navigate_nextទំនាក់ទំនងវិនិយោគិនnavigate_nextការបង្ហាញ​ព័ត៌មាន​សាជីវកម្មnavigate_nextរបាយការណ៍ប្រចាំត្រីមាសទី២ ឆ្នាំ២០២៤ របស់ធនាគារ អេស៊ីលីដា ភីអិលស៊ី និងក្រុមហ៊ុនបុត្រសម្ព័ន្ធរបស់ធនាគារ (សម្ព័ន្ធធនាគារ)

របាយការណ៍ប្រចាំត្រីមាសទី២ ឆ្នាំ២០២៤ របស់ធនាគារ អេស៊ីលីដា ភីអិលស៊ី និងក្រុមហ៊ុនបុត្រសម្ព័ន្ធរបស់ធនាគារ (សម្ព័ន្ធធនាគារ)

ថ្ងៃទី១៣ ខែសីហា ឆ្នាំ២០២៤

សម្រាប់ត្រីមាសទី២ ឆ្នាំ២០២៤ សម្ព័ន្ធធនាគារទទួលបានចំណូលសរុបចំនួន ៨៧៣,៨៨ ប៊ីលានរៀល កើនឡើងចំនួន ២៩,៦៦ ប៊ីលានរៀល ស្មើនឹង ៣,៥១% និងប្រាក់ចំណេញដែលផ្តល់ជូនដល់ភាគហ៊ុនិករបស់ធនាគារចំនួន ១១៦,៣៤ ប៊ីលានរៀល ថយចុះចំនួន ១៩,៣៥ ប៊ីលានរៀល ស្មើនឹង ១៤,២៦% ធៀបទៅនឹងត្រីមាសទី២ ឆ្នាំ២០២៣។

គិតត្រឹមដំណាច់ការិយបរិច្ឆេទថ្ងៃទី៣០ ខែមិថុនា ឆ្នាំ២០២៤ ទ្រព្យសកម្មសរុបរបស់សម្ព័ន្ធធនាគារមានចំនួន ៤២,០១ ទ្រីលានរៀល ដែលកើនឡើងចំនួន ២,២០ ទ្រីលានរៀល ស្មើនឹង ៥,៥៣% និងមូលធនផ្តល់ជូនភាគហ៊ុនិករបស់ធនាគារចំនួន ៥,៨០ ទ្រីលានរៀល កើនឡើងចំនួន ១៧៩,៣២ ប៊ីលានរៀល ស្មើនឹង ៣,១៩% ធៀបទៅនឹងដំណាច់ឆ្នាំ២០២៣។

សូចនាករសំខាន់ៗនៅក្នុងត្រីមាសទី២ ឆ្នាំ២០២៤ មានដូចខាងក្រោម៖

• ចំណេញធៀបនឹងមូលធនមធ្យម(*): ២,០៣%
• ចំណេញធៀបនឹងទ្រព្យសកម្មមធ្យម(*): ០,២៨%
• ចំណូលការប្រាក់ធៀបនឹងឥណទានដុលសរុប: ២,៩៥%
• ចំណាយប្រតិបត្តិការធៀបនឹងឥណទានដុលសរុប: ១,០៧%
• ឥណទានដុលសរុបធៀបនឹងទ្រព្យសកម្មសរុប: ៦៥,៧៥%
• ឥណទានដុលសរុបធៀបនឹងប្រាក់បញ្ញើសរុប: ៨៦,៦៥%
• អនុបាតឥណទានមិនដំណើរការ (**): ៥,៧៨%
• អនុបាតសាធនភាព: ១៨,៣១%
• អនុបាតក្របខ័ណ្ឌសន្ទនីយភាពៈ ២២៧,១១%

(*) អនុបាតទាំងនេះមិនមែនជាអនុបាតប្រចាំឆ្នាំនោះទេ ហើយត្រូវបានគណនាដោយប្រើតួលេខប្រាក់ចំណេញដែលផ្តល់ជូនដល់ភាគហ៊ុនិករបស់ធនាគារ រយៈពេល ៣ខែ ចាប់ពីថ្ងៃទី០១ ខែមេសា ដល់ថ្ងៃទី៣០ ខែមិថុនា ឆ្នាំ២០២៤

អនុបាតចំណេញធៀបនឹងមូលធនមធ្យម = ប្រាក់ចំណេញក្នុងការិយបរិច្ឆេទដែលផ្តល់ជូនដល់ភាគហ៊ុនិករបស់ធនាគារ / មូលធនមធ្យមផ្តល់ជូនភាគហ៊ុនិករបស់ធនាគារ

អនុបាតចំណេញធៀបនឹងទ្រព្យសកម្មមធ្យម = ប្រាក់ចំណេញក្នុងការិយបរិច្ឆេទដែលផ្តល់ជូនដល់ភាគហ៊ុនិករបស់ធនាគារ / ទ្រព្យសកម្មសរុបមធ្យម

(**) អនុបាតឥណទានមិនដំណើរការ = សមតុល្យប្រាក់ដើមតាមកិច្ចសន្យារបស់ឥណទានមិនដំណើរការ / សមតុល្យប្រាក់ដើមឥណទានតាមកិច្ចសន្យាសរុប

ចំនួនបុគ្គលិក (សម្ព័ន្ធធនាគារ): ១៣.៥៣០ នាក់