navigate_nextទំនាក់ទំនងវិនិយោគិនnavigate_nextការបង្ហាញព័ត៌មានសាជីវកម្មnavigate_nextរបាយការណ៍ប្រចាំត្រីមាសទី១ ឆ្នាំ២០២០ របស់ធនាគារ អេស៊ីលីដា ភីអិលស៊ី
របាយការណ៍ប្រចាំត្រីមាសទី១ ឆ្នាំ២០២០ របស់ធនាគារ អេស៊ីលីដា ភីអិលស៊ី
ថ្ងៃទី៤ ខែមិថុនា ឆ្នាំ២០២០
របាយការណ៍ហិរញ្ញវត្ថុសង្ខេបចន្លោះពេល របស់ធនាគារ អេស៊ីលីដា ភីអិលស៊ី ត្រូវបានរៀបចំឡើង ដោយអនុលោមទៅតាមស្តង់ដាគណនេយ្យអន្តរជាតិនៃកម្ពុជា ("ស.គ.អ.ក") ៣៤ ("របាយការណ៍ហិរញ្ញវត្ថុចន្លោះពេល") ។
សម្រាប់ត្រីមាសទី១ ឆ្នាំ២០២០ ធនាគារ អេស៊ីលីដា ភីអិលស៊ី ទទួលបានចំណូលពីការប្រាក់សរុបចំនួន ៥១៩,១២ ប៊ីលានរៀល ដែលកើនឡើងចំនួន ៤៩,៩០ ប៊ីលានរៀល ស្មើនឹង ១០,៦៣% និងប្រាក់ចំណេញចំនួន ១៣៦,៤៦ ប៊ីលានរៀល ដែលកើនឡើងចំនួន ២០,១៤ ប៊ីលានរៀល ស្មើនឹង ១៧,៣១% ធៀបនឹងត្រីមាសទី១ ឆ្នាំ២០១៩ ។
គិតត្រឹមដំណាច់ការិយបរិច្ឆេទ ថ្ងៃទី៣១ ខែមីនា ឆ្នាំ២០២០ ទ្រព្យសកម្មសរុបរបស់ធនាគារ អេស៊ីលីដា ភីអិលស៊ី មានចំនួន ២៥,០១ ទ្រីលានរៀល ដែលថយចុះចំនួន ១៥៣,៤១ ប៊ីលានរៀល ស្មើនឹង ០,៦១% និងមូលធនសរុបចំនួន ៣,៩៤ ទ្រីលានរៀល កើនឡើង ៤,៨៦ ប៊ីលានរៀល ស្មើនឹង ០,១២% ធៀបនឹងចុងការិយបរិច្ឆេទ ខែធ្នូ ឆ្នាំ២០១៩ ។
សូចនាករសំខាន់ៗនៅក្នុងត្រីមាសទី១ ឆ្នាំ២០២០ ត្រូវបានបង្ហាញដូចខាងក្រោម ៖
- អនុបាតចំណេញធៀបនឹងមូលធនមធ្យម(*): ៣,៥៤%
- អនុបាតចំណេញធៀបនឹងទ្រព្យសកម្មមធ្យម(*): ០,៥៦%
- អនុបាតផលប័ត្រឥណទានធៀបនឹងទ្រព្យសកម្ម: ៦៤,៨៧%
- ចំណាយប្រតិបត្តិការធៀបនឹងផលប័ត្រឥណទានជាមធ្យម: ១,៥៣%
- អនុបាតចំណាយធៀបនឹងចំណូល: ៤៣,៥៥%
- អត្រាចំណូលលើផលប័ត្រឥណទានជាមធ្យម: ៣,២១%
- អនុបាតសោធនភាព: ២៤,៧៧%
- អនុបាតឥណទានមិនដំណើរការ: ០,២៣%
- អនុបាតប្រាក់បញ្ញើឥណទាន: ៩១,៧២%
- ចំនួនបុគ្គលិក (ធនាគារ និងក្រុមហ៊ុនបុត្រសម្ព័ន្ធ): ១៣.៦៨៣ នាក់
(*) អនុបាតទាំងនេះមិនមែនជាអនុបាតប្រចាំឆ្នាំនោះទេ ហើយត្រូវបានគណនាដោយប្រើតួលេខលទ្ធផលលម្អិតសរុប រយៈពេល ៣ខែ ចាប់់ពីថ្ងៃទី០១ ខែមករា ដល់ថ្ងៃទី៣១ ខែមីនា ឆ្នាំ២០២០ ។
សូមអានរបាយការណ៍ប្រចាំត្រីមាសទី១ឆ្នាំ២០២០ ដូចមានក្នុងឯកសារយោង ។