ទំនាក់ទំនងវិនិយោគិនការបង្ហាញព័ត៌មានសាជីវកម្មធនាគារ អេស៊ីលីដា ភីអិលស៊ី ទទួលបានការដំឡើងចំណាត់ថ្នាក់...

ធនាគារ អេស៊ីលីដា ភីអិលស៊ី ទទួលបានការដំឡើងចំណាត់ថ្នាក់ Stand-Alone Credit Profile (SACP) ពីកម្រិត 'bb-' ទៅកម្រិត 'bb' ពីភ្នាក់ងារវាយតម្លៃអន្តរជាតិ Standard & Poor's (S&P) Global Ratings

ថ្ងៃទី១៨ ខែធ្នូ ឆ្នាំ២០២០

ភ្នំពេញ ថ្ងៃព្រហស្បតិ៍ ៣កើត ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៧ ខែធ្នូ ឆ្នាំ២០២០ ធនាគារ អេស៊ីលីដា ភីអិលស៊ី មានកិត្តយស សូមអនុញ្ញាតជម្រាបជូនដល់អតិថិជន និង សាធារណជនទាំងអស់មេត្តាទទួជ្រាបថា នៅថ្ងៃទី១៦ ខែធ្នូ ឆ្នាំ២០២០ ធនាគារ អេស៊ីលីដា បានទទួលការដំឡើងចំណាត់ថ្នាក់ Stand-Alone Credit Profile (SACP) ពីកម្រិត 'bb-' ទៅកម្រិត 'bb' ពីភ្នាក់ងារវាយតម្លៃអន្តរជាតិ Standard & Poor's (S&P) Global Ratings ។

បណ្ឌិត អ៊ិន ចាន់នី ប្រធាននាយកប្រតិបត្តិ ធនាគារ អេស៊ីលីដា ភីអិលស៊ី បានមានប្រសាសន៍ថា ការដំឡើងចំណាត់ថ្នាក់ (SACP) ពីកម្រិត 'bb-' ទៅកម្រិត 'bb' ដល់ ធនាគារ អេស៊ីលីដា ដោយមូលហេតុចម្បងៗ ដូចជាធនាគាររក្សាបាននូវទ្រព្យសកម្មចម្រុះ ការគ្រប់គ្រងដោយការប្រុងប្រយ័ត្ន គិតគូរនូវរាល់ហានិភ័យពាក់ព័ន្ធជាមូលដ្ឋានសម្រាប់ការលូតលាស់ និងមានមូលធនភាវូនីយកម្មរឹងមាំ ។ កត្តាទាំងអស់នេះឆ្លុះបញ្ចាំងអំពីភាពរឹងមាំ នៃបណ្តាញធុរកិច្ចរបស់ធនាគារ អេស៊ីលីដា ដោយរក្សាបាននូវចំណូលប្រកបដោយចីរភាព ដោយមិនមានផលប៉ះពាល់ ។

ទស្សនវិស័យស្ថិរភាពដែលបង្ហាញនៅក្នុងចំណាត់ថ្នាក់នេះ ឆ្លុះបញ្ចាំងពីភាពរឹងមាំនៃហិរញ្ញវត្ថុជាមួយនឹងទ្រនាប់ដើមទុនគ្រប់គ្រាន់ ដើម្បីស្ថិរភាពនៃដំណើរការអាជីវកម្ម ។

សូមអានធនាគារ អេស៊ីលីដា ភីអិលស៊ី ទទួលបានការដំឡើងចំណាត់ថ្នាក់ Stand-Alone Credit Profile (SACP) ពីកម្រិត 'bb-' ទៅកម្រិត 'bb' ពីភ្នាក់ងារវាយតម្លៃអន្តរជាតិ Standard & Poor's (S&P) Global Ratings ដូចមានក្នុងឯកសារយោង ។