ព័ត៌មានព័ត៌មានថ្មីៗធនាគារអេស៊ីលីដា លីមីធីត បានជ្រើសរើស TEMENOS GLOBUS ដើម្បីគាំទ្រដល់ប្រតិបត្តិការធនាគារ

ធនាគារ អេស៊ីលីដា លីមីធីត បានជ្រើសរើស TEMENOS GLOBUS ដើម្បីគាំទ្រដល់ប្រតិបត្តិការធនាគារ

ថ្ងៃទី២៦ ខែកុម្ភៈ ឆ្នាំ២០០១

ក្រុមហ៊ុនលក់ SOFTWARE សម្រាប់ធនាគារ នឹងបន្តជួយជ្រោមជ្រែងបន្ថែមទៀតក្នុងការកម្លាយខ្លួនពីស្ថាប័នមីក្រូហិរញ្ញវត្ថុមួយ ឱ្យទៅជាធនាគារពាណិជ្ជដ៏ជោគជ័យ ។

នៅភ្នំពេញ នាថ្ងៃទី២៦ ខែកុម្ភៈ ឆ្នាំ២០០១ ធនាគារ អេស៊ីលីដា លីមីធីត ថ្ងៃនេះបានចុះកិច្ចសន្យាជាមួយក្រុមហ៊ុន TEMENOS ដែលជាក្រុមហ៊ុនផលិត SOFTWARE ហិរញ្ញវត្ថុអន្តរជាតិ ដើម្បីដំឡើងប្រព័ន្ធ GLOBUS នៅក្នុងបណ្ដាញសាខារបស់ខ្លួននៅក្នុងព្រះរាជាណាចក្រកម្ពុជា ។

លោកអគ្គនាយក អ៊ិន ចាន់នី បានមានប្រសាសន៍ថា "ក្នុងនាមជាធនាគារក្នុងស្រុកថ្មីជាងគេ អេស៊ីលីដាបានគ្រប់គ្រងឱកាស ក្នុងការវិនិយោគជាមួយបច្ចេកវិជ្ជាធនាគារថ្មីជាងគេ ដើម្បីផ្តល់ជូនអតិថិជនរបស់ខ្លួននូវផលិតផលនិងសេវាធនាគារគ្រប់ប្រភេទយ៉ាងទូលំទូលាយ និងអនុវត្តនូវប្រព័ន្ធគ្រប់គ្រងព័ត៌មានដែលល្អឥតខ្ចោះ ។ ការទទួលស្គាល់ចំពោះការអនុវត្តលឿនប្រកបដោយជោគជ័យ ដែលមានសារៈសំខាន់សម្រាប់យើង ក្នុងគោលបំណងដំឡើងប្រព័ន្ធនេះនៅតាមបណ្ដាសាខាទាំង ១៤ខេត្ត-រាជធានីទៀតឱ្យបានឆាប់បំផុត ។ ផែនការរបស់យើងជាដំបូង គឺណែនាំឱ្យស្គាល់គណនីសំចៃ ហើយបន្តមកទៀត គឺផលិតផលដែលផ្តល់ចំណូលការប្រាក់ខ្ពស់សម្រាប់ប្រជាជនទូទៅ ដែលកំពុងរស់នៅក្នុងព្រះរាជាណាចក្រកម្ពុជា" ។

លោក ជា សុខ ប្រធានក្រុមប្រឹក្សាភិបាល ធនាគារ អេស៊ីលីដា បានលើកឡើងថា "លក្ខណៈពិសេសក្នុងការគ្រប់គ្រងផ្នែកខាងក្នុង និងផ្តល់របាយការណ៍របស់ប្រព័ន្ធថ្មីនេះ នឹងទទួលបានការចាប់អារម្មណ៍ពីនិយ័តកររបស់ធនាគារជាតិ ដែលកំពុងយកចិត្តទុកដាក់ទៅលើការអនុវត្តដ៏ល្អ ក្នុងការគ្រប់គ្រងផ្នែកហិរញ្ញវត្ថុក្នុងប្រព័ន្ធធនាគារនៃកម្ពុជា" ។

លោក Clive Knott ដែលជាអគ្គនាយករងរបស់ក្រុមហ៊ុន TEMENOS GLOBUS នៃតំបន់អាស៊ីប៉ាស៊ីហ្វិក បានមានប្រសាសន៍ថា "វាបង្ហាញឱ្យឃើញថា ទោះជាធនាគារតូចឬធំ TEMENOS GLOBUS មានវិសាលគមពេញលេញក្នុងការដោះស្រាយបញ្ហា ដើម្បីបំពេញតម្រូវការរបស់ធនាគារ ។ ការទទួលស្គាល់របស់ទីផ្សារ និងលទ្ធភាពពង្រីកបន្ថែមនៃប្រព័ន្ធធនាគាររួមបញ្ចូលគ្នារបស់ TEMENOS GLOBUS នឹងបន្តកើនឡើងយ៉ាងលឿន" ។ លោក Clive Knott បានបន្តទៀតថា "ការចូលកាន់តែជិតឆ្ពោះទៅរកប្រព័ន្ធធនាគារអន្តរជាតិរបស់យើងកំពុងបន្តធ្វើឱ្យមានសុពលភាពនៅលើទីផ្សារ ។ ធនាគារស្ទើរគ្រប់ទីកន្លែង និងគ្រប់ទ្វីបទាំងអស់ ពី Caribbean រហូតដល់ព្រះរាជាណាចក្រកម្ពុជា ពីប្រទេស America រហូតដល់ Argentina កំពុងទទួលយកប្រព័ន្ធ TEMENOS GLOBUS ដើម្បីពង្រីកប្រតិបត្តិការ និងបង្កើនចំណែកទីផ្សាររបស់ពួកគេ" ។

« ព័ត៌មានមុន
ការចាប់ផ្តើមនៃធនាគារ អេស៊ីលីដា លីមីធីត ព័ត៌មានបន្ទាប់ »
ធនាគារ អេស៊ីលីដា នឹងបង្កើនដើមទុន ដើម្បីស្នើសុំអាជ្ញាប័ណ្ណជាធនាគារពាណិជ្ជ

ធនាគារ អេស៊ីលីដា លីមីធីត បាន​ជ្រើស​រើស TEMENOS GLOBUS ដើម្បី​គាំទ្រ​ដល់​ប្រតិបត្តិការ​ធនាគារ

ធនាគារ អេស៊ីលីដា លីមីធីត បានជ្រើសរើស TEMENOS GLOBUS ដើម្បីគាំទ្រដល់ប្រតិបត្តិការធនាគារ