ព័ត៌មានព័ត៌មានថ្មីៗពានរង្វាន់ និងវិញ្ញាបនបត្រ ពីវ៉េសស្ទឺន យូញៀន

ពានរង្វាន់ និងវិញ្ញាបនបត្រ ពីវ៉េសស្ទឺន យូញៀន

ថ្ងៃទី៣១ ខែមីនា ឆ្នាំ២០១០

នៅថ្ងៃទី២៥ ខែមីនា ឆ្នាំ២០១០ ធនាគារអេស៊ីលីដា ដែលជាធនាគារពាណិជ្ជឈានមុខគេនៅក្នុងព្រះរាជាណាចក្រកម្ពុជា បានទទួលវិញ្ញាបនបត្រពីរ និងពានរង្វាន់មួយ សម្រាប់ឆ្នាំ២០០៩ ពីវ៉េសស្ទឺន យូញៀន ។ វិញ្ញាបនបត្រ និងពានរង្វាន់នេះ បានប្រគល់ជូនសម្រាប់ភ្នាក់ងារដ៏ឆ្នើមប្រចាំឆ្នាំ ដែលបានបម្រើសេវាផ្ទេរប្រាក់ មានការកើនឡើង ។

ស្នាដៃទាំងនោះរួមមាន វិញ្ញាបនបត្រសរសើរ ដែលបានទទួលស្គាល់ពីការខំប្រឹងប្រែងផ្តល់សេវាកម្មជូនអតិថិជន និងការធ្វើពាណិជ្ជកម្មជាមួយវ៉េសស្ទឺន យូញៀន និងពានរង្វាន់ សម្រាប់ការបម្រើសេវាផ្ទេរប្រាក់ទៅបរទេសមានការកើនឡើង ព្រមទាំង វិញ្ញាបនបត្រសមិទ្ធកម្ម សម្រាប់ការបម្រើសេវាផ្ទេរប្រាក់ពីបរទេសមានការកើនឡើង ក្នុងឆ្នាំ២០០៩ ពីវ៉េសស្ទឺន យូញៀន ។

នេះជាស្នាដៃដ៏អស្ចារ្យដែលបានមកពីកត្តាជាច្រើនដូចជា ៖ សេវារហ័ស សុវត្ថិភាព យកចិត្តទុកដាក់ ភាពជឿជាក់ និងមានលក្ខណៈងាយស្រួលក្នុងការបម្រើជូនអតិថិជន ។ យើងខ្ញុំផ្តោតការយកចិត្តទុកដាក់ជានិច្ចចំពោះការបម្រើជូនអតិថិជន ហើយកត្តាសំខាន់ខាងលើនោះហើយ ដែលជំរុញឱ្យពួកគាត់ត្រឡប់មកប្រើប្រាស់សេវារបស់យើងរហូត ។

វ៉េសស្ទឺន យូញៀន ផ្តល់ជូននូវមធ្យោបាយយ៉ាងងាយស្រួលបំផុតសម្រាប់ក្រុមគ្រួសារ និងមិត្តភក្តិ ក្នុងការផ្ទេរប្រាក់ ជាង ១៥០ឆ្នាំមកហើយ និងមានបណ្តាញប្រតិបត្តិការស្ទើរតែគ្រប់ទីកន្លែងនៅក្នុងពិភពលោក ។ ក្នុងនាមជាអ្នកវិវឌ្ឍន៍សេវាហិរញ្ញវត្ថុ ក្រុមហ៊ុនវ៉េសស្ទឺន យូញៀន បានក្លាយទៅជាអ្នកឈានមុខគេសម្រាប់សេវាផ្ទេរប្រាក់ជាសាកល ទូទាំង ២០០ប្រទេស ។

ពានរង្វាន់ សម្រាប់ការបម្រើសេវាផ្ទេរប្រាក់ទៅបរទេសមានការកើនឡើង

វិញ្ញាបនបត្រសរសើរ សម្រាប់ការបម្រើសេវាផ្ទេរប្រាក់ទៅបរទេសមានការកើនឡើង

វិញ្ញាបនបត្រសមិទ្ធកម្ម សម្រាប់ការបម្រើសេវាផ្ទេរប្រាក់ពីបរទេសមានការកើនឡើង

« ព័ត៌មានមុន
ពិធីចម្រើនមង្គល ធនាគារអេស៊ីលីដា ភីអិលស៊ី សាខាស្រុកពួក ព័ត៌មានបន្ទាប់ »
ធនាគារ អេស៊ីលីដា បើកសាខាថ្មីទី២៣៣ នៅផ្សារលើ

ពានរង្វាន់ និង​វិញ្ញាបនបត្រ​ ពី​វ៉េសស្ទឺន យូញៀន

ពានរង្វាន់ និងវិញ្ញាបនបត្រ ពីវ៉េសស្ទឺន យូញៀន