navigate_nextលក្ខខណ្ឌ​សុវត្ថិភាពnavigate_nextPayBand

លក្ខខណ្ឌ​សុវត្ថិភាព | PayBand

I. ជាមួយ អេធីអឹម Contactless

1. សូមធ្វើការ Activate និងកំណត់លេខសម្ងាត់ផ្ទាល់ខ្លួនរបស់លោកអ្នក បន្ទាប់ពីទទួលបាន PayBand។
2. សូមពិនិត្យមើលអ្នកនៅជុំវិញខ្លួន និងបាំងដៃក្តារចុចប៊ូតុងរាល់ពេលបញ្ចូលលេខសម្ងាត់ផ្ទាល់ខ្លួនរបស់លោកអ្នក ចៀសវាងអ្នកផ្សេងមើលឃើញ។
3. ប្រសិនបើលោកអ្នកជ្រុះបាត់ ឬភ្លេច PayBand នៅកន្លែងណាមួយ សូមទាក់ទងមកការិយាល័យទំនាក់ទំនងអតិថិជន តាមរយៈទូរសព្ទលេខ ០២៣ ៩៩៤ ៤៤៤ ឬ ០១៥ ៩៩៩ ២៣៣។
4. សូមកុំស្នើសុំអ្នកដទៃឱ្យជួយធ្វើប្រតិបត្តិការ ជំនួសលោកអ្នកឡើយ។
5. សូមកុំទទួលជំនួយពីនរណាម្នាក់នៅក្នុងបន្ទប់អេធីអឹម លើកលែងតែអ្នកនោះជាបុគ្គលិកដែលបានចាត់តាំងដោយធនាគារ អេស៊ីលីដា ភីអិលស៊ី។
6. សូមរាប់សាច់ប្រាក់ដែលបានដកឱ្យបានគ្រប់ចំនួន មុននឹងចាកចេញពីបន្ទប់អេធីអឹម។
7. សូមធ្វើការផ្លាស់ប្តូរ លេខសម្ងាត់របស់ PayBand ឲ្យបានញឹកញាប់។
8. សូមរក្សាទុក PayBand ឲ្យបានត្រឹមត្រូវ និងមានសុវត្ថិភាព។
9. សូមធ្វើការពិនិត្យជាមុននូវឧបករណ៍ប្រតិបត្តិការដែលមាននិមិត្តសញ្ញាអេស៊ីលីដា ដើម្បីប្រាកដថាប្រតិបត្តិការរបស់លោកអ្នកបានធ្វើត្រឹមត្រូវ និងមានសុវត្ថិភាពក្នុងការប្រើប្រាស់។
10. ប្រសិនបើមានភាពមិនប្រក្រតីណាមួយកើតឡើង សូមទាក់ទងមកការិយាល័យទំនាក់ទំនងអតិថិជន តាមរយៈទូរសព្ទលេខ ០២៣ ៩៩៤ ៤៤៤ ឬ ០១៥ ៩៩៩ ២៣៣។

II. ទូទាត់តាមម៉ាស៊ីន POS

1. សូមកុំអនុញ្ញាតឱ្យអ្នកគិតប្រាក់ ម្ចាស់ហាង ឬនរណាម្នាក់មកបញ្ចូលលេខសម្ងាត់ផ្ទាល់ខ្លួនរបស់លោកអ្នកឡើយ។
2. សូមពិនិត្យមើលចំនួនទឹកប្រាក់អនុញ្ញាតអតិបរមា ដែលកំណត់ដោយធនាគារ និងចំនួនទឹកប្រាក់ទូទាត់ជាក់ស្តែង មុននឹងប្រើប្រាស់ PayBand ដោយដាក់ដៃក្បែរម៉ាស៊ីន POS ដើម្បីធ្វើការទូទាត់។
3. ពិនិត្យមើលអ្នកនៅជុំវិញខ្លួន និងបាំងដៃក្តារចុចប៊ូតុងរបស់ម៉ាស៊ីនឆូតកាត មុននឹងបញ្ចូលលេខសម្ងាត់ផ្ទាល់ខ្លួនរបស់លោកអ្នក ចៀសវាងអ្នកផ្សេងមើលឃើញ។
4. សូមពិនិត្យមើលចំនួនទឹកប្រាក់ទូទាត់ នៅលើវិក្កយបត្ររបស់ម៉ាស៊ីនឆូតកាត ជាមួយនឹងទឹកប្រាក់ដែលត្រូវទូទាត់ជាក់ស្តែងឱ្យបានត្រឹមត្រូវ។
5. ប្រសិនបើលោកអ្នកជ្រុះបាត់ ឬភ្លេច PayBand នៅកន្លែងណាមួយ សូមទាក់ទងមកការិយាល័យទំនាក់ទំនងអតិថិជន តាមរយៈទូរសព្ទលេខ ០២៣ ៩៩៤ ៤៤៤ ឬ ០១៥ ៩៩៩ ២៣៣។
6. សូមរក្សាទុក PayBand ឲ្យបានត្រឹមត្រូវ និងមានសុវត្ថិភាព។
7. សូមធ្វើការផ្លាស់ប្តូរលេខសម្ងាត់របស់ PayBand ឲ្យបានញឹកញាប់។
8. សូមពិនិត្យមើលរបាយការណ៍គណនី ឲ្យបានញឹកញាប់។
9. សូមធ្វើការពិនិត្យជាមុននូវឧបករណ៍ទូទាត់ដែលមាននិមិត្តសញ្ញាអេស៊ីលីដា ដើម្បីប្រាកដថាការទូទាត់របស់លោកអ្នកបានធ្វើត្រឹមត្រូវ និងមានសុវត្ថិភាពក្នុងការប្រើប្រាស់។
10. ប្រសិនបើមានភាពមិនប្រក្រតីណាមួយកើតឡើង សូមទាក់ទងមកការិយាល័យទំនាក់ទំនងអតិថិជន តាមរយៈទូរសព្ទលេខ ០២៣ ៩៩៤ ៤៤៤ ឬ ០១៥ ៩៩៩ ២៣៣។

close

ចែករលែក​ព័ត៌មាន​នេះ​នៅ​លើ ៖

Facebook
LinkedIn
Twitter
Telegram
Line