USD
THB
EUR
AUD
VND
CAD
LAK
JPY
GBP
CNY
navigate_nextព័ត៌មានnavigate_nextព័ត៌មានថ្មីៗnavigate_nextពិធីចុះហត្ថលេខាលើកិច្ចព្រមព្រៀងផ្តល់ឥណទានរវាងធនាគារអេស៊ីលីដា និងអាយ អែហ្វ ស៊ី
ពិធីចុះហត្ថលេខាលើកិច្ចព្រមព្រៀងផ្តល់ឥណទានរវាង ធនាគារ អេស៊ីលីដា ភីអិលស៊ី និង អាយ អែហ្វ ស៊ី
ថ្ងៃទី២១ ខែឧសភា ឆ្នាំ២០០៤
នៅថ្ងៃទី២១ ខែឧសភា ឆ្នាំ២០០៤ ពិធីចុះហត្ថលេខាលើកិច្ចព្រមព្រៀងបានប្រព្រឹត្តិទៅ នៅសណ្ឋាគារ ឡឺរ៉ូយ៉ាល់ នៅរាជធានីភ្នំពេញ រវាង ធនាគារ អេស៊ីលីដា ភីអិលស៊ី និង អាយ អែហ្វ ស៊ី ដោយមានការចូលរួមពីឯកឧត្តម គាត ឈន់ ទេសរដ្ឋមន្ត្រី រដ្ឋន្ត្រីក្រសួងសេដ្ឋកិច្ចនិងហិរញ្ញវត្ថុ ។
បន្ទាប់ពីក្លាយជាធនាគារពាណិជ្ជពេញសិទ្ឋិ ធនាគារ អេស៊ីលីដា ភីអិលស៊ី មានគុណសម្បត្តិគ្រប់គ្រាន់ក្នុងការស្វែងរកទុនពីធនាគារ និងភ្នាក់ងារអន្តរជាតិនានា ហើយជាមួយគ្នានោះដែរ ធនាគារ អេស៊ីលីដា ភីអិលស៊ី បានរីកចម្រើន និងពង្រីកសាខារបស់ខ្លួនយ៉ាងឆាប់រហ័ស ។ ដើម្បីឆ្លើយតបតម្រូវការខ្ពស់ផ្នែកឥណទានរបស់សហគ្រិនខ្នាតតូចបំផុត ខ្នាតតូច និងខ្នាតមធ្យម ក្នុងព្រះរាជាណាចក្រកម្ពុជា ធនាគារ អេស៊ីលីដា ត្រូវការឥណទានចំនួន ៦លានដុល្លារអាមេរិក ពី អាយ អែហ្វ ស៊ី មកបំពេញតម្រូវការរបស់សហគ្រិនយ៉ាងច្រើននោះ ។
ផែនការទីពីរសម្រាប់អភិវឌ្ឍន៍សេដ្ឋកិច្ចសង្គម និងយុទ្ឋសាស្ត្រកាត់បន្ថយភាពក្រីក្ររបស់រាជរដ្ឋាភិបាល កម្ពុជាបានទទួលស្គាល់ថា កំណើនសេដ្ឋកិច្ចគួរតែត្រូវបានពន្លឿនទៅមុខតាមរយៈការអភិវឌ្ឍវិស័យឯកជន និងសហគ្រាសខ្នាតតូច និងខ្នាតមធ្យម ឱ្យបានខ្លាំងក្លា ជាមួយនឹងការចូលរួមអន្តរាគមន៍នានាក្នុងការកាត់បន្ថយភាពក្រីក្រ ។
រាប់ត្រឹមចុងខែមេសា ឆ្នាំ២០០៤ ធនាគារ អេស៊ីលីដា មានសមតុល្យឥណទានប្រមាណជាង ៤៧លានដុល្លារអាមេរិក នៅលើដៃអតិថិជនជាង ១០៥.០០០នាក់ ដែលក្នុងនោះមាន ៧០% ជាស្ត្រី ។
ជាមួយនឹងឥណទានដែលនឹងទទួលបានពី អាយ អែហ្វ ស៊ី ក្នុងពេលខាងមុខនេះ ធនាគារអេស៊ីលីដារំពឹងថានឹងបានផ្តល់ឱ្យអតិថិជនខ្នាតតូចបំផុត ខ្នាតតូច និងខ្នាតមធ្យម យ៉ាងតិចចំនួន ៣.០០០នាក់បន្ថែមទៀត ដែលជាមធ្យោបាយដ៏សំខាន់មួយសម្រាប់ជួយជំរុញឱ្យមានការរីកចម្រើនផ្នែកសេដ្ឋកិច្ចពីកម្រិតគ្រឹះឡើងទៅ ។ វាផ្តល់នូវយន្តការជួយពង្រឹង និងពន្លឿនការអភិវឌ្ឍសង្គម ហើយក៏ជាអាវុធដ៏សំខាន់ក្នុងការប្រយុទ្ឋប្រឆាំងនឹងភាពក្រីក្រក្នុងប្រទេសកម្ពុជា ។
