ផលិតផល និងសេវាឌីជីថលសេវាបញ្ជាតាមរយៈ E-mail/Fax

សេវាបញ្ជាតាមរយៈ E-mail/Fax

សេវាបញ្ជាតាមរយៈ E-mail/Fax អនុញ្ញាតឱ្យលោកអ្នកដែលជាម្ចាស់គណនីអាចផ្ញើ E-mail/Fax មកកាន់ធនាគារអេស៊ីលីដា ដើម្បីស្នើសុំធ្វើប្រតិបត្តិការគណនីពីចម្ងាយ ដូចជា ៖ ផ្ទេរប្រាក់, ទូទាត់, ដកប្រាក់ពីគណនី ឬប្រតិបត្តិការផ្សេងៗទៀត តាមបំណងរបស់ម្ចាស់គណនី បានយ៉ាងងាយស្រួល និងឆាប់រហ័ស ។

លក្ខណៈពិសេស

ក្នុងកិច្ចព្រមព្រៀងដំបូងជាមួយធនាគារអេស៊ីលីដា លោកអ្នកអាចស្នើសុំធ្វើប្រតិបត្តិការ ដូចខាងក្រោម ៖

ផ្ទេរប្រាក់ ទូទាត់ ឬដកប្រាក់ពីគណនី ទៅឱ្យភាគីពាក់ព័ន្ធ ឬភាគីទី៣
ដាក់ប្រាក់បញ្ញើមានកាលកំណត់
បន្ត ឬបញ្ចប់កិច្ចសន្យាប្រាក់បញ្ញើមានកាលកំណត់
ដោះគណនីដែលបានបង្ខាំង ឬធ្វើឱ្យដំណើរការឡើងវិញនូវគណនីគ្មានប្រតិបត្តិការ
ឬអាចធ្វើប្រតិបត្តិការផ្សេងៗទៀត ទៅតាមការព្រមព្រៀង

កម្រៃសេវា

តម្លៃចុះឈ្មោះប្រើប្រាស់សេវាដំបូង គឺ ១២.០០០រៀល, ៣ដុល្លារអាមេរិក, ១២០បាត ឬសមមូល ។
តម្លៃសេវាបញ្ជាក្នុងមួយលើក គឺ ៨.០០០រៀល, ២ដុល្លារអាមេរិក, ១០០បាត ឬសមមូល បូកនឹងថ្លៃសេវាផ្ទេរប្រាក់ក្នុងស្រុក ឬក្រៅប្រទេស (ប្រសិនបើមាន) ដោយកាត់ចេញពីគណនីអតិថិជន ។
មិនគិតថ្លៃសេវា ចំពោះការស្នើសុំធ្វើមោឃភាពសេវាបញ្ជាតាមយៈ E-mail/Fax ឬធ្វើមោឃភាពប្រតិបត្តិការ (អាចធ្វើមោឃភាពបានលុះត្រាតែប្រតិបត្តិការនោះមិនទាន់សម្រេច) ។ លោកអ្នកអាចធ្វើមោឃភាពផ្ទាល់នៅធនាគារអេស៊ីលីដា ឬតាមរយៈ E-mail/Fax ។

តម្លៃសេវាក្នុងវេបសាយនេះ គឺសម្រាប់ជម្រាបជូនជាព័ត៌មានប៉ុណ្ណោះ និងអាចមានការកែប្រែ ។ សម្រាប់ថ្លៃសេវា និងព័ត៌មានផ្សេងៗទៀត សូមទាក់ទងជាមួយនឹងសាខារបស់យើងខ្ញុំ ដែលមានទីតាំងនៅជិតលោកអ្នកបំផុត ឬក៏ទាក់ទងមកការិយាល័យទំនាក់ទំនងអតិថិជន ។

របៀបប្រើប្រាស់

លោកអ្នកត្រូវបំពេញពាក្យស្នើសុំប្រើប្រាស់សេវា ដោយបញ្ជាក់ឱ្យបានច្បាស់លាស់នូវ ឈ្មោះ, លេខគណនី, លេខប័ណ្ណសម្គាល់ខ្លួនដែលបានដាក់តម្កល់នៅធនាគារពេលបើកគណនី និងអាសយដ្ឋានអ៊ីម៉ែល ឬលេខទូរសារ (E-mail/Fax) ។
ផ្ញើអ៊ីម៉ែល ឬទូរសារ មកកាន់លោកនាយកប្រតិបត្តិប្រតិបត្តិការ ឬនាយក-នាយិកាសាខាធនាគារអេស៊ីលីដា ដែលលោកអ្នកបានចុះឈ្មោះប្រើប្រាស់សេវា ។
រាល់ពេលធ្វើប្រតិបត្តិការ លោកអ្នកត្រូវបញ្ជាក់នៅក្នុងអ៊ីម៉ែល ឬទូរសារ ឱ្យបានច្បាស់លាស់នូវព័ត៌មានផ្ទាល់ខ្លួនដូចជា ៖ ឈ្មោះ, លេខគណនី, ទំហំទឹកប្រាក់, គោលបំណង ឬឯកសារគាំទ្រប្រសិនបើចាំបាច់ ហើយត្រូវមានសមតុល្យទឹកប្រាក់គ្រប់គ្រាន់នៅក្នុងគណនី ។
ក្នុងករណីផ្ញើតាមទូរសារ (Fax) ម្ចាស់គណនីត្រូវចុះហត្ថលេខាលើទម្រង់ស្នើសុំធ្វើប្រតិបត្តិការ ទៅតាមលក្ខខណ្ឌប្រតិបត្តិការគណនី មុននឹងផ្ញើ Fax ។
បញ្ជាក់នូវព័ត៌មានរបស់អ្នកទទួលឱ្យបានច្បាស់លាស់ លើកលែងតែការដាក់ប្រាក់បញ្ញើមានកាលកំណត់ ដូចជា ៖

អ្នកទទួលមានគណនី ៖ លេខគណនី និងឈ្មោះគណនី ។
អ្នកទទួលគ្មានគណនី ៖ ឈ្មោះ, ភេទ, លេខអត្តសញ្ញាណប័ណ្ណ, សៀវភៅគ្រួសារឬលិខិតឆ្លងដែន, អាសយដ្ឋានរបស់អ្នកទទួល និងព័ត៌មានធនាគារទទួលផល (លោកអ្នកត្រូវទាក់ទងទៅអ្នកទទួលដោយផ្ទាល់ ដើម្បីផ្តល់ឯកសារខាងលើដែលធនាគារត្រូវការចាំបាច់) ។

សូមចុចទីនេះ ដើម្បីទស្សនាគំរូអ៊ីម៉ែល ឬទូរសារ ។

សេវា​បញ្ជា​តាម​រយៈ E-mail/Fax

លក្ខណៈពិសេស

កម្រៃ​សេវា

របៀប​​ប្រើ​ប្រាស់

សេវាបញ្ជាតាមរយៈ E-mail/Fax

កម្រៃសេវា

របៀបប្រើប្រាស់