navigate_nextផលិតផល និង​សេវាnavigate_nextឌីជីថលnavigate_nextសេវា​អេស៊ីលីដា​អ៊ីខុមមើស

សេវា​អេស៊ីលីដាអ៊ីខុមមើស 

ជម្រើស​ដ៏​ងាយ​ស្រួល និង​មាន​សុវត្ថិភាព សម្រាប់​លក់​ទំនិញ-សេវាកម្ម តាម​ប្រព័ន្ធ​អ៊ីនធើណែត។

សេវា​អេស៊ីលីដា​អ៊ីខុមមើស សម្រាប់​ផ្តល់​មធ្យោបាយ​ឱ្យ​ក្រុមហ៊ុន/​អង្គភាព (ពាណិជ្ជករ) អាច​លក់​ទំនិញ-​សេវាកម្ម​តាម​ប្រព័ន្ធ​អ៊ីនធើណែត (Online Shopping) និង​អនុញ្ញាត​ឱ្យ​អតិថិជន​ដែល​ជា​ម្ចាស់​ប័ណ្ណ​ឥណពន្ធ ឬ​ប័ណ្ណ​ឥណទាន អាច​បញ្ជា​ទិញ និង​ទូទាត់បាន​ភ្លាមៗ តាម​ប្រព័ន្ធ​ធនាគារ​អេឡិចត្រូនិក។

សេវា​នេះ​ផ្តល់​ជូន​ដល់​ក្រុមហ៊ុន/អង្គភាព​ផ្គត់ផ្គង់​ទំនិញ-សេវាកម្ម​គ្រប់​ប្រភេទ និង​ឱ្យ​អតិថិជន​ធ្វើការ​ទិញ និង​ទូទាត់​បាន​យ៉ាង​រហ័សប្រកប​ដោយ​សុវត្ថិភាព​ខ្ពស់ តាម​តម្រូវការ​គ្រប់​ពេលវេលា និង​គ្រប់​ទីកន្លែង​ពាស​ពេញ​ពិភព​លោក។

អត្ថប្រយោជន៍​របស់​ពាណិជ្ជករ​ដែល​ជា​ម្ចាស់​វេបសាយ​លក់​ទំនិញ/សេវាកម្ម

• មាន​កេរ្តិ៍​ឈ្មោះ​ល្អ និង​ទទួល​ស្គាល់​ពី​អតិថិជន​គ្រប់​ទិសទី តាម​រយៈ​ការ​លក់​ទំនិញ​តាម​ប្រព័ន្ធអ៊ីនធើណែត និង​ទូទាត់​តាម​ប័ណ្ណ​ឥណពន្ធ ឬ​ប័ណ្ណ​ឥណទាន។
• បង្កើន​បរិមាណ​នៃ​ការ​លក់​ផលិតផល-សេវាកម្ម ឱ្យ​កាន់​តែ​ទូលំ​ទូលាយ។
• បម្រើ​សេវា​រហ័ស និង​កាត់​បន្ថយ​ពេល​វេលា​លើការ​ទទួល​សាច់ប្រាក់។
• មាន​បំពាក់​ប្រព័ន្ធ​សុវត្ថិភាព នៅ​លើ​វេបសាយ​លក់​ទំនិញ ដែល​មាន​សុវត្ថិភាព​ខ្ពស់​ចៀសវាង​ការ​លួច​បន្លំ​ផ្សេងៗ។
• អាច​ត្រួត​ពិនិត្យ​របាយការណ៍ និង​តាម​ដាន​ការបង់​ប្រាក់​បាន​ភ្លាមៗ​នៅ​ក្នុង​ប្រព័ន្ធ​អេស៊ីលីដា​អ៊ីខុមមើស។
• ផ្តល់​ភាពងាយស្រួល​ដល់​អតិថិជន​របស់​ក្រុមហ៊ុន/អង្គភាព ក្នុង​ការ​បញ្ជាទិញ/ទូទាត់​ថ្លៃ​ទំនិញ​ពី​ចម្ងាយ ដោយ​មិន​ចាំ​បាច់​ធ្វើ​ដំណើរ​ទៅ​ហាង​ទំនិញ ហើយ​បាន​ទទួល​ទំនិញ​នៅ​តាម​អាសយដ្ឋាន​របស់​ខ្លួន។

សូមពិនិត្យ​មើល​តារាង​ដៃគូ ទីនេះ!

លក្ខណៈ​សម្បត្តិ​របស់​ពាណិជ្ជករ​ដែល​ជា​ម្ចាស់​វេបសាយ​លក់​ទំនិញ/សេវាកម្ម

ដើម្បី​អាច​ប្រើប្រាស់​សេវា​អេស៊ីលីដា​អ៊ីខុមមើស ពាណិជ្ជករ​ដែល​ជា​ម្ចាស់​វេបសាយ​លក់​ទំនិញ/សេវាកម្ម​ត្រូវ​មាន​លក្ខណ​សម្បត្តិ​ដូច​ខាង​ក្រោម៖

• មាន​គណនី​ជា​មួយ​ធនាគារ​អេស៊ីលីដា។
• មាន​វេបសាយ​សម្រាប់​លក់​ទំនិញ ឬ​សេវាកម្ម។
• មាន​ឈ្មោះ និង​ពាណិជ្ជសញ្ញា (Logo) របស់​ក្រុមហ៊ុន/អង្គភាព។
• មាន​រូបភាព​ទំនិញ និង​លក្ខណៈ​ពិសេស​របស់​ទំនិញ ឬ​សេវាកម្ម​ដែល​សម្រាប់​លក់​ជូន​អតិថិជន។
• ត្រូវ​ចេញ​វិក្កយបត្រ​អេឡិចត្រូនិក​ជូន​អតិថិជន។
• មាន​នីតិវិធី​ប្រគល់​ទំនិញ​ច្បាស់លាស់ ដូចជា របៀប/ពេលវេលា​​ប្រគល់​ទំនិញ ប្រទេស/តំបន់​ដែល​អាច​ដឹកជញ្ជូន​ទំនិញ​ដល់​ឬ​មិនដល់។ល។

សូមពិនិត្យ​មើល​តារាង​ដៃគូ ទីនេះ!

ការដាក់ពាក្យ​ស្នើសុំ​សេវា​អេស៊ីលីដា​អ៊ីខុមមើស

អតិថិជន​ដែល​ជា​ពាណិជ្ជករ​ត្រូវ​អញ្ជើញ​មក​ការិយាល័យ​សាខា​របស់​ធនាគារ​អេស៊ីលីដា ដោយ​ភ្ជាប់​មក​ជា​មួយ​នូវ​ឯកសារ​តម្រូវ៖ ឯកសារ​សម្គាល់​អត្តសញ្ញាណ​របស់​ម្ចាស់​គណនី នាយក ភាគហ៊ុនិក ឬ​ដៃគូ, អនុស្សរណៈ និង​លក្ខន្តិកៈ, វិញ្ញាបនបត្រ​ចុះបញ្ជី​ពាណិជ្ជកម្ម, លិខិត​អនុញ្ញាត​អាជីវកម្ម​ឬ​ឱ្យ​ដំណើរការ​អង្គភាព។ល។

រូបិយប័ណ្ណ

ទូទាត់​ជារូបិយប័ណ្ណ​ដុល្លារ​អាមេរិក។ ករណី​ប័ណ្ណ​ឥណពន្ធ ឬ​ប័ណ្ណ​ឥណទាន​របស់​អតិថិជន បោះផ្សាយ​ជា​រូបិយប័ណ្ណ​ផ្សេង ប្រព័ន្ធ​នឹង​ប្តូរ​ប្រាក់​ដោយ​ស្វ័យ​ប្រវត្តិ​តាម​អត្រា​ប្តូរ​ប្រាក់​អន្តរជាតិ​របស់​ស្ថាប័ន​នៃ​ប័ណ្ណ​នោះ។ល។

អត្ថប្រយោជន៍​របស់​ម្ចាស់​ប័ណ្ណ

• ងាយ​ស្រួល​ទិញ​ទំនិញ និង​មាន​សុវត្ថិភាព​ខ្ពស់​ក្នុង​ការ​ទូទាត់​ តាម​រយៈ​វេបសាយ​ដែល​លក់​ទំនិញ​ជា​ច្រើន​ប្រភេទ គ្រប់​ពេល​វេលា។
• ចំណេញ​ពេល​វេលា ដោយ​ធ្វើ​ការ​បញ្ជា​ទិញ​ទំនិញ​តាម​រយៈ​វេបសាយ គឺ​ពុំ​ចាំ​បាច់​ទៅ​កាន់​ហាង​លក់​ទំនិញ និង​ទទួល​បាន​ទំនិញ​ដល់​ទីកន្លែង។
• អាច​ទូទាត់​ថ្លៃ​ទំនិញ​តាម​រយៈ​ប័ណ្ណ​ឥណពន្ធ/ប័ណ្ណ​ឥណទាន ដោយ​ប្រើ​ប្រាស់​ព័ត៌មាន​ប័ណ្ណ និង​មិន​ចាំ​បាច់​បង្ហាញ​ប័ណ្ណ​ដល់​អ្នក​លក់។

ប្រភេទ​នៃ​ការ​ទូទាត់

• តាមប័ណ្ណ
• តាមគណនី

ការ​ទូទាត់​ដោយ​ប្រើ​ប័ណ្ណ៖ លោក​អ្នក​អាច​ប្រើ​ប័ណ្ណ​ដូច​ខាង​ក្រោម ដើម្បី​ទូទាត់​នៅ​តាម​ដៃគូ​របស់​ធនាគារ អេស៊ីលីដា ដែល​ប្រើ​ប្រាស់​ប្រព័ន្ធអេស៊ីលីដា​អ៊ីខុមមើស។

សំគាល់៖

• One Time Password (OTP): ជា​លេខ​សម្ងាត់​ដែល​បង្កើត​ឡើង​ដោយ Hard/Soft Token ឬ​ដោយ​ប្រព័ន្ធ​ផ្ញើ​ទៅ​កាន់​លេខ​ទូរស័ព្ទ​ដៃ​របស់​អតិថិជន​ដែល​បាន​ចុះ​ឈ្មោះ។ លេខ​សម្ងាត់​នេះ​ប្រើ​បាន​តែ​ម្តង​គត់ ហើយ​ត្រូវ​អស់​សុពលភាព​ប្រើ​ប្រាស់​ក្រោយ​រយៈ​ពេល ៦០វិនាទី និង​មិន​តម្រូវ​ឱ្យ​អ្នក​ប្រើ​ប្រាស់​ចង​ចាំ​នោះ​ទេ។ លោកអ្នក​ត្រូវ​បញ្ចូល​លេខ​សម្ងាត់​នេះ​នៅ​ពេល​ធ្វើ​ប្រតិបត្តិការ​ទូទាត់។
• Hard/Soft Token គឺ​ជា​ឧបករណ៍ ឬ​កម្មវិធី​ដែល​ដំឡើង​នៅ​ក្នុង​ទូរស័ព្ទ​របស់​លោក​អ្នក សម្រាប់​បង្កើត​លេខ​សម្ងាត់​ដោយ​ស្វ័យប្រវត្តិ (One Time Password) ដើម្បី​បញ្ជាក់​ប្រតិបត្តិការ​របស់​លោក​អ្នក។
• សម្រាប់​តម្រូវការ​ប្រើប្រាស់​សេវា​ធនាគារ និង​​ព័ត៌មាន​ផ្សេងៗ​ទៀត សូម​ទាក់ទង​ជាមួយ​នឹង​សាខា​របស់​យើង​ខ្ញុំ ដែល​មាន​ទីតាំង​នៅ​ជិត​លោក​អ្នក​បំផុត ឬ​ក៏​ទាក់ទង​មក​ការិយាល័យ​ទំនាក់ទំនង​អតិថិជន។

close

ចែករលែក​ព័ត៌មាន​នេះ​នៅ​លើ ៖

Facebook
LinkedIn
Twitter
Telegram
Line