USD
THB
EUR
AUD
VND
CAD
LAK
JPY
GBP
CNY
navigate_nextលក្ខខណ្ឌសុវត្ថិភាពnavigate_nextអេស៊ីលីដាម៉ូបាល
លក្ខខណ្ឌសុវត្ថិភាព | អេស៊ីលីដាម៉ូបាល
ការពារខ្លួនអ្នកលើប្រព័ន្ធអនឡាញ ឬអ៊ីនធើណែត! សូមកុំបង្ហាញព័ត៌មានសម្ងាត់ ឬបញ្ចូលកម្មវិធី (App) ពីប្រភពមិនស្គាល់។
ជម្រាបជូនអតិថិជន និងសាធារណជនជាទីគោរព! ជាមួយនឹងការកើនឡើងគួរឱ្យកត់សម្គាល់នៃសកម្មភាពលើប្រព័ន្ធអ៊ីនធើណែត និងការប្រើប្រាស់ឧបករណ៍អេឡិចត្រូនិក វាជាការសំខាន់ណាស់ដែលត្រូវដឹងអំពីហានិភ័យដែលអាចកើតឡើង មានដូចជាការបោកប្រាស់ និងការក្លែងបន្លំតាមអ៊ីនធើណែតជាដើម។
ដើម្បីការពារខ្លួនអ្នក ចាំបាច់ណាស់ក្នុងការអនុវត្តតាមគន្លឹះសុវត្ថិភាពសំខាន់ៗ សម្រាប់ការការពារតាមអ៊ីនធើណែត ដូចខាងក្រោម៖
- មិនត្រូវកត់ត្រាលេខសម្ងាត់ផ្ទាល់ខ្លួនទុកនៅលើវត្ថុអ្វីមួយទេ ត្រូវទន្ទេញចាំមាត់ ដើម្បីងាយស្រួលក្នុងការប្រើប្រាស់។
- មិនត្រូវឲ្យគេដឹង ឬមើលឃើញលេខសម្ងាត់នៅពេលប្រើប្រាស់ឡើយ។ រាល់ពេលបញ្ចូលលេខសម្ងាត់ត្រូវប្រាកដថាគ្មានអ្នកណាលួចមើលទេ។
- មិនត្រូវភ្ជាប់ប្រព័ន្ធ ឬបញ្ចូលកម្មវិធីដែលមិនស្គាល់នៅក្នុងទូរសព្ទឡើយ។
- ត្រូវពិនិត្យមើលទូរសព្ទជានិច្ច ប្រសិនបើរកឃើញនូវកម្មវិធីដែលមិនធ្លាប់ស្គាល់ ត្រូវបិទនិងសំអាតភ្លាម និង/ឬត្រូវយកទូរសព្ទនោះទៅឲ្យក្រុមហ៊ុនទូរសព្ទត្រួតពិនិត្យ និងសំអាត ដើម្បីចៀសវាងមេរោគ ឬការបន្លំលួច។
- មិនត្រូវទុកទូរសព្ទចោលដោយមិនបានចាក់សោឡើយ។
- ត្រូវចាកចេញពីកម្មវិធីអេស៊ីលីដាម៉ូបាល នៅពេលធ្វើប្រតិបត្តិការរួច។
- ត្រូវផ្លាស់ប្តូរលេខសម្ងាត់របស់អ្នកឱ្យបានញឹកញាប់ ហើយត្រូវប្រាកដថាវាពិបាកក្នុងការទាយ និងជៀសវាងការប្រើប្រាស់ព័ត៌មានផ្ទាល់ខ្លួន ជាលេខសម្ងាត់។
- បើលោកអ្នកភ្លេច ឬបញ្ចូលលេខសម្ងាត់មិនត្រូវចំនួនបីដង នោះប្រព័ន្ធនឹងបង្ខាំងការប្រើប្រាស់សេវាអេស៊ីលីដាម៉ូបាលដោយស្វ័យប្រវត្តិ។ សូមលោកអ្នកចុចលើម៉ីនុយ "ភ្លេចលេខសម្ងាត់" ដើម្បីកំណត់លេខសម្ងាត់ថ្មី។ ក្នុងករណីនេះ សូមកុំលុបអេស៊ីលីដាម៉ូបាល បើពុំនោះទេ លោកអ្នកមិនអាចបង្កើតលេខថ្មីដោយខ្លួនឯងបានទេ។ ដូច្នេះសូមអញ្ញើញមកធនាគារ ដើម្បីបង្កើតលេខសម្ងាត់ថ្មី។
- អតិថិជនត្រូវរក្សាទូរសព្ទដែលបានភ្ជាប់ប្រព័ន្ធ សម្រាប់ប្រើសេវាធនាគារឲ្យមានសុវត្ថិភាពល្អ។ ប្រសិនបើទូរសព្ទនោះខូចប្រើមិនបាន ឬបាត់ ត្រូវជូនដំណឹងមកធនាគារដើម្បីទប់ស្កាត់ការបន្លំធ្វើប្រតិបត្តិការផ្សេងៗ។
- ក្នុងករណីដែលអតិថិជនលក់ ឬផ្ទេរទូរសព្ទឲ្យអ្នកផ្សេង អតិថិជនត្រូវលុបចេញនូវកម្មវិធីអេស៊ីលីដាម៉ូបាលពីក្នុងទូរសព្ទនោះ។
- សូមកុំផ្តល់លេខសម្ងាត់ របស់អេស៊ីលីដាម៉ូបាល ទៅឱ្យនរណាម្នាក់ឱ្យសោះ! បុគ្គលិកធនាគារ អេស៊ីលីដា មិនដែលទាក់ទងស្នើសុំលេខសម្ងាត់ពីអតិថិជន ឬបង្គាប់ឱ្យអតិថិជនធ្វើប្រតិបត្តិការផ្សេងៗឡើយ។
- ត្រូវបើកប្រព័ន្ធសុវត្ថិភាពនៅលើទូរសព្ទរបស់អ្នក ដោយប្រើលេខសម្ងាត់ ស្កេនមុខ ឬស្កេនស្នាមម្រាមដៃ ដើម្បីការពារការចូលប្រើដោយគ្មានការអនុញ្ញាត និងដើម្បីរក្សាសុវត្ថិភាព។
- សូមកុំរក្សាទុកព័ត៌មានផ្ទាល់ខ្លួននៅក្នុងទូរសព្ទ ដូចជា៖ អត្តសញ្ញាណប័ណ្ណ លិខិតឆ្លងដែន និងព័ត៌មានប័ណ្ណឥណពន្ធ-ឥណទាន។
