខគណនី លេខសម្ងាត់ ឬព័ត៌មានផ្ទាល់ខ្លួនផ្សេងៗ នៅលើវេបសាយដែលមិនស្គាល់ ឬមិនមានប្រភពច្បាស់លាស់ ។

លក្ខខណ្ឌសុវត្ថិភាព សម្រាប់ការប្រើប្រាស់ប័ណ្ណ

សូមកុំរក្សាលេខសម្ងាត់ និងប័ណ្ណអេធីអឹម/ប័ណ្ណវីសារបស់លោកអ្នកនៅជាមួយគ្នា ។
សូមរក្សាប័ណ្ណរបស់លោកអ្នក នៅទីកន្លែងដែលមានសុវត្ថិភាព ។
សូមប្តូរលេខសម្ងាត់របស់លោកអ្នកនៅពេលប្រើប្រាស់ប័ណ្ណអេធីអឹម/ប័ណ្ណវីសាលើកដំបូង និងបំផ្លាញឯកសារដែលមានព័ត៌មានទាក់ទងលេខសម្ងាត់នេះចោល ។
សូមចងចាំលេខសម្ងាត់របស់លោកអ្នក ចៀសវាងការកត់ត្រាទុកក្នុងកាបូប ឬកន្លែងណាមួយ ។
សូមកុំផ្ញើលេខសម្ងាត់របស់លោកអ្នកតាមរយៈអ៊ីម៉ែល ឬសារអេឡិចត្រូនិកផ្សេងៗទៅកាន់អ្នកដទៃ និងមិនគួរប្រើលេខសម្ងាត់នេះតែមួយដូចគ្នានឹងលេខសម្ងាត់របស់សេវាផ្សេងទៀត ។
ករណីមានការបាត់បង់ ឬខូចខាតប័ណ្ណ ឬក៏លេខសម្ងាត់ត្រូវគេដឹង សូមលោកអ្នកជូនដំណឹងភ្លាមមកធនាគារអេស៊ីលីដា ។
សូមកុំឆ្លើយតបរាល់អ៊ីម៉ែល ទូរស័ព្ទ ឬសារអេឡិចត្រូនិកផ្សេងៗដែលព្យាយាមសួរអំពីព័ត៌មានផ្ទាល់ខ្លួនរបស់លោកអ្នក ទាក់ទងនឹងលេខគណនី ឬលេខសម្ងាត់ផ្ទាល់ខ្លួន ។ល។
សូមរក្សាលេខសម្ងាត់ឱ្យបានត្រឹមត្រូវ មិនត្រូវប្រាប់អ្នកណាម្នាក់ឡើយ ទោះបីជាអ្នកនោះជាបុគ្គលិករបស់ធនាគារក៏ដោយ ។
សូមទាក់ទងមកធនាគារអេស៊ីលីដា តាមរយៈ inquiry@acledabank.com.kh ឬទូរស័ព្ទលេខ ០២៣ ៩៩៤ ៤៤៤, ០១៥ ៩៩៩ ២៣៣ ប្រសិនបើលោកអ្នកមានមន្ទិលសង្ស័យ ឬបញ្ហាណាមួយកើតឡើង ។

លក្ខខណ្ឌសុវត្ថិភាព សម្រាប់ការប្រើប្រាស់ម៉ាស៊ីនអេធីអឹម

សូមពិនិត្យមើលអ្នកនៅជុំវិញខ្លួន និងបាំងប៊ូតុងរបស់អេធីអឹម មុននឹងបញ្ចូលលេខសម្ងាត់ផ្ទាល់ខ្លួនរបស់លោកអ្នក ចៀសវាងអ្នកផ្សេងមើលឃើញ ។
ប្រសិនបើលោកអ្នកបញ្ចូលលេខសម្ងាត់ពុំត្រឹមត្រូវ ចំនួន៣ដង នោះប្រព័ន្ធនឹងបង្ខាំងប័ណ្ណរបស់លោកអ្នក (ប័ណ្ណដែលចេញដោយធនាគារអេស៊ីលីដា) ។ សូមទាក់ទងមកការិយាល័យទំនាក់ទំនងអតិថិជន តាមរយៈទូរស័ព្ទលេខ ០២៣ ៩៩៤ ៤៤៤ ឬ ០១៥ ៩៩៩ ២៣៣ ។
សូមកុំស្នើសុំអ្នកដទៃឱ្យជួយធ្វើប្រតិបត្តិការអេធីអឹម ជំនួសលោកអ្នកឡើយ ។
សូមកុំទទួលជំនួយពីនណាម្នាក់នៅក្នុងបន្ទប់អេធីអឹម លើកលែងតែអ្នកនោះជាបុគ្គលិកដែលបានចាត់តាំងដោយធនាគារអេស៊ីលីដា ។ សូមរក្សាប័ណ្ណរបស់លោកអ្នក និងលេខសម្ងាត់ផ្ទាល់ខ្លួន ឱ្យមានសុវត្ថិភាពខ្ពស់ ។
សូមសម្គាល់ពីសញ្ញាមិនប្រក្រតីដែលបង្ហាញលោកអ្នកឱ្យទៅប្រើប្រាស់ម៉ាស៊ីនអេធីអឹមជាក់លាក់ណាមួយ ។ អេធីអឹមនោះប្រហែលជាមានបង្កប់ឧបករណ៍ដែលអាចលួចយកព័ត៌មានប័ណ្ណរបស់លោកអ្នក ។ សូមទាក់ទងមកយើងខ្ញុំ ករណីលោកអ្នកមានមន្ទិលសង្ស័យលើម៉ាស៊ីនអេធីអឹមណាមួយ ។
សូមរុញប័ណ្ណរបស់លោកអ្នកតាមសម្រួល ចូលក្នុងម៉ាស៊ីនអេធីអឹម ។
សូមរាប់សាច់ប្រាក់ដែលបានដកឱ្យបានគ្រប់ចំនួន មុននឹងចាកចេញពីបន្ទប់អេធីអឹម ។

លក្ខខណ្ឌសុវត្ថិភាព សម្រាប់ការប្រើប្រាស់ម៉ាស៊ីនឆូតកាត

សូមកុំអនុញ្ញាតឱ្យអ្នកគិតប្រាក់ ម្ចាស់ហាង ឬនណាម្នាក់មកបញ្ចូលលេខសម្ងាត់ផ្ទាល់ខ្លួនរបស់លោកអ្នកឡើយ ។
សូមពិនិត្យមើលម្ចាស់ហាង នៅពេលគាត់យកប័ណុ្ណរបស់លោកអ្នកទៅឆូតជាមួយម៉ាស៊ីនឆូតកាត និងប្រាកដថាលោកអ្នកអាចមើលឃើញប័ណ្ណរបស់លោកអ្នកជានិច្ច ។
ពិនិត្យមើលអ្នកនៅជុំវិញខ្លួន និងបាំងប៊ូតុងរបស់ម៉ាស៊ីនឆូតកាត មុននឹងបញ្ចូលលេខសម្ងាត់ផ្ទាល់ខ្លួនរបស់លោកអ្នក ចៀសវាងអ្នកផ្សេងមើលឃើញ ។
សូមពិនិត្យមើលប្រតិបត្តិការទូទាត់ និងវិក្កយបត្ររបស់ម៉ាស៊ីនឆូតកាត ជាមួយនឹងទឹកប្រាក់ដែលត្រូវទូទាត់ឱ្យបានត្រឹមត្រូវ ។
សូមកុំទូទាត់ជាមួយម៉ាស៊ីនឆូតកាតណាមួយ ដែលលោកអ្នកមានមន្ទិលសង្ស័យ ឬមានសញ្ញាមិនប្រក្រតី ។

លក្ខខណ្ឌ​សុវត្ថិភាព

ចំណេះដឹង​សុវត្ថិភាព​ផ្ទាល់​ខ្លួន​ស្ដីពីរ​បៀប​ក្នុង​ការជៀសវាង និង​បង្ការ​ពីការ​ឆបោក Phishing

ការការពារខ្លួនអ្នកលើប្រព័ន្ធអនឡាញ ដោយអនុវត្ត Good Cyber Hygiene

លក្ខខណ្ឌ​សុវត្ថិភាព នៃការប្រើប្រាស់ PayBand

លក្ខខណ្ឌ​សុវត្ថិភាព សម្រាប់​ការ​ប្រើប្រាស់​សេវា​អេស៊ីលីដា​ម៉ូបាល

លក្ខខណ្ឌ​សុវត្ថិភាព សម្រាប់​ការ​ប្រើប្រាស់​សេវា​អេស៊ីលីដា​អ៊ីនធើណែត

លក្ខខណ្ឌ​សុវត្ថិភាព សម្រាប់​ការទូទាត់​តាម​រយៈ​អ៊ីនធើណែត

លក្ខខណ្ឌ​សុវត្ថិភាព សម្រាប់​ការ​ប្រើ​ប្រាស់​ប័ណ្ណ

លក្ខខណ្ឌ​សុវត្ថិភាព សម្រាប់​ការ​ប្រើ​ប្រាស់​ម៉ាស៊ីន​អេធីអឹម

លក្ខខណ្ឌ​សុវត្ថិភាព សម្រាប់​ការ​ប្រើ​ប្រាស់​ម៉ាស៊ីន​ឆូត​កាត

លក្ខខណ្ឌសុវត្ថិភាព

ចំណេះដឹងសុវត្ថិភាពផ្ទាល់ខ្លួនស្ដីពីរបៀបក្នុងការជៀសវាង និងបង្ការពីការឆបោក Phishing

លក្ខខណ្ឌសុវត្ថិភាព នៃការប្រើប្រាស់ PayBand

លក្ខខណ្ឌសុវត្ថិភាព សម្រាប់ការប្រើប្រាស់សេវាអេស៊ីលីដាម៉ូបាល

លក្ខខណ្ឌសុវត្ថិភាព សម្រាប់ការប្រើប្រាស់សេវាអេស៊ីលីដាអ៊ីនធើណែត

លក្ខខណ្ឌសុវត្ថិភាព សម្រាប់ការទូទាត់តាមរយៈអ៊ីនធើណែត

លក្ខខណ្ឌសុវត្ថិភាព សម្រាប់ការប្រើប្រាស់ប័ណ្ណ

លក្ខខណ្ឌសុវត្ថិភាព សម្រាប់ការប្រើប្រាស់ម៉ាស៊ីនអេធីអឹម

លក្ខខណ្ឌសុវត្ថិភាព សម្រាប់ការប្រើប្រាស់ម៉ាស៊ីនឆូតកាត