navigate_nextទំនាក់ទំនងវិនិយោគិនnavigate_nextការបង្ហាញ​ព័ត៌មាន​សាជីវកម្មnavigate_nextរបាយការណ៍ប្រចាំឆ្នំា២០២៥ របស់ សម្ព័ន្ធធនាគារ អេស៊ីលីដា ភីអិលស៊ី

របាយការណ៍ប្រចាំឆ្នំា២០២៥ របស់ សម្ព័ន្ធធនាគារ អេស៊ីលីដា ភីអិលស៊ី

ថ្ងៃទី៣១ ខែមីនា ឆ្នាំ២០២៦

សម្រាប់ឆ្នាំ២០២៥ សម្ព័ន្ធធនាគារ អេស៊ីលីដា ភីអិលស៊ី ទទួលបានចំណូលសរុបចំនួន ៣,៨២ ទ្រីលានរៀល កើនឡើងចំនួន ២៩៤,៧១​ ប៊ីលានរៀល ស្មើនឹង ៨,៣៧% ធៀបទៅនឹងចំណូលសរុបក្នុងឆ្នាំ២០២៤ និងប្រាក់ចំណេញដែលផ្តល់ជូនដល់ភាគហ៊ុនិករបស់ធនាគារចំនួន ៨០១,៦៤ ប៊ីលានរៀល ដែលកើនឡើងចំនួន ៣០៨,២៦ ប៊ីលានរៀល ស្មើនឹង ៦២,៤៨% ធៀបនឹងដំណាច់ឆ្នាំ២០២៤។

គិតត្រឹមដំណាច់ការិយបរិច្ឆេទ ថ្ងៃទី៣១ ខែធ្នូ ឆ្នាំ២០២៥ ទ្រព្យសកម្មសរុបរបស់សម្ព័ន្ធធនាគារ អេស៊ីលីដា ភីអិលស៊ី មានចំនួន ៤៨,២៣ ទ្រីលានរៀល ដែលកើនឡើងចំនួន ៤,៦២ ទ្រីលានរៀល ស្មើនឹង ១០,៥៩% និងមូលធនសរុបរបស់ភាគហ៊ុនិករបស់ធនាគារចំនួន ៦,៦៥ ទ្រីលានរៀល កើនឡើងចំនួន ៦៧៨,១២ ប៊ីលានរៀល ស្មើនឹង ១១,៣៥% ធៀបនឹងដំណាច់ឆ្នាំ២០២៤។

សូចនាករសំខាន់ៗនៅក្នុងឆ្នាំ២០២៥ មានដូចខាងក្រោម៖

• ចំណេញធៀបនឹងមូលធនមធ្យម: ១២,៧០%
• ចំណេញធៀបនឹងទ្រព្យសកម្មមធ្យម: ១,៧៥%
• ចំណូលការប្រាក់ធៀបនឹងឥណទានដុលសរុប: ១១,៤៧%
• ចំណាយប្រតិបត្តិការធៀបនឹងឥណទានដុលសរុប: ៤,១៦%
• ឥណទានដុលសរុបធៀបនឹងទ្រព្យសកម្មសរុប: ៦៣,៥៣%
• ឥណទានដុលសរុបធៀបនឹងប្រាក់បញ្ញើសរុប: ៨១,៤៨%
• អនុបាតឥណទានមិនដំណើរការ(*): ៥,៩៤%
• អនុបាតសាធនភាព: ២០,១៧%
• អនុបាតក្របខ័ណ្ឌសន្ទនីយភាពៈ ៤១៤,០៥%

(*) អនុបាតឥណទានមិនដំណើរការ = សមតុល្យប្រាក់ដើមតាមកិច្ចសន្យារបស់ឥណទានមិនដំណើរការ / សមតុល្យប្រាក់ដើមឥណទានតាមកិច្ចសន្យាសរុប
ចំនួនបុគ្គលិក (ធនាគារ និងក្រុមហ៊ុនបុត្រសម្ព័ន្ធ): ១៣.២៨០ នាក់