ព័ត៌មានព័ត៌មានថ្មីៗធនាគារអេស៊ីលីដា លើកផ្លាកសញ្ញាជាផ្លូវការជាធនាគារពាណិជ្ជ

ធនាគារ អេស៊ីលីដា បានលើកផ្លាកសញ្ញាជាផ្លូវការ ជាធនាគារពាណិជ្ជ

ថ្ងៃទី០១ ខែមករា ឆ្នាំ២០០៤

លោក-អ្នកប្រហែលជាបានជ្រាបហើយនៅពេលថ្មីៗនេះ តាមរយៈគេហទំព័ររបស់យើងខ្ញុំ ក៏ដូចជា ភ្នាក់ងារព័ត៌មានក្នុងប្រទេសកម្ពុជា ដែលបានរាយការណ៍ថា ធនាគារជាតិនៃកម្ពុជាបានផ្តល់អាជ្ញាប័ណ្ណធនាគារពាណិជ្ជពេញលេញឱ្យដល់ ធនាគារ អេស៊ីលីដា តាំងពីថ្ងៃទី០១ ខែធ្នូ ឆ្នាំ២០០៣ ។

នៅថ្ងៃទី០១ ខែមករា ឆ្នាំ២០០៤ ធនាគារ អេស៊ីលីដា បានលើកផ្លាកសញ្ញាថ្មីរបស់ខ្លួនជាផ្លូវការ ជាធនាគារពាណិជ្ជ នៅគ្រប់ការរិយាល័យទាំងអស់ទូទាំងប្រទេស ។ ចំណែកមួយក្នុងដំណើរការដើម្បីពង្រឹងលទ្ធភាពខ្លួន ដើម្បីទទួលបានអាជ្ញាប័ណ្ណនេះ គឺយើងបានពង្រឹងផ្នែកដើមទុនរបស់យើង ។ ក្នុងពេលថ្មីៗនេះ ភាគហ៊ុនិករបស់យើងដែលរួមមាន អាយ អែហ្វ ស៊ី (សាជីវកម្មហិរញ្ញវត្ថុអន្តរជាតិ សាខាធនាគារពិភពលោក) ឌី អ៊ី ជី (ប្រទេសអាល្លឺម៉ង់) អែហ្វ អឹម អូ, ស្ទីចធីង ទ្រីយ៉ូដូ ដូអ៊ែន និង ទ្រីយ៉ូដូ ខាស្តូឌី ប៊ីវី (ប្រទេសហុល្លង់ដ៍) បានចូលរួមធ្វើជាម្ចាស់ភាគហ៊ុននៃដើមទុនដែលត្រូវបានបង្កើនឡើងពី ៤លានដុល្លារអាមេរិក មកដល់ ១៣លានដុល្លារអាមេរិក ។ បើសរុបចូលគ្នារវាងទុនបម្រុង និងផលចំណេញបូកបន្ត យើងមានដើមទុនលើសពី ១៦លានដុល្លារអាមេរិក ធ្វើឱ្យធនាគារ អេស៊ីលីដា ក្លាយជាធនាគារមួយក្នុងចំណោមធនាគារដែលមានតារាងតុល្យការរឹងមាំជាងគេក្នុងប្រទេស ផ្នែកដើមទុន ដែលលើសពីលក្ខខណ្ឌតម្រូវរបស់ធនាគារជាតិ និង អន្តរជាតិ ។ ចំណុចនេះបានធ្វើឱ្យយើងមានលទ្ធភាពកាន់តែខ្លាំង ទប់ទល់នឹងហានិភ័យដែលអាចកើតមាននៅក្នុងអាជីវកម្មសម័យថ្មីនេះ ។

« ព័ត៌មានមុន
ធនាគារ អេស៊ីលីដា នឹងបង្កើនដើមទុន ដើម្បីស្នើសុំអាជ្ញាប័ណ្ណជាធនាគារពាណិជ្ជ ព័ត៌មានបន្ទាប់ »
ពិធីសម្ពោធជាផ្លូវការក្នុងឱកាសទទួលអាជ្ញាប័ណ្ណធនាគារពាណិជ្ជ របស់ ធនាគារ អេស៊ីលីដា ភីអិលស៊ី

ធនាគារ អេស៊ីលីដា បាន​លើក​ផ្លាក​សញ្ញា​ជា​ផ្លូវ​ការ ជា​ធនាគារ​ពាណិជ្ជ

ធនាគារ អេស៊ីលីដា បានលើកផ្លាកសញ្ញាជាផ្លូវការ ជាធនាគារពាណិជ្ជ