USD
THB
EUR
AUD
VND
CAD
LAK
JPY
GBP
CNY
navigate_nextព័ត៌មានnavigate_nextព័ត៌មានថ្មីៗnavigate_nextពិធីសម្ពោធជាផ្លូវការក្នុងឱកាសទទួលអាជ្ញាប័ណ្ណធនាគារពាណិជ្ជ
ពិធីសម្ពោធជាផ្លូវការក្នុងឱកាសទទួលអាជ្ញាប័ណ្ណធនាគារពាណិជ្ជ របស់ ធនាគារ អេស៊ីលីដា ភីអិលស៊ី
ថ្ងៃទី០១ ខែមីនា ឆ្នាំ២០០៤
ធនាគារ អេស៊ីលីដា ភីអិលស៊ី ដែលជាធនាគារមីក្រូ និងផ្នែកលក់រាយនាំមុខគេក្នុងព្រះរាជាណាចក្រកម្ពុជា បានរៀបចំពិធីសម្ពោធជាផ្លូវការរបស់ខ្លួននៅថ្ងៃទី០១ ខែមីនា ឆ្នាំ២០០៤ នៅភ្នំពេញ ។ ពិធីនេះត្រូវបានប្រារព្ឋធ្វើឡើងនៅការិយាល័យកណ្ដាលរបស់ធនាគារ អគារលេខ ២៨ មហាវិថីម៉ៅសេទុង ក្រោមអធិបតីភាពឯកឧត្តម គាត ឈន់ ទេសរដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងឯកឧត្តម ជា ចាន់តូ ទេសាភិបាលធនាគារជាតិនៃកម្ពុជា ។
ធនាគារ អេស៊ីលីដា ភីអិលស៊ី បានកម្លាយខ្លូនពីវិទ្យាស្ថានហិរញ្ញវត្ថុ ទៅជាធនាគារឯកទេស នៅក្នុងខែតុលា ឆ្នាំ២០០០ ហើយបានទទួលអាជ្ញាប័ណ្ណជាធនាគារពាណិជ្ជពេញលេញពីធនាគារជាតិនៃកម្ពុជា នៅថ្ងៃទី០១ ខែធ្នូ ឆ្នាំ២០០៣ ។ ជាមួយនឹងអាជ្ញាប័ណ្ណនេះ ធនាគារ អេស៊ីលីដា ភីអិលស៊ី អាចផ្តល់នូវផលិតផលនិងសេវាធនាគារពាណិជ្ជ និងធនាគារលក់រាយបានយ៉ាងពេញលេញ ដែលរួមមានសេវាផ្ទេរប្រាក់ក្នុងនិងក្រៅប្រទេស សេវាប្តូរប្រាក់ សេវាហិរញ្ញប្បទានពាណិជ្ជកម្ម ព្រមទាំងពង្រីកចូលទៅក្នុងចំណែកទីផ្សារថ្មីៗបន្ថែមទៀត ។
លោក អ៊ិន ចាន់នី អគ្គនាយក ធនាគារ អេស៊ីលីដា ភីអិលស៊ី បានមានប្រសាសន៍ថា "ធនាគារ អេស៊ីលីដា ភីអិលស៊ី មានការរីកចម្រើន និងលូតលាស់យ៉ាងឆាប់រហ័ស តាំងពីទទួលបានអាជ្ញាប័ណ្ណលើកទីមួយ ជាធនាគារឯកទេស កាលពីបីឆ្នាំមុន" លោកអគ្គនាយកបានលើកឡើងទៀតថា "ចាប់តាំងពីខែមករា ឆ្នាំ២០០១ មកទល់ពេលបច្ចុប្បន្ន ធនាគារ អេស៊ីលីដា បានពង្រីកការិយាល័យរបស់ខ្លួនពី ៥៦ការិយាល័យ ដល់ ១០៥ការិយាល័យ នៅក្នុង ២១ខេត្ត-រាជធានី ។ សព្វថ្ងៃនេះធនាគារយើងខ្ញុំមានអតិថិជនកំពុងខ្ចីប្រាក់ជាង ១០០.០០០នាក់ និងដាក់ប្រាក់បញ្ញើ-សន្សំ់ជិត ៤០.០០០នាក់ ។ បច្ចុប្បន្ននេះយើងមានបុគ្គលិក ១.៤៤៥នាក់ ពាសពេញប្រទេសដែលឥឡូវនេះជាភាគហ៊ុនិកតាមរយៈកម្មវិធី ដែលឱ្យបុគ្គលិកធ្វើជាម្ចាស់ភាគហ៊ុន ។
