navigate_nextទំនាក់ទំនងវិនិយោគិនnavigate_nextការបង្ហាញ​ព័ត៌មាន​សាជីវកម្មnavigate_nextរបាយការណ៍ប្រចាំត្រីមាសទី៤ ឆ្នាំ២០២៥ របស់សម្ព័ន្ធធនាគារ អេស៊ីលីដា ភីអិលស៊ី

របាយការណ៍ប្រចាំត្រីមាសទី៤ ឆ្នាំ២០២៥ របស់សម្ព័ន្ធធនាគារ អេស៊ីលីដា ភីអិលស៊ី

ថ្ងៃទី១១ ខែកុម្ភៈ ឆ្នាំ២០២៦

សម្រាប់ត្រីមាសទី៤ ឆ្នាំ២០២៥ សម្ព័ន្ធធនាគារទទួលបានចំណូលសរុបចំនួន ៩៩៦,២២ ប៊ីលានរៀល កើនឡើងចំនួន ៩៩,១៥ ប៊ីលានរៀល ឬ ១១,០៥% និងប្រាក់ចំណេញដែលផ្តល់ជូនដល់ភាគហ៊ុនិករបស់ធនាគារចំនួន ២០០,៨១ ប៊ីលានរៀល កើនឡើងចំនួន ៨,៤០​ ប៊ីលានរៀល ឬ ៤,៣៦% ធៀបទៅនឹងត្រីមាសទី៤ ឆ្នាំ២០២៤។

គិតត្រឹមដំណាច់ការិយបរិច្ឆេទថ្ងៃទី៣១ ខែធ្នូ ឆ្នាំ២០២៥ ទ្រព្យសកម្មសរុបរបស់សម្ព័ន្ធធនាគារមានចំនួន ៤៨,២៣ ទ្រីលានរៀល ដែលកើនឡើងចំនួន ៤,៦២ ទ្រីលានរៀល ឬ ១០,៥៩% និងមូលធនផ្តល់ជូនភាគហ៊ុនិករបស់ធនាគារចំនួន ៦,៦៥ ទ្រីលានរៀល កើនឡើងចំនួន ៦៧៨,១២ ប៊ីលានរៀល ឬ ១១,៣៥% ធៀបទៅនឹងដំណាច់ឆ្នាំ២០២៤។

សូចនាករសំខាន់ៗនៅក្នុងត្រីមាសទី៤ ឆ្នាំ២០២៥ មានដូចខាងក្រោម៖

• ចំណេញធៀបនឹងមូលធនមធ្យម(*): ៣,០៦%
• ចំណេញធៀបនឹងទ្រព្យសកម្មមធ្យម(*): ០,៤២%
• ចំណូលការប្រាក់ធៀបនឹងឥណទានដុលសរុប: ២,៩៧%
• ចំណាយប្រតិបត្តិការធៀបនឹងឥណទានដុលសរុប: ១,០៩%
• ឥណទានដុលសរុបធៀបនឹងទ្រព្យសកម្មសរុប: ៦៣,៥៣%
• ឥណទានដុលសរុបធៀបនឹងប្រាក់បញ្ញើសរុប: ៨១,៤៨%
• អនុបាតឥណទានមិនដំណើរការ (**): ៥,៩៤%
• អនុបាតសាធនភាព: ២០,១៧%
• អនុបាតក្របខ័ណ្ឌសន្ទនីយភាពៈ ៤១៤,០៥%

(*) អនុបាតទាំងនេះមិនមែនជាអនុបាតប្រចាំឆ្នាំនោះទេ ហើយត្រូវបានគណនាដោយប្រើតួលេខប្រាក់ចំណេញដែលផ្តល់ជូនដល់ភាគហ៊ុនិករបស់ធនាគារ រយៈពេល ៣ខែ ចាប់ពីថ្ងៃទី០១ ខែតុលា ដល់ថ្ងៃទី៣១ ខែធ្នូ ឆ្នាំ២០២៥។

អនុបាតចំណេញធៀបនឹងមូលធនមធ្យម = ប្រាក់ចំណេញក្នុងការិយបរិច្ឆេទដែលផ្តល់ជូនដល់ភាគហ៊ុនិករបស់ធនាគារ / មូលធនមធ្យមផ្តល់ជូនភាគហ៊ុនិករបស់ធនាគារ

អនុបាតចំណេញធៀបនឹងទ្រព្យសកម្មមធ្យម = ប្រាក់ចំណេញក្នុងការិយបរិច្ឆេទដែលផ្តល់ជូនដល់ភាគហ៊ុនិករបស់ធនាគារ / ទ្រព្យសកម្មសរុបមធ្យម

(**) អនុបាតឥណទានមិនដំណើរការ = សមតុល្យប្រាក់ដើមតាមកិច្ចសន្យារបស់ឥណទានមិនដំណើរការ / សមតុល្យប្រាក់ដើមឥណទានតាមកិច្ចសន្យាសរុប

ចំនួនបុគ្គលិក (សម្ព័ន្ធធនាគារ): ១៣.២៨០ នាក់