ព័ត៌មានព័ត៌មានថ្មីៗធនាគារអេស៊ីលីដា បង្កើនដើមទុន ដើម្បីស្នើសុំអាជ្ញាប័ណ្ណជាធនាគារពាណិជ្ជ

ធនាគារ អេស៊ីលីដា នឹងបង្កើនដើមទុន ដើម្បីស្នើសុំអាជ្ញាប័ណ្ណជាធនាគារពាណិជ្ជ

ថ្ងៃទី១៥ ខែកញ្ញា ឆ្នាំ២០០៣

នៅថ្ងៃទី១៥ ខែកញ្ញា ឆ្នាំ២០០៣ នារាជធានីភ្នំពេញ ធនាគារ អេស៊ីលីដា លីមីធីត ដែលជាស្ថាប័នហិរញ្ញវត្ថុឈានមុខគេនៃកម្ពុជា បានប្រារព្ឋពិធីគម្រប់ខួបទីដប់របស់ខ្លួននៅឆ្នាំនេះ និងបានប្រកាសនៅថ្ងៃនេះថា នឹងបង្កើនដើមទុនរបស់ខ្លួនពី ៤លានដុល្លារអាមេរិក ឱ្យឡើងដល់ ១៣លានដុល្លារអាមេរិក ។ នៅក្នុងពិធីមួយដែលធ្វើនៅការិយាល័យកណ្ដាលរបស់ ធនាគារ អេស៊ីលីដា ស្ថិតលើមហាវិថីម៉ៅសេទុង កាលពីសប្តាហ៍មុន ភាគហ៊ុនិកទាំងអស់របស់ ធនាគារ អេស៊ីលីដា រួមមាន ៖ IFC (សាជីវកម្មហិរញ្ញវត្ថុអន្តរជាតិ សាខាធនាគារពិភពលោក) DEG (សាខារបស់ KfW នៃសាធារណរដ្ឋសហព័ន្ឋអាល្លឺម៉ង់) FMO (Nederlandse Financierings-Maatschappij voor Ontwikklingslanden N.V) ធនាគារ ស្ទីចធីង ទ្រីយ៉ូដូស ដូអ៊ែន (Stinchting Triodos Doen) និងទ្រីយ៉ូដូស ខាស្តូឌី ប៊ីវី (Triodos Custody B.V.) នៃប្រទេសហុល្លង់ដ៍ បានធ្វើការព្រមព្រៀងរួមលើការបំពេញដើមទុនបន្ថែម ។ ធនាគារនឹងបំបែកភាគហ៊ុនមួយនៃភាគហ៊ុនបច្ចុប្បន្នរស់ខ្លួនចំនួន ៤០០.០០០ភាគហ៊ុន ដែលមានតម្លៃ ១០ដុល្លារអាមេរិកក្នុងមួយភាគហ៊ុន មកជា ១០ភាគហ៊ុនថ្មី ដែលក្នុងមួយភាគហ៊ុនមានតម្លៃ ១ដុល្លារអាមេរិក ហើយនឹងបញ្ចេញភាគហ៊ុនថ្មី ៩លានភាគហ៊ុន បន្ថែមទៀតដែលក្នុងមួយភាគហ៊ុនមានតម្លៃ ១ដុល្លារអាមេរិក ធ្វើឱ្យម្ចាស់ភាគហ៊ុនអាចចូលរួមបន្ថែមទៀតនៅពេលអនាគត ។

បន្ថែមលើនេះធនាគារនឹងស្នើសុំអាជ្ញាប័ណ្ណមួយ ដើម្បីផ្តត់ផ្គង់សេវារបស់ធនាគារលក់រាយ និង ធនាគារពាណិជ្ជ ឱ្យបានពេញលេញ ។ លោកអគ្គនាយ អ៊ិន ចាន់នី បានមានប្រសាសន៍ថា "យើងបានឆ្លងកាត់ដំណាក់កាលពង្រីកខ្លួនជាបន្តបន្ទាប់យ៉ាងឆាប់រហ័សតាំងពីយើងទទួលបានអាជ្ញាប័ណ្ណតំបូងជាធនាគារឯកទេស កាលពីបីឆ្នាំកន្លងមកនេះ" លោកអគ្គនាយកបានលើកឡើងទៀតថា ការកើនឡើងចំនួនការិយាល័យពី ៥៦ការិយាល័យ នៅក្នុងខែមករា ឆ្នាំ២០០១ ទៅដល់ ៩៤ការិយាល័យ នៅក្នុង ១៤ខេត្ត-រាជធានី ។ សព្វថ្ងៃនេះធនាគារយើងមានអតិថិជនកំពុងខ្ចីប្រាក់ជិត ១០០.០០០នាក់ និងដាក់ប្រាក់បញ្ញើ-សន្សំ់ជាង ៣០.០០០នាក់ ។ លើសពីនេះទៅទៀត សេវាដែលយើងកំពុងផ្តល់ជូនបច្ចុប្បន្នដែលរួមមានដូចជា សេវាផ្ទេរប្រាក់តាមខេត្ត និងក្រៅប្រទេស សេវាបើកប្រាក់បៀវត្ស និងសេវាចាត់ចែងសាច់ប្រាក់ បានបើកឱកាសសម្រាប់ទំនាក់ទំនងថ្មីៗទៀត បំពេញបន្ថែមលើសេវាផ្តល់ប្រាក់កម្ចីខ្នាតតូចដែលជាមុខជំនួញស្នូលរបស់យើង ។ ការទទួលបាននូវដើមទុនបន្ថែម ធ្វើឱ្យធនាគារយើងមានលទ្ធភាពផ្តល់នូវផលិតផលនិងសេវាកាន់តែទូលំទូលាយបន្ថែមទៀតដល់អតិថិជន នៅពេលអតិថិជនវិវឌ្ឍទៅតាមភាពរីកចម្រើនសេដ្ឋកិច្ច ព្រមទាំងទទួលបាននូវចំណែកទីផ្សារថ្មីៗទៀត ។

លោក ជា សុខ អតីតជានាយកធនាគារកណ្ដាល និងបច្ចុប្បន្នជាប្រធានក្រុមប្រឹក្សាភិបាលនៃ ធនាគារ អេស៊ីលីដា បានសង្កត់ធ្ងន់លើអត្ថប្រយោជន៍ពីការមានមូលដ្ឋានដើមទុនកាន់តែរឹងមាំថា "ក្នុងបរិយាកាសសេដ្ឋកិច្ចបច្ចុប្បន្ន ហានិភ័យអាចកើតមានគ្រប់ទិសទី ហើយអតិថិជនទាំងអស់កើតចេញពីអ្នកដាក់ប្រាក់បញ្ញើឯកត្តជនតូចៗ ដោយជួបបញ្ហាពិបាកក្នុងការទូទាត់ជាមូលប្បទានប័ត្រទៅឱ្យសហគ្រាសពាណិជ្ជកម្មធំៗ ជាមួយនឹងមូលនិធិធ្វើចរាចរតាមបណ្ដាញលក់រាយ ដែលកំពុងចោទជាសំណួរខ្លាំងឡើងដល់ភាពខ្លាំង និងលទ្ធភាពរបស់ធនាគារក្នុងការការពារទ្រព្យសកម្មរបស់ពួកគេ ។ លើសពីនេះទៅទៀត នៅពេលយើងបានក្លាយជាអ្នកចូលរូមយ៉ាងសកម្មក្នុងទីផ្សាររូបិយវត្ថុអន្តរធនាគារ ដែលយើងត្រូវយល់ដឹងពីតម្រូវការដើម្បីរក្សាតារាងតុល្យការច្បាស់លាស់ ។ ជាមួយនឹងការរីកចម្រើននេះ ធនាគារអេស៊ីលីដា បច្ចុប្បន្នគឺជាធនាគារមួយដែលមានរចនាសម្ព័ន្ធហិរញ្ញវត្ថុដ៍រឹងមាំបំផុតក្នុងប្រទេស ដោយមានដើមទុនគ្រប់គ្រាន់ហួសពីការកំណត់របស់ធនាគារជាតិ និងបទដ្ឋានអន្តរជាតិ" លោកបានបន្ថែមទៀតថា "ការបំបែកភាគហ៊ុនដែលក្នុងមួយភាគហ៊ុនមានតម្លៃ ១ដុល្លារអាមេរិក ក្នុងគោលបំណងធ្វើឱ្យម្ចាស់ភាគហ៊ុនអាចចូលរួមបន្ថែមទៀតក្នុងពេលអនាគត ក្នុងចំណោមឯកត្តជនកម្ពុជាដែលជាម្ចាស់រួមគ្នានៃភាគហ៊ុនភាគច្រើនគឺ ៥១% នៃភាគហ៊ុនធនាគារ" ។

អ្នកនាំពាក្យម្នាក់របស់ធនាគារបាននិយាយថា "ធនាគាររំពឹងថាការបង្កើនដើមទុន និងការផ្តល់អាជ្ញាប័ណ្ណជាថ្មីម្តងទៀត នឹងចប់សព្វគ្រប់នៅមុនបំណាច់ខែតុលា" ។

« ព័ត៌មានមុន
ធនាគារ អេស៊ីលីដា លីមីធីត បានជ្រើសរើស TEMENOS GLOBUS ដើម្បីគាំទ្រដល់ប្រតិបត្តិការធនាគារ ព័ត៌មានបន្ទាប់ »
ធនាគារ អេស៊ីលីដា បានលើកផ្លាកសញ្ញាជាផ្លូវការ ជាធនាគារពាណិជ្ជ

ធនាគារ អេស៊ីលីដា នឹង​បង្កើន​ដើមទុន ដើម្បី​ស្នើ​សុំ​អាជ្ញាប័ណ្ណ​ជា​ធនាគារ​ពាណិជ្ជ

ធនាគារ អេស៊ីលីដា នឹងបង្កើនដើមទុន ដើម្បីស្នើសុំអាជ្ញាប័ណ្ណជាធនាគារពាណិជ្ជ