ព័ត៌មានព័ត៌មានថ្មីៗប្រធានធនាគារពិភពលោកផ្ញើលិខិតសរសើរធនាគារអេស៊ីលីដា

ប្រធានធនាគារពិភពលោកផ្ញើលិខិតសរសើរធនាគារអេស៊ីលីដា

ថ្ងៃទី១០ ខែកញ្ញា ឆ្នាំ២០០៧

លោក អ៊ិន ចាន់នី ប្រធាននាយកប្រតិបត្តិ ធនាគារអេស៊ីលីដា និងលោក Robert B. Zoellick ប្រធានធនាគារពិភពលោក

បន្ទាប់ពីបានអញ្ជើញមកធ្វើទស្សនកិច្ចជាផ្លូវការកាលពីថ្ងៃទី០៤ ខែសីហា នៅកន្លែងប្រកបអាជីវកម្មរបស់អតិថិជនធនាគារអេស៊ីលីដា ដែលទទួលបានជោគជ័យលើមុខរបរ តម្លើង ជួសជុល និងកែច្នៃគ្រឿងម៉ាស៊ីនសម្រាប់ធ្វើកសិកម្ម លោក Robert B. Zoellick ប្រធានធនាគារពិភពលោក បានធ្វើលិខិតសរសើរមួយច្បាប់ចំពោះធនាគារអេស៊ីលីដា ដែលបានទទួលជោគជ័យយ៉ាងវិសេសវិសាលនិងកំពុងធ្វើប្រតិបត្តិការក្នុងវិស័យមីក្រូហិរញ្ញវត្ថុនៅក្នុងប្រទេសកម្ពុជា ស្របគ្នាទៅនឹងផែនការពង្រីកបណ្តាញប្រតិបត្តិការរបស់ខ្លួន ។

នៅក្នុងអត្ថន័យលិខិតនោះ លោក Robert B. Zoellick បានបញ្ជាក់ថា លោកត្រេកអរនិងរំភើបរីករាយក្រៃលែង ដោយបានឃើញលោក លាប រ័ត្ន និងអ្នកស្រី យី ឡាប ព្រមទាំងបុគ្គលិករបស់គាត់ទទួលបានជោគជ័យក្នុងការតម្លើង ជួសជុល និងកែច្នៃគ្រឿងម៉ាស៊ីនធ្វើកសិកម្ម ដែលការងារនោះមានអំណោយផលយ៉ាងប្រសើរចំពោះលក្ខខណ្ឌ និងស្ថានភាពថវិការបស់ប្រជាជនកម្ពុជា ។

លោកបានបញ្ជាក់បន្តទៀតថា លោកពេញចិត្តខ្លាំងណាស់ ដោយបានដឹងថាធនាគារអេស៊ីលីដាបាននិងកំពុងតែពង្រីកបណ្តាញប្រតិបត្តិការរបស់ខ្លួន នេះជាការបង្ហាញយ៉ាងច្បាស់ពីភាពជោគជ័យដ៏គួរឱ្យកត់សម្គាល់ ដែលធនាគារអេស៊ីលីដាកំពុងប្រតិបត្តិការក្នុងវិស័យហិរញ្ញវត្ថុនៅក្នុងប្រទេសកម្ពុជា ដោយប្រើតែរយៈពេលដ៏ខ្លី ដោយមានការរួមចំណែកពីសាជីវកម្មហិរញ្ញវត្ថុអន្តរជាតិ (IFC) តាមរយៈការផ្តល់ដើមទុនវិនិយោគ និងការផ្តល់ប្រឹក្សាយោបល់ជាបន្តបន្ទាប់រហូតដល់ការពង្រីកបណ្តាញប្រតិបត្តិការទៅក្រៅប្រទេសរបស់ធនាគារអេស៊ីលីដា ។

លោក Robert B. Zoellick ក៏បានថ្លែងអំណរគុណសម្រាប់ដំណើរទស្សនកិច្ចដ៏ត្រចះត្រចង់នេះ និងសូមជូនពរ លោក អ៊ិន ចាន់នី ប្រធាននាយកប្រតិបត្តិ ធនាគារអេស៊ីលីដា ព្រមទាំងបុគ្គលិករបស់ធនាគារទាំងអស់ឱ្យទទួលបានជោគជ័យគ្រប់ភារកិច្ចនាពេលអនាគត ជាពិសេសក្នុងការបន្តពង្រីកបណ្តាញប្រតិបត្តិការនិងដើរតួនាទីគំរូ មិនត្រឹមតែសម្រាប់វិស័យហិរញ្ញវត្ថុប៉ុណ្ណោះទេ ថែមទាំងសម្រាប់វិស័យឯកជនទាំងមូលផងដែរ ។

« ព័ត៌មានមុន
ប្រធានធនាគារពិភពលោក បានអញ្ជើញទៅធ្វើទស្សនកិច្ចអតិថិជនធនាគារ អេស៊ីលីដា ព័ត៌មានបន្ទាប់ »
ធនាគារអេស៊ីលីដា ទទួលវិញ្ញាបនបត្រសរសើរពីធនាគារជាតិនៃកម្ពុជា

ប្រធាន​ធនាគារ​ពិភពលោក​ផ្ញើ​លិខិត​សរសើរ​ធនាគារ​អេស៊ីលីដា

ប្រធានធនាគារពិភពលោកផ្ញើលិខិតសរសើរធនាគារអេស៊ីលីដា