ព័ត៌មានព័ត៌មានថ្មីៗការចាប់ផ្តើមនៃធនាគារ អេស៊ីលីដា លីមីធីត

ការចាប់ផ្តើមនៃធនាគារ អេស៊ីលីដា លីមីធីត

លោក អ៊ិន ចាន់នី អគ្គនាយកធនាគារអេស៊ីលីដា ទទួលអាជ្ញាប័ណ្ណជាធនាគារឯកទេស ពីឯកឧត្តម ជា ចាន់តូ ទេសាភិបាលធនាគារជាតិនៃកម្ពុជា

ថ្ងៃទី០៧ ខែតុលា ឆ្នាំ២០០០

អេស៊ីលីដា លីមីធីត ជាធនាគារថ្មីបំផុតនៅកម្ពុជា បានប្រកាសចាប់ផ្តើមដំណើរការជាផ្លូវការក្នុងពិធីមួយប្រារព្ឋនៅរាជធានីភ្នំពេញ នៅថ្ងៃទី០៧ ខែតុលា ឆ្នាំ២០០០ ។ ព្រឹត្តិការណ៍នេះត្រូវបានអញ្ចើញចូលរួមជាកិត្តិយសដោយលោកជំទាវ Heidemarie Wieczorek-Zeul ឯកឧត្តម ជា ចាន់តូ ទេសាភិបាល ធនាគារជាតិនៃកម្ពុជា ជាមួយនឹងអ្នកតំណាងជាន់ខ្ពស់របស់ភាទុនិក និងអ្នកផ្តល់ជំនួយ មានភ្ញៀវកិត្តិយសប្រមាណជាង ២៥០នាក់ មកពីស្ថាប័នរដ្ឋាភិបាល អង្គទូត សហគមន៍ហិរញ្ញវត្ថុ និងពាណិជ្ជកម្ម ព្រមទាំងភ្នាក់ងារ និងអង្គការអភិវឌ្ឍន៍អន្តរជាតិមួយចំនួនទៀត ។ ធនាគារនៅតែបន្តផ្តោតទៅលើការផ្តល់ឥណទានខ្នាតតូចបំផុត និងខ្នាតតូច ទៅឱ្យផ្នែកមួយនៃសង្គមដែលមានប្រាក់ចំណូលទាប ប៉ុន្តែក្នុងនាមជាអ្នកផ្តល់ទៅឱ្យអតិថិជនរបស់ខ្លួនប៉ុណ្ណោះ ។ ទាំងនេះនឹងរួមបញ្ចូលទាំងការទទួលប្រាក់បញ្ញើ (សំចៃ និងមានកាលកំណត់) សេវាចាត់ចែងសាច់ប្រាក់ សេវាផ្ទេរប្រាក់ និងក្រោយៗទៀតមានដូចជា ៖ ផលិតផលធានារ៉ាប់រង ដែលត្រូវបានបង្កើតឡើងជាពិសេសសម្រាប់តម្រូវការរបស់សហគមន៍ក្នុងស្រុក ។

នៅក្នុងប្រសាសន៍របស់ឯកឧត្តម គាត ឈន់ លោកបានបង្ហាញនូវសេចក្តីសង្ឃឹមថា អេស៊ីលីដា នឹង ចងចាំនូវឫសគល់របស់ខ្លួន ហើយនឹងបន្តជួយដល់ការលើកកម្ពស់ជីវភាពរស់នៅរបស់ប្រជាពលរដ្ឋនៅក្នុងតំបន់ជនបទ ។

លោក Timothy M. Krause ជាមន្ត្រីវិនិយោគសំខាន់ម្នាក់ មកពី អាយ អែហ្វ ស៊ី បាននិយាយថា "ប្រវត្តិនៃការកម្លាយខ្លួនរបស់ អេស៊ីលីដា គឺជារឿងជោគជ័យដ៏អស្ចារ្យមួយសម្រាប់កម្ពុជា... ហើយក៏ក្លាយជាជោគជ័យមួយរបស់ពិភពលោកផងដែរ ។ មានអង្គការហិរញ្ញវត្ថុខ្នាតតូចតិចបំផុតនៅក្នុងពិភពលោក ដែលបានធ្វើការផ្លាស់ប្តូរយ៉ាងជោគជ័យទៅជាធនាគារពាណិជ្ជ ដូចអេស៊ីលីដា ។ នៅពេលអនាគត យើងខ្ញុំជឿជាក់ថា ស្ថាប័នជាច្រើននឹងមើលអេស៊ីលីដាជាគំរូ" ។

ព័ត៌មានបន្ទាប់ »
ធនាគារ អេស៊ីលីដា លីមីធីត បានជ្រើសរើស TEMENOS GLOBUS ដើម្បីគាំទ្រដល់ប្រតិបត្តិការធនាគារ

ការ​ចាប់​ផ្តើម​នៃ​ធនាគារ អេស៊ីលីដា លីមីធីត

ការចាប់ផ្តើមនៃធនាគារ អេស៊ីលីដា លីមីធីត